...ونزلنا من الحافلة وحسيت بيها زي الفخورة كدة انو في زول ماشي 😊😊 بس هي ما عارفة الشوال الجمبها 💥..سئلتني قالت لي ماشي وين بالضبط قلت ليها معرض الكتاب قال لي مشألله وكمان مثقف ⁉️.شكلها افتكرتني ماشي اشتري كتب لي شكسبير في حين انو انا ماشي اشتري روايات 😉.وطوالي عشت دور القارئ المخضرم وقلت ليها كييف يااخ القراءة غذاء الروح😎😎 .بس بعد الجملة دي دورت فيني كلام بي لغة البرجوازين ديك 💎وانا زي الاهبل وما فاهم شي في حين انو انا الجملة دي سمعتها من صحبي ..وهي شابكاني(زي كلام االمهنيين دااك) .اركان النقاش والوضع الراهن وحصل تمخمض علي نطاق واسع وكلام كبير خالص علي.... انا برضو مواصل في الشخصية العملتها لي نفسي وحاولتة اتفادى اسئلته العميقة والما بقدر ارد عليها بي اسلوبة هي☹☹ وقلتة ليها انتي داخلة معرض الكتاب اكيد صحح؟؟؟😏 قالت لي لالا انا جاية لي صحبتي شغالة هنا .ومن الكلمة دي سلسلة االمسلسل بدت تتكسر في وشي😤😥💤..واخدتها في وشي وقلت ليها انا داخل علي معرض الكتب...يلااا باااي👋..قالت لي مع السلامه متواصلين انشألله 👫 .ومشيت كم خطوة كدة واتذكرتة انو انا ما كتبتة ليها رقمي وهي شكلها نستو او افتكرت لمن كنت مكنكش في التلفون بكون سجلتو🙄😑 .وبقيت واقف في مكاني وما عارف اعمل شنو🤕🤷♂️ امشي واكسر الحنك واكمل الشخصية الجديدة للاخر واخلي😶 الرقم وله ارجع لي طبعي واصلي الاول 🤩😙وقلتة ياخ انا ابقي تقيل علي شنو وانا الرقم ما معاي اصلا 😞😟.وقلت يااخ خليها تقول اي شي بس امشي اجيب الرقم 😔🙂وبقيت اتلفت علشان اشوفة لقيتة اختفت😧 انا هنا ما عرفت افكر وبقيت اتلفت زي المجنون🤯😬 وعرفتة انو التقل دة كعب وزعلت من نفسي (لي انا عملتة كدة)😬😠.ودخلتة المعرض وانا ماشايف قدامي من الزعلة علي البت الفوتها دي 🤦♂️وبعاين في الكتب زي الحاجة الغريبة
علي😷🧐 مسكتة لي كتاب كدة اسمو ما عارفو⁉️ بس علشان اوراقو كتيرةوبقلب في الصفحات📖 بي قرف زي الشفع💤 وانا برفع راسي بالغلط اشوف البت بتاعت قبيل جاي من بعيد😳↙️ ومعاها بت تانية كدة👭 وطوالي جريت دخلت المعرض جوة🏃♂️ وبقيت اسئل في البت بتاعت المعرض من غير سلام ولا اي شي عنديك كتب فلسفة ؟🤔🤷♂️عنديك كتب علم نفس؟؟🤔 والبت بتاعين لي بي خلعة كدة😕😮 .ولمن حسيت انو البنات ديل قربو علي المحل بقيت ارفع في صوتي وبكورك🔊📣 في البنت بتاعت المعرض ..اديني الكتب📚 القلتها ليكي سريع .علشان لمن تصلني تلقاني ماسك كل انواع الثقافة في يدي👐.وانا بتابع فيهم بي طرف عيني كدة👁 لقيتهم دخلو المحل القصاد محل الكتب الانا فيو 💞..وبقو يسلمو علي صاحب المحل سلام معرفة قديمة وكدة 🤝وانا بعاين واشيل وادعي🙏🏿.ترفع راسة وتعاين لي وبعد مسافة كدة بقت تتلفت ولمحتني 😎😎 قامت اتحركت علي باب المحل وانا طوالي استعدلتة علي البت القصادي دي(بتاعت المحل)🙍♀️ لقيتة رادمة لي حكاية بتاعت اربعين كتاب🏷 وبقت تقول لي في كتاب ما لااقيااهو🙂😔 وانا بعاين بي استغراب كدة 😯علي اساس انا حاشتريهم كلهم وكدة!!! ووصلت البت😌 وقالت لي انتهيت ؟ 😌؟قلت ليها لسة والله انتي عارفة في كتب كدة ما بتتلقي الا صدفة👌 .قالت صح✅. وقالت لي خلاص لمن تنتهي اتصل علي📞 علشان لو خلصتة ارجع معاك👫 .ولة عندك مشكلة.⁉️....مشكلة؟؟!!( حيكون عندي مشكلة جد جد لو ما رجعتي معاي )..قلت ليها دقيقة اسجل رقميك علشان عندي مشكلة مع الارقام الما مسجلة📲 ما برد عليها ..وطلعتة تلفوني📱 قلت ليها ياتو واحد من ديل قالت لي ولا واحد.شكلنا نسينا ما نشيل الارقام 😆..قلت ليها صح وشلتة رقمها واتصلتة عليها وسجلنا ارقام بعض ومشت وانا رجعتة للبت الردمت لي الكتب دي اتفكة منها كيف ما عارف😒🤐 .. وبعد تحانيس وجرجرة معاها اشتريت كتابين من الجابتهم لي 💰..وطوالي من مكاني علي الشارع🔚 .واتصلتة عليها بعد الجرس الاول ما ردت طوالي قفلتة🚫 (ايحنا لمن نقوم علي التقل كعبين😎)وانتظرتها شويه ما رجعت لي طوالي علي مكان المواصلات واتخارجتة🔙 مع اني كنت عايزة ترجع معاي 🤞.ومع الساعة عشرة🕰 كدة تلفوني دقة لقيتة دي هي😊 وهنا انا بقيت اكركب😇 ما عارف اعمل شنو مرة اقوم ومرة امشي وبعد مسافة كدة .رديت🤠🤪..اول كلام قالتو اسفة والله 🌷مع زحمة وجوطة المعرض ما سمعتة التلفون .انت هسي وين في البيت؟🏠؟ قلت ليها اي رجعته وبعدين مافيها شي عادي وانا عرفتيك بتكوني مشغولة ومشيت –ما تتحسسي يااخ🎗 –اكيد الجاي كتير.قالت انشألله كتيير🤙👍.اتونسا مسافة كدة وفي الاخير كدة سئلتني .بكرة عندك جامعة؟؟ في البداية نكرتاا محاضراتي حطبب .لكن بعد مسافة كدة قلت ليها اتذكرتة والله يوم بكرة دة مقفل عدييل كدة من الصباح⚠️⚠️..لكن انشألله بنعوضو وبنطلع في الايام الجاية .قالت انشألله😍 .وقالت بعد كده النوم انا نعستة😴 بعد كدة .قلت ليها طيب تمام ننوم علشان انا زاتي عندي صحية بدري😌 تصبح علي خير= تلاقي الخير وقفلنا🌹 .واخنا يومين بنتكلم بالواتس (رسايل بس) اتصلت علي قالت لي نتطلع🙋♀️؟؟؟ في كلام كتيير عايزة اقولو ليك🚶♀️..قلت اكييد يااخ .وفعلا طلعنا .اتلاقينا في كافي اسمو مرمريتا(شارع عبالله الطيب-للناس الما مشتو)👏🖤 طبعا انا قاشر لي درجة بعيدة ومكلف نفسي شي ريححة وشي قميص و.و.و.🤠وصلنا الكافية وطلبنا عصاير.والكلام بسيط بسيط وشويه نسكت وشويه نتكلم⚡ .وساكتين زممن .فجأءة.قالت لي ندخل في المهم💣 .قلت ليها اتفضلي .بقت بتحكي لي عن نفسها بي طريقة دقيقة 🙇♀️👌 عن طبعها وطريقة تعاملة واسلوبه. وعن اهلها وكدة .وفجأءة كده 😱حكت لي كلام غريب عدييل كدة😳🤯 .....
يتبع🤙
