ادم خله ايده ع ركبتها و قربها عليه بقوه " صوتج ميعله فهمتي "
مريم بضعف " اريد انزل عوفني "
ادم " ماريد اسمع صوتج .. لحد منوصل فهمتي "
مريم سكتت
ادم بحده " فهمتي "
مريم " اي " كعدت ساكته بهدوء لانو عرفت انو كلامي ماراح يغير شي .. نزلت دموعي بهدوء .. ليش يا امي تركتني بعمر صغير وهيج صرتي ضعفي مو قوتي ياريتج جنتي وياي و كبرتيني .. هل شي صار بسبب أنانيتج اختاريتي انو تزوجين و تعيشين حياتج بدوني مفكرتي بيه ولو لحضه
و بهل اثناء اتندم ادم .. لانو ذكرها بأمها و هوا يعرف كلش زين هل موضوع يزعجها و تحاول تنسى .. كلبه كام يوجعه على دموعها يلي جان هوا سبب
.
.
نروح لمكان ثاني ..
حوراء
اني حوراء .. احب ادرس و يكون عندي وضيفه محترمه
مو مثل امي !! يكون عندي بنوته بالمستقبل و اخليها بيت محترم و مليان حب
مو بيت مليان زلم و وشرب و نسوان
متدرون شكد صعبه عليه احجي هل شي
امي مو زينه بليل يجتمعون هيه و صديقاته و بناتهم بيتنا
ب اخر ليل يجون زلم و يبلش ركص و شرب و بالاخير كل واحد يسحب اله وحده ويا للغرفة
و الفجر يشمرون الفلوس و يروحون .. و هاي الحاله كل ليله
كل ليله احبس نفسي بالغرفة و اقفل الباب حتى احمي نفسي
اخجل انو هيه امي ياريتني ما اجيت ع دنيا
اكيد دا تتسألون وين بابا ؟؟
هههه ياريتني اعرف وينه !
استمر زواجه من امي بسر سنتين
اجيت لدنيا اني .. و ياريتني ما اجيت
عرفو اهله لبابا انو مزوج وحده مو زينه بسر
و لهذا بابا اختار اهله و تركني ويا امي يلي متخاف الله
متعرفون كميت الخوف يلي اعيشها كل ليله
اما بالنسبه للمدرسه هه ماكو ولا بنت تمشي ويايه طبعًا اهلهم منبهيهم
حتى المدرسات ميحبوني رغم اني شاطره
و قبل فترى طردنا ابو البيت يلي احنه مأجري
لانو جيران راحو اشتكو علينه و حجو اله امي شنو من شي
و بصعوبة لكينه بيت ثاني و حتى انتقلت لغير مدرسه
ليوم اول يوم دوام الي بالمدرسه جديدة
خايفه خايفه فوك متتصورون
رحت مشي ع المدرسة مشي نص ساعه لانو ماعندي خط ولا احد يوصلني
دخلت للمدرسه و سالت وين صف سادس شعبه ب عرفت مكانه و رحت للصف و شفت البنات يلي يضحكون و يلي مشتاقين لبعض
حسيتهم كانو عائلة حسّيت انهم فرحانين من عيونهم يلي تلمع
ياريتني مثلهم
كعدت برحله الاخيرة من جهة الشباك و بعدها شفت بنت اجت عليه
مريم
جنت دا احجي ويا البنات عن العطله الممله يلي كلشي مسويت بيها و هم نفس شي شفنه بنت دخلت و كعدت بمكاني ..
اني كل سنه اكعد ب الأخير من جهة شباك هذا مكاني
أنت تقرأ
أحببتهُ
Cerita Pendekام حنونه و اب حنون .. بس بحياتها مو موجودين ؟!! " ادم بضعف : مريم لتعذبيني مريم ببكاء : انته واحد خاين و جذاب " "امير : المفروض ما أنصدم .. بنهاية امج وحده **** حوراء نزلت دموعها بضعف و حاولت تكون قوية وكالت : انته اخر واحد توقعت منه هيج يكول ا...
