أحببتهُ

البارت الاول

اني مو متفوقة بدراسه .. ولا اهتم .. اني مريم
مريم المعروفة ب اسم طايشه متعرف تتصرف متهتم بمستقبلها
اكثر شي اكره بحياتي المدرسه .. هه كاعده اخر رحله .. للأسف اكبر غشاشه بالامتحانات .. وأسوي مشاكل حتى المديرة صارت تعرفني ..
احب الطبخ و حلمي افتح مطعم و يكون بي بس اكلاتي
بس اعرف ماراح يتحقق .. بنهاية اني بنت عربية عراقيه راح اخلص سادس و احتمال ماروح جامعه بعدها ازوج و اصير ام جهال
اهتم بنفسي كلش شكلي كلش يهمني و جسمي و رشاقتي
اني طويله طولي 169 .. صاحبة شعر كلش طويل و اسود كلش حابه اصبغه بس بيبي متقبِّل تكول عود بس تزوجين
يكولون احلى شي بيه عيوني كبار مسحوبه و حاجبي ثخين و حلو لون عيوني عسلي بس كلششش فاتح عندي شامه تحت عيوني و شامه فوك شفتي
الشغلا الوحده المحلوه بيه هيه انو بس اكل اسمن بسرعه
و هل شي معذبني يعني اربع و عشرين ساعه دايت
و بعد عندي مشكله اني ابجي بسرعه و على اتفه الأشياء
ماما علاقتي بيها مو قويه يعني مو أصدقاء .. بابا ميت من قبل 15سنه و بعدها امي تركتني و راحت يم اَهلها و بعدها بسنتين ازوجت
بصراحه زواجها كلش ضوجني شلون كدرت تنسى بابا
اني عايشة ويا بيبيتي و جدي شحجيلكم عنهم اموووت عليهم
بيبي جانت امي و صديقتي واختي و كلشي صح مرات تحجي عليه بسبب مستوايه بدراسه و المشاكل يلي اسويها .. بس ماحب المدرسه
احب ابقى بالمطبخ اسوي كيك و اتفنن.. محد يفهمني
جدو كلش حنون حضنه يحسسني بالامان جدو يحب اكلاتي بس لمن احجيله عن مطعم احلامي يكوم يضحك يعني مياخذني بجديه ..
و هم يبقى يحجي عليه .. درسي .. دراسه مهمه
اووووف ماحبها
اكثر شي يخوفني هوا حالة جدي صحيه مو زينه و كلش خايفه أخسره
سنه جايه راح ابلش صف سادس ادبي .. و وعدت نفسي ادرس علمود جدو و بيبي يكونون فرحانين بيه
نسيت احجيلكم عن بيت عمي .. ساكنين يمنه يعني جيرانه
بابا عندا بس اخ واحد و هل الاخ عمو احمد عمو احمد كلش حنون و يحبني كوومه و اني هم كلش احبه .. مرت عمي زينب بصراحه علاقتي بيها نفس علاقة توم و جيري بس الاختلاف انو توم يدافع عن نفسه و جيري هم يدافع عن نفسه و ثنينهم يخبثون اما علاقتي ب مرت عمي اني لازم  اسمع و اسكت .. متحبني و دائما تحجي بسوء عن امي كدامي .. دائماً تكلي كلام محلو .. بس بيبي و عمي مراتٍ يحجون عليها .. المهم
عمي عندا ولد 2 و بنت وحده
ابنه الكبير اسمه ادم اساسا ما اشوفه يبقى مسافر من مكان لمكان بحكم شغله .. بس اشوفه لازم يسوي شي يضوجني بس بصراحه بيني و بينكم كلششش حلو طويل و عضلات و عيونه تموووت و طبعاً اهم شي و اكثر شي يهم البنت الطويلة هوا طول شاب
ابن عمي احمد الثاني هوا يوسف هذا صديقي .. يدرس طب أسنان .. يسمعني من احجيله و يحب اكلاتي و كيكاتي عيب يوسف الوحيد انو هوا واحد ابو بنات نسونجي
نجي لبنت عمي .. فرح .. علاقتي بيها يعني صدك صدك نفس توم و جيري بضبط اي اختلاف ماكو .. ماعرف ليش

.
.

الأصدقاء كثيرون لكنّهم لم يكونوا بشراً كانوا ورقاً 🍂