واقف جنب الاستاد منتظر مواصلات بري ماشي معرض الكتاب عندي كم كتاب📚 كدة عايزهم وفتشتهم في المكتبات ما لقيتهم وصحبي قال لي معرض الكتاب فاتح امشي شوفو👀 ..وانا منتظر المواصلات والشمس منتظرة برضو معاي💪🔥 والرؤيه بقت ضباضبيةة☀️ .وفجاءة ظهرت واحدة من هناك ظاهر من لبسها انها كسارة ولهلوبه لمن عوارة وهي ماشه بتتقدل وتتمايل وتترنح👣 وهي متجه علي وبتعاين لي وانا من السخانة🌞 ومنظر البت السمحة الجاية قصادي دي. ما قدرتة ابلع ريقي💤 وهي جاية طلعت النظارة بتاعته🕶 وبتتلفت بي طريقة غريبة شوية🔃 .وله علشان انا كنت منتظرة تصلني طوالي من غير تردد.🤠🤠.ووصلتي وبقت تسئل من انو هنا في مواصلات🚐 شنو واثنا ما بتتكلم معاي اشوف ليك شامة⚫ محكرة في خدها الشمال تحت شوية🤩🤩 .وبعد شويه حصل موقف كدة من المواقف البتحصل جمب المواصلات والناس بقت تضحك وطبيعي انها تضحك معانا🤗😍 .وفجءة ومن حيث لا ادري الغمازة جات مارقة🔝 .انا هنا خلاص وصلت حد البكا الجد جد😭😭 في البت دي لانو دي الحاجات البحبها في البنت عموما☺😉وبيحبوها الاولاد في البنات👌👍 وبقيت ما قادر امسك نفسي وحسيت بي برد⚡ في عز الحر والشمس المقاصدان🌡☄ا وانا اشيل واتململ واعاين ليها واتحرك بي جرسة كدة وقربتة ابكي ليها بالجد لكن مسكتة نفسي بالعافية😓😔 وبقيت اقول لي نفسي الكلام ده عيب انت زول عديت مرحلة المراهقة دي زمان🤕😕 والبتعمل فيو ده عيب كبير وبقيت اشيل واوعي في نفسي وبي نهره كدة لمن حسيت انو الناس الجمبي سامعيني🔊 .واستغفرته كم مرة كدة والحمدلله الموضوع انتهى🖤 وعملتة نفسي بتكلم في التلفون📱 ونسيت اعملو صامت🔇 واثنا ما انا بتهابل وبتعابط بالتلفون وبخلق في مواضيع التلفون ضرب📲 بي اعلي صوت فيو وانا في اللحظة دي قربتة اضرب بيو الارض من شدة الضيق😤😤 ومنظري بقى زباله لمن عوارة😟🙁 وصحبتي ام شامة😊 كانت متابع السيناريو ده من بعيد😎 شوية وانا بقيت خلاص وصلته الاخر ومنتظر اي مواصلات تجي علشان اركبه🚶♂️🚐 من غير ما اعرفة ماشه وين بس اتخارج من المكان ده وبقيت امشي واجي راجع🔄 نظام الود اتأخر وكدة والمواصلات اتأخرت⚠️ وحركات المسلسلات دييك.وفجأءة لمحتها قامت من مكانة وجاية علي مكان المواصلات🚩 الانا واقف فيو ده وجات وقفت قريب..🤞 قريبة مني كدة لكن ما شديد وقالت السلام عليكم 🖐وانا هنا ما حسيت بي اي شي وحسيت بي نفسي نايم😴😴 وما واعي بي اي شي حوليني ولمن كملته الهباله البعملة مع نفسي هي فهمت انو انا ما عايز ارد ليها السلام😔😔 وما شغال بيها🚫🚫 ولقيتته بتعاين لي وهي مستغربة🙄 وحسيت بي انها عايزة تتحرك🚶♀️ علشان تمشي وفجأءة قلت ليها وعليكم السلام🤝.رجعت في مكانه وهي مبتسمة ابتسامة لذيذة خلاص🙂🙂 .وقالت لي مواصلات بري دي اصلا صعبة كدة🤔؟ بدل اقول ليها اي وله لا🤤🤤 .قلت ليها بري ياته المعرض🤨؟ وحاولته الملم الموقف وقلته ليها اي صعبة والله😐😗 .وبقت تضحك😀😀 .صراحه ضحكته دي وديتة كدة ابت ووديتة كدة برضو ابت تتفهم لي😍😋 .وقالت لي انت ماشي بري؟؟🛡 رديت بي تقل كدة لانو حسيت بالجد انو لساني تقل🤭🤭 .قلت ليها اي🤕 .واخيرا جات حافلة بري المعرض🚐✔ وقلت اخير انسحب سريع لانو منظري بقى شين🤪 .وركبته الحافلة وقعدتة جمب الشباك⏹ وقلت لمن تتحرك الحافلة اديها نظرة اخيرة👁☺ واتوزنتة في الشباك وبقيت كاشف الناس كلهم👥 وبقيت مجهز نفسي ومتحمس لي نظرة الوداع😥😥 وبقيت اتلفت زي المروحة وقلت اعاين للجنبي ده علشان ما يفتكرني مجنون...😇😇🤪 .والساعه الاتلفتة علشان اشوف الجمبي لقيتة هي🙎♀️ زااتة.ولقيتة بتعاين لي بطريقة إستغراب😳😦 كدة.وفجاءة قالت لي فيك شي؟💁♀️؟وعاينتة ليهالا كدة مستغرب من سؤاله...🤔😗 فيني شي؟؟يعني انتي ما عارفة؟؟.وقلت اجرب معاها اسلوب القرصنة😶⛓ مدام الفاتو ديل كلهم ما نفعو .قلتة ليها شي زي شنو يعني🤷♂️ قالت لي اي شي شايفك ما مستقر قلت يمكن في شي😏😊 .قلت ليها مافي شي بس اتخلعته ومع كلمة اتخلعتة دي فكتة ضحكة🤭😚.والوجنة طلعت.والعيون اتقفلو👀.والرموش وقفو سلك.والشامة🕳 جات ناطة علي عديل كدة💥.وبعديها بقيت اسئلة وهي بتجاوب بكل ارتياح وبتسئلني وانا بجاوب...♻️ ووصلنا المعرض وبقيت اقول يا ود احسن ليك المعرض وله المسلسل التركي الشغال دة.. وانا بتعابط كالعادة ونظام بخير في نفسي بين المعرض والمسلسل هي بقت تطقطق🙋♀️ للسواق (نازلة)وانا طبعا من الخلعه بقيت بعاين ليها عشرة عشرة😨😧 وهي كانت شايلة تلفونة في يدها📳 .شلتو منها بي سرعة وفتحتة💢 مسجل الارقام وهي بتعاين لي كدة بي استغراب😲😯 نظام اديني تلفوني انا نازلة☹😤 وكدة ووالناس القدامها قامو وبتاع الحافلة منتظر الزول القال نازل دة🗣 البت لمن ملامح وشها اتغيرت😥🤐 وتحسها شكت فيني ابتسمته😏 ليها وقلتة ليها انزلي انا اصلا نازل المعرض.ونزلنا👫ا.......
يتبع....✌
