و انا خارجة من الكوزينة شادية في يدي قدرة تاع شطيطحة لحم و مطلعة هاديك الجبة في السليب 😋 تلاقيت مع وليد عمة لعروسة (نسيم) شد عليا و بدينا نقسروا لانو نعرفو و كنا نلعبو كيف كيف.... و احنا هكداك و يدخل عبدو .... نسيت محكيتلكمش عليه عبدو طويل و بيض و مكحل يعني شعرو كحل عينيه كحولا شفارتيه كبار عندو اللحية 😍😍😍( الله يبارك عليه ) نولو وين كنا عبدو كي دخل كنت انا و نسيم نضحكو شاف فيا بنظرة ماشي مليحة انا فقت مع روحي و قلت لنسيم انا نروح نكمل قالي اوكي .... و انا رايحة عيطلي عبدو انا قلبي و لا يخبط ...
و انا رايحة عيطلي عبدو انا قلبي و لا يخبط ...
عبدو: واش ربك انتي هادي لبسا راكي رابستها 😠
نسرين :علاش واش بيها لبستي ياك جبة مستورة 😒
عبدو رما يدي و هبطلي الجبة
عبدو :راكي تحرشي بيا نتي 😠 شفتي كيفاش كانت الجبة تاعك ...
نسرين : وي خلاص نسيتها
عبدو : واش كنتي ديري معاه
نسرين : شكون هاذا؟؟!
عبدو : نسرين ما تقلقينيش 😠
نسرين : عبدو الله يخليك ماشي وقتها
عبدو : مانزيديش نعاود
نسرين : و الله ما نعاود
وراح عبدو ..... و الناس كل واحد واش يدير ... كملنا العشا و راحو الناس اديارهم و جا وقت الحناء لبست العروسة مليح خرجت تهبل😍 دارت الحنة و بيدنا نشطحو قاع لي تزغرت كل وحدة واش دير ... بصح انا منعرفش نشطح للاسف💔😢 كي قتلهم بداو يضحكو عليا حتا نطقت عمة العروسة (سامية)
سامية:خلو الطفلة مسكينة مازالت صغيرة و دوك انا نعلمها
نسرين : صح خالتي تعلميني؟!
سامية : يا خاه علاش منعلنش بنتي🥰
نسرين : يعطيك الصحة😁😍
سامية : ما درت والو💋
كانت خالتي سامية (هي ماشي خالتي بصح نقولها خالتي لانو كبيرة .. هي عمة العروسة) تعلمني و فجأة ..... وقفت خت سامية تسوغ...
خت سامية : يا يما شكون جا وليد ختي لعزيز
وراحت تجري تعنقو هي و خالاتو و العروسة .... انا مانتبهتش مليح رحت نجري جبت خيماري و حجابي باش ايدا دخل نكون مستورة... دخلوه عشاوه و البنات قاع يهدروا عليه و الشي لي فهمتو انو عايش في لندن و مرفه بزاااف او يماه سامية راهي حابة تخطبلو و كي العادة لبنات يتخايلو و يحلمو طامعين في يماه .....
أنت تقرأ
العنوان: حب و عذاب
Romanceهذي لحكاية لصحبتي Hiba سلام ليوم حبيت نحكيلكم حكايتي انا اسمي نسرين في عمري 23 سنة راح نوصف روحي😁 انا خمرية و شعري طويييل ، شورابي منفوخين ، قصيرة 😂 و عريضة لاطاي تاعي شابة 😋 (حوحو شكر روحو) نقرا طب و الحمد الله ناجحة في قرايتي و الشي الوحيد لي...
