ابن اولايتي

قصة قصيرة عن أبناء العراق

السلام عليكم
اليوم راح اكتب لكم قصة عشاك اثنين عاشو أجمل قصة حب بس حسافة على الزمن لي غدر بيهة وفرقهم بس أنكو حسبي اللة ونعم الوكيل على شخص كن لى يد بكل شي جاي يصير بل عراق

مرحبة اني زينة من ميسان اني طالبة جامعية حبيت أول يوم لجامعة  طبعن اني أول يوم دخلت بي للجامعة ماندل شي وما عندي صديقات لان اني الوحيدة من صديقاتي دخلت جامعة أهلية فكلت خلي اروح للعمادة مال الجامعة حتى يدلوني على القاعة مالتي فدخلت للعمادة وصفلي المكان بس هم ما ندليت فقلت
عفون أستاذ هم معرفت المكان
أستاذ اني اخذهة لان نفس القاعة مالتي
أي بأية اخذهة وياك
هلة يابة اني محمد طالب سنة أولى بل جامعة وجان جاي للعمادة لان  عندي نقص بأوراق القبول مالتي بس دخلت ابنية سبحان اللة ملاك ما تندل القاعة فاني كلت الأستاذ اني اوديهة وهي قبلت
زينة شكرن تعبتك وياي
لا يابة على شنو أصلان اني رايح للقاعة وبعدين صارنةزملاء لان اني وياج نفس المرحلة
اي صحيح اتشرفت بيك  اني زينة
لي لشرف اني محمد وهاي وصلنة القاعة اي شي تحتاجي اني موجود 

هههه معناه هواي راح احتاجك لان ماعرف شي هنا
ههه اني برسم الخدمة
بعدين كمت هواي أحتاج محمد وهوة ما قصر إلى أن اجة اليوم الي اعترفنة بحبنة اثنينة واستمر حبنة 4 اسنين وجنة متفقين من نتخرج يلة يخطبني
طبعن اتخرجنة وبنفس اليوم اجة خطبني بس للاسف جان الرفض من اهلي بس رغم ذلك بقينة مصرين وضلينة متواصلين وبقينة اسنين على هل حالة إلى أن يلكة امحمد وضيفة لان أبوي رفض اينزوجني الا عندة وضيفة بس
شنو يكدر محمد ايسوي هي وينهة الوظائف اتصل امحمد وكال راح يجيب اشيوخ ويجي لبوي ويتقدملي مرة ثانية واجة امحمد والشيوخ وحجو واي ابوي بس ابوي جان قرارة يتوضف يالة ينطي بنتة طلع امحمد وعلامات اليأس على وجهة اتصلت علي
الو هلة بروحي
هلة عمري لاتضوج انشاللة تفرج
انشاللة
شنو وين هسة انت
اني اريد اروح للمظاهرات
لا حبيبي فدوة لا تروح
لا شنو ما أروح إذا اني ما اروح وغيري مايروح منو يأخذ حقنة اني اليوم رايح على مودج
شنو على مودي واللة  اني مامرتاحة 
لا تخافين حبي نطلع وانشاللة نرجع  وتتحقق مطالبنة وأول شي الوضايف
حتى ابوج يقبل ونتزج ها من هسة اريدج اتخلفيلي ولد وابنية
اي انشاللة الولد يطلع يشبهك
اي والبنية  تطلع عليج هم حلوة وهم عسل
هههههه حبيبي اشو ما مرتاحة لهل روح
يا كلبي مو كتلج  لا تخافين هنة كم ساعة ونرجع
ولو ما مطمئنة بس من اتصل عليك ترد
واكي زينة
اعيون زينة
احبج
واني اموت عليك وعلى الاتراب التمشي علي
بأي عمري
بأمان اللة
بعد ساعة
واللة اشو خايفة على امحمد خل اتصل علي واخلي يرجع لان ما مطمئنة
الو محمد
الو أسف  أختي  اني مو محمد
شنو انت منو ليش محمد ما يرد
أختي صاحب هذا الرقم مات وردنا نتصل على أهلى وجان انتي اتصلتي وجان كاتب على رقمج حلم حياتي
شنو جاي تحجي انت محمد كال ما يعوفني وكال ارجع ومتحققة مطالبنة
واجي ازوجج ولك هذة حب 6 اسنين هذة حب حياتي شلون يروح هيج
وبقت زينة بصدمة وتتخيل هي ومحمد ازوجو وعدهة ولد وابنية
محمد صيح علي شلع كلبي محمد اليوم عيد ميلاد رهف خل نحتفل

وجان  حال زينة محزن بعد وفات محمد الي رجع بل علم ملفوف وما حقق حلم حياتة
زين اريد اعرف عليمن انحط ألوم على أبو راد مستقبل البتة لو حكومة الحرمتنة من أبسط حقوقنا

اه يا عراق شعبك شكد مضلوم
طلع يتظاهر على حك اليوم
لكن رجع بل علم ملفوف
اه يا عراق شعبك شكد مضلوم
طلع ابنك يا عراق والراس  مرفوع
لكن رجع بل علم ملفوف اه يا عراق اه

صدك يا عراق هواي مضلوم
مليت من اشوف شعبك كلهم  ميتين
مليت من اشوف واحد يأخذ حق الزينين
مليت من وعود الكاذبين

مليت من أطلع تضاهرات وكلهم مكيفين ( المندسين )
حتى الفاسد يضرب عصفورين بحجر واحد
ويضيع حق الفقير ويالفاسدين
وما نسمع إلا شيوع هذة وذاك
صدكني يا عراق هواي مليت
مليت من اكول اريد وطن

صدكونة هواي  ملينة من ان اكول انريد وطن يجمعنة بدون تفرقة  ايد واحدة كلب على كلب صدكوني بس هذة الي انريدة هل هوة صعب أن يتحقق صدكوني هذا الحلم سهل على العندة ضمير
اسفة الآن هواي حجيت بس دمي جاي يغلي على شبابنا الي راحو وشوفو قصة محمد وهواي شباب مثلة هذة اليعاف 7 جهال والي عاف خطيبته وراح دمهم هدر شنو ذنبهم لان هم من العراق مو كافي يا سياسيين مو شيبتو حتى احساسنا احنة ما عايشين احساس الوطن غريب صار احساسنة
أرجع وأقدم اعتذاري الآن اتكلمت بهذا الموضوع لان اني من الجنوب وبعض عوائل الجنوبية ما تقبل انو البنت تطلع تتظاهر وما اكدر أساند اخواني المتظاهرين وما كدرت ابقة ساكتة وما أقدم ولو كلمة لمساندة اخوانة المتظاهرين واتمنة انو ا دعموني بتعليقاتكم وانو اني على صح او خطاء لو لازم أطلع للساحة التظاهر

اني ابن العراق الما يدنك هام
طلع يتظاهر على حقة وما يلام

للكاتبة بنت الجنوب
الناقلة عمارجية كشخة