عشاق رغم الطلاق

البارت الثالث (تجمع الاول)

السلام عليكم نبدء البارت

❤ـہہـ٨ــ❥ــ٨ـہــ❥ــ٨ـہہــــ٨ـــ٨ـ❤

تسريع الاحداث
ثاني يوم بعد ما خلصو الولد شغلهم اتوجهو الى بيت عمتهم بعد السلام بينهم دخلو و شافو بيبيتهم وبشروهة بابنهة نهاد
الجدة.ببكاء اي يمة فدوة اروحلكم شوكت ترجعونة لحضني كلبي غادي عليه نار
علاء.جدة استهدي برحمن وعد مني اسبوع او اقل تلكينة يمج
سلمو علة بيت عمتهم واخذو بيبيتهم ورجعو البغداد
تسريع الاحداث
سافر علاء الامريكا حتة يجيب عمة ويرجع راح علة العنوان الي عندة
علاء.دا امشي بلفرع الي بي العنوان مال بيت عمي ملتهي اباوع بلورقة اتئكد من العنوان ما احس غير انضربت ابشي ترف اني ضخم بحيث من الضربة اني ما ازحزحت بس الي اندعمت بي انشمر عبالي ولد لابس طاكية ولادي وبنطلون وقمصلة جلد  كتلة اسف خوية بدون قصد
اندارت علية او ياريتهة ما اندارت انصطرت من الي شفتة لابسة البدي طالع خصرهة كلة شلون خصر زبد همزين لابسة قمصلة فوكة ومغطية من ورة ولبنطلون لزك علجسم لا ونوب رفعت عيوني علوجه كمر مو بشر كلت ابكلبي خرب عشيرتج علة هلعيون عيون البزون فصلت عن العالم ما صحيت الة علة صوتهة تحجي وية روحهة ودكول(خرب حضي ليش هيج راحن الغراض كلهن بعد ميفيدن اندمرن خرب وين ماكو واحد اعمة يطلع ابوجهي)
علاء.اني سمعتهة تحجي انصدمت لان لغتهة عراقية بس ابنفس الوقت نرفزتني من كالت عني اعمة
هي هي احترمي نفسج منو اعمة صدك ناس مو مال احترام مو اعتذرت منج ليش هلغلط
سناء.باوعت علية من رجلة الحد راسة بستهزاء عافتة و راحت بدون ما تحجي ولا كلمة
علاء.الله الله بس عمي حقهة هلخشم اليابس خرب اهلج حتة نستني الي جاي عليه منين طلعتلي ولله لوما عندي شغل مهم ما فلتج من ايدي بس خيرهة ابغيرهة ضليت اسئل الحد ما لكيت بيت عمي وصلت دكيت الجرس مرة مرتين انفتحت الباب شفت رجال جبير بعمر الستين سنة كلي تفضل ابني محتاج شي
علاء.مرحبة عمي شلونك
العم نهاد.الحمد الله ابني بس ولا صغراً بيك ما اذكرتك اعرفك منقبل
علاء.عمي اني علاء ابن اخوك عماد
اشو اني حجيت هلكلام ما احس اله عمي واكع ولكفتة قبل ليوصل الارض شلتة صحت يا اهل البيت ماك احد الحكولي بكلاص مي طلعتلي مرة امفرفحة وتصرخ علة عمي كلتلهة لتخافين ما بي شي صدمة بس جيبيلة كلاص مي طبعاً هذة الكلام اني طببت عمي علجرباية و شربتة مي صحة اول ما صحة كام يبجي وحضني ويكلي من ريحت الغوالي هذة كلة ومرت عمي بس صافنة كلشي ما حجت***
بيت ابو سناء•
كعدت سناء صبحت علة امهة كالت ماما حبابة خلي اروح للسوك اجيب كم حاجة محتاجتهم
ام سناء.كولي الابوج و روحي وذا قبل حتة وصيج علة كم حاجة محتاجتهن للمطبخ
سناء.تمام
بابا حباب اريد اروح للسوك عندي كم حاجة اجيبهن وجي
الاب .روحي بابة بس لتتئخرين
سناء.تمام بابة احبك باي
رحت بدلت لبست تيشيرت يكشف شوي من الخصر و لبست قمصلة وبنطرون جينز و حطيت الكلو مال عماد اخوية لان جبيرة ولميت شعري جواهة تعاجزت ارتب شعري وطلع فضميتة اني و راجعة من السوك انلطخت ابواحد جنة عامود مو بشر اني اطشرت او هوة ولا ازحزح حجيت الحجي الي فوك☝ وسمعني بس من باوعت عليه شكلة ايخبل بس شلت خشمي وعفتة ومشيت رحت جبت غير غراض بدال الي اطشرن بلارض ورجعت للبيت فتحت المفتاح فتت اركض وصيح ماما ماما وينج لو تدرين اشصار بية ادعمت ابواحد اثول الله صاطرة انوب طش كلشي اشتريتة وضل يتلوك ويتوسل حته يساعدني بسسسس😯 هذةشيسوي هنا 😐
علاء.كاعدين بعد ما اتعرفت علة مرت عمي مرة حبابة وستقبلتني خوش استقبال كاعدين انسولف وعمي متمدد علجرباية واكو قنفات صايرات ورة باب الغرفة كعدت عليهن سمعنة صوت الباب وحدة تصيح ماما ومتطي مجال للجواب المهم كامت الهة امهة اني انصدمت معقولة هاي بت عمي زين شللللووووون يخليهة تطلة بهل شكل لا و فوكاهة مستمرة بلحجي علية واني كاعد متشوفني صاير وراهة من خزرتهة امهة دارت وجهة وشافتني اتصنمت بعد ما حجت شي
حجة عمي تعالي بنتي اعرفج علة ابن عمج علاء
سناء.ش شن شنو اااب ابن ععمي
علاء. مرحبة ابت عمي اني علاء ابن عمج
سناء. هلو بيك
علاء يحجي وية روحة .اللهم طولج يا روح هاي شلون راح اتروح هيج للعراق اهناك غير اتخزة لازم الكالهة حل قبل منروح مترهم  قاطع شرودي عمي يسئل عل الاهل ونصدم من عرف ابوية متوفي شبع قهر بس صبرتة كتلة لازم اتقوي روحك لخاطر الحجية (الي هية الجدة)
خصصولي غرفة و عمي كال بس اصفي شغلي ونرجع هلسبوع كلتلة الله يسهل كلي كوم ارتاح بغرفتك عرفني علة عماد ودلاني علغرفة طبيت  كبل للحمام حمام داخلي بلغرفة سبحت طلعت لاف المنشفة على خصري بلشت افتح سحاب الجنطة حتة اطلع ملابس ما احس اله اندك الباب عبالي عماد كلت فوت طبت البزون ونصدمت اني نسيت روحي بلمنشفة من انتبهت علة نفسي اخذت الملابس بسرعة ورحت للحمام طلعت لكيتهة رايحة كلت احسن ما اضمن نفسي لان شكلهة وتصرفاتهة ولبسهة كلة مستفز خليت ونمت لان تعبان#
سناء .بعد صدمتي بلي صار رحت للمطبخ ساعدت ماما بلمطبخ خلصنة كالت الاخوية يروح ايجيب صمون وامي ترتب السفرة كالتلي روحي صيحي ابن عمج يجي يتعشة رحت دكيت الباب صاح فوت فتحت الباب وشوف ذيج الشوفة عارض ازياء واكف كبالي العضلات سداسية ولعضلات مال جتافة خرافية لا ولمي ينكط من شعرة علة كتوفة ويسرسح علة عضلات بطنة ما ادري شلون كدرت اضل واكفة وباوع تخردلت ما اعرفت شسوي من اخذ ملابسة و راح حسيت علة روحي عززززززة العزاني خليت وطلعت اركض الغرفتي بعد ما طلعت الثاني يوم

وللحكاية بقية اتمنة تعجبكم