هلاوو اول شي خلي أعرفكم عن نفسي اني أسمي ريام وعمري 16 سنة صف خامس اعدادي حلمي أكون دكتورة مواصفاتي ضعيفة وشعري كلش طويل وحنطاوية يعني حلوة وهااا نسيت اني قزمة😂 المهم حبيت أكون دكتورة من خلال الجو العائلي مالتنا يعيني اخوية اسمه علي مهندس معماري وأختي دنيا طب أسنان وابوية دكتور جراحة دماغ وامي مدرسة بس بعدين كعدت بالبيت لانو تتعب المهم اختي اول مرحلة واخوية 3 مرحلة حبيت أروح وية اختي للكلية لانو جان احنة عدنا عطلة وهما عدهم دوام وهنا تبدي قصتي..
الأم :ريام ماما كومي رح تتاخرين وضل اختج تنتضرج
ريام:ماشي ماشي كمت بس والله مشبعانة نوم😢
الام:ولج يلة كومي
ريام:كمت كمت
رحت حضرت روحي لبست بنطرون اسود وجاكيت وردي فاتح ولبست القبعة مال الفرنسيات وهديت شعري وأخذت جنتي وطلعت وية اختي اختي هم حضرت نفسها ركبنا بالسيارة هية جانت مو وحدها مجموعة طالبات وياها المهم وصلنا للجامعة جانت كلش حلوة صراحة اول ساعة اختي مجان عدها محاضرة كعدنا سوية وعرفتني على صديقاتها حبابات كلش بس مو بنفس الشعبة المهم مرت الساعةواختي دخلت للمحاضرة طبعا الجامعة جبيرة كلش واول مرة اروح اني بقيت وية صديقاتها جانو معدهم محاضرة وراها بدت المحاضرة الثالثة وراحو بقيت وحدي يالله شلون ابقى وحدي اخوية بنفس الجامعة بس مااندل كليته اعرف بس كلية دنيا رحت ادور ع كليتها ولازمة بيدي الكوفي من جاي أمشي انطخيت بواحد وجان.....
خلص حبايبي هذا البارت انشاء الله اجيكم ببارت ثاني قريبا😍
