اجة سيف واهلة علمود يخطبون دنيا وأمة شافتنها وحبتها وهية كلش حبابة وأهلي وافقو عليه لانو خوش ولد المهم شوية تسريع الأحداث خلال هاية الفترة اني جنت سادس وتعرفون قراية وتعب بالعطلة نصف السنة صارت خطوبة اختي لبست فستان اسود جوة الركبة ودنيا لبست فستان ذهبي قصير وبيتنا صار ازدحام واني بس اشتغل دخل العريس وشاف دنيا وتخبل😍لانو الصراحة اختي حلوة حتى احلى مني
سيف:شنو هل جمال طالعة حلوة
دنيا:شكرا انتة الأحلى
بعدها لبسو الخواتم وركصو سلو جانو يخبلون الله يحفظهم خلصت الحفلة وكل يومية مخابرات بالليل واني حتى نوم مماانام من وراهم😅لانو اني ودنيا بنفس الغرفة بس ميخالف اكول خطية بعدهم مخطوبين جدد . فد يوم صادف اكو حفلة بالجامعة مال دندون فإني ماصدكت ورحت وياها وكولو منو شفت شفت عموري اووو هاي شبيه ادلع شفت عمار قصدي وهوة هم بس اعتقد شوية معرفني ضل صافن لانو اني جنت محجبة الله هداني ع السادس😁 المهم اني ماادري ليش حسيت بشعور غريب اول مرة أحسه رجعت للبيت أفكر بي . مرت الايام وبدت الامتحانات
ريام :ماما خايفة 😢
الام:حبيبتي لاتخافين الله وياج وراجعي بالطريق لا تنسين
ريام :ماشي ماما رح أروح ادعيلي
الام :الله يسهلج حبيبتي
ريام :رحت امتحنت وخلصت وضل يستمر كل يوم امتحن اني جنت اجاوب زين بس مدري ليش خايفة خلصت الامتحانات وارتاحيت
دنيا:رورو شوكت نروح نشتري فساتين الحنة
ريام :بعد وكت
دنيا :ولج يا بعد وكت الخميس الجاي العرس
ريام :جذب😲 ليش محد كلي كلشي ممحضرة
دنيا :حبيبتي جنتي ملتهية بلامتحانات محبينا نلهيج
ريام :لعد رح أروح اكول لمي العصر نروح
دنيا : ماشي 😍
ريام :يي عيني فرحانة رح كتلها وقبلت
دنيا :ولج شتريدين مني رح ازوج👏👏
ريام :دندون رح اشتاقلج والله😢
دنيا:حياتي ويامن بعد اسولف واتعارك كل يوم اراسلج وعد ..
صارت الحنة والعرس وزفيناهم وشكد بجيت كلش رح افتقدها باثناء العرس..
ريام :علاوي رح اشتاق لدنو
علي:يلة قابل وين رايحة
ريام :شبيك ولك هاي أختك عابت😑
علي :ههههه اشاقة اكلج رورو
ريام :خيررر
علي :عجبتني ذيج ام الأخضر 😍
ريام :معقولة انتة اخوية لا لا صدك
علي :انجبي
ريام :اكلك خلصت من أختك تكولي انجبي تجي انته😬
علي :لا صدك احجي صدك عجبتني باعيها شكد نازكة
ريام :روح يحضي احجي وياها
علي :لا خاف هية تستحي خطية
ريام : اوووي ...
مرت الايام وطلعت النتائج مالتي جنت خايفة بس الحمد لله الله مايضيع تعب أحد طلعت معدل 97 ونص رح أروح طبية يااااي😄
فد يوم جنت كاعدة حسيت اكو صوت جوة مهتميت بعدين صار صياح نزلت شفت أمي تبجي وكاعدة بالكاع وابوية كاعد ع القنفة وايدة ع كصته الله لا يراويكم المنضر
ريام:ماما حبيبتي شبيج
الام:ولج ماما علي ابني راح
ريام :ماما الله يخليج احجي شكو
لأم :داعملة واحد بالسيارة
ريام :شنو وهسة هوة وين
الام :بالسجن
ريام ضليت ابجي اخوية سند ضهري راح اني كوة متحملة افراق دنيا .. ..وووووو
حبايبي خلص هذا البارت اشوفكم ببارت ثاني
فديتكم لاتنسون التصويت 😚
