نصيبي❤
لكاتبة: 🔥اروي الطاهر االمسلاتي🔥
الحلقه (2)
جهاد:اخيرا سمعت صوتك ياعسل
هبه:بصراحه مكنتش نبي نكلمك لان سمعت كذا مره انك تبي حياة بنت عمك
جهاد:كنت نبيها بس بعد بنيت حوشي وقررت اني نتزوج السنه الجايه مستحيل ناخذ بنت واحد يسكر شنو بيقولو عليا الناس
هبه:اهاااا اي صح بس انا قلت بنت عمك واكيد تاخذها
جهاد:لا طبعا وكان بنت عمي يعني في النهايه جد صغاري يطلع سكار ؟المهم توا خلينا من حياة .....وكملو هدرزه
حياة:من بكري انتضار ياصفاء بنموووت
صفاء:تي وحق ربي كان ولد عمي انا ننزل ناخد منه التالفون نشوفه في منو يكلم ونكسرله راسه
حياة:تبي امه تاكلني امالا😂😂
صفاء:اه نسيت هوا دلوع الماما ها البااارد مشناااه منظره تقول هندي مقطع يععع
حياة:اااه ياكبدي الحب اعمى
صفاء:اي والله وانتي احسن مثال😂
✨روايات بنووتة الشيخ✨
في حوش عزو:-
سلمى(اخت عزو):والله ياماما الصبح صكر دماغه قالي مفيش مشي لي حوش بوك قتله جمعه اليوم قالي لا يعني لا
هيام:اماله كيف جابك
سلمى:كلمه عزو😂
هيام:الفرخ هادا الدنيا كلها تخاف منه 😂😂😂
اميمه:خالي نلعبو
عزو:يعععععععع👹👹
اميمه:مااااما😭😭😭😭😭😭😭
انس:ازو نبي بويتا
اياد:قول خالي ياحيوان
انس:ازووو
اياد:مرض وانت طالع لي بوك وجهك زي السفنزه تعاالا نركبو في البرويطه هي
انس:😍😍
عزو:تعلا هيثم اركب مع خوك
هيثم:سياله😍😍😍
هيام:😱شنو بدير في الصغار نهاري الاحرف
عزو:اسكتي امي خير منركبك معاهم
سلمى:😂😂
وقعد عزو يجري بي الصغار وهما يعيطو ويضحكو في نفس الوقت
عبد السلام:😨😨😨خيرهم الصغار
هيام:تعالا شوف ولدك😂
عبد السلام:ابراا ياعيل ودير العقل
هيثم:فوو عليك ياددي
عبد السلام :من علمهالك 😨
هيثم:إزو
عزو:قول خالي ياخرا
انس:خراا
عبد السلام:سلمى خودي صغارك هادم كان تخليهم معاه تلقيهم يبيعو في الحشيش ره
سلمى:تعالا ماما هي
انس:كلبه حوانه
سلمى:😨😨
عزو:شاطرين😂😂😂
✨روايات بنووتة الشيخ✨
حياة:هلا مرت عمي😊
نجاة(ام جهاد):خيرك🤨شنو جابك في ها القايله
حياة:😳ولا شي درت كيكه وجبتلكم اذوقوها
نجاة:خليها ع الدولاب
حياة:حطتها وطلعت...مرض ها العزوز الشمطاء لا صحيتي ولا شي انشاء الله تاكليها بسم ومصارينك يلتفو زي خيط الشحن متع بناتك وتقعدي محصوره طول عمرك
عمران(اخ عزو):اي يابوي الحمد الله كملت المقاله اليوم
عبد السلام:به الحمد الله شنو عنوانها
عمران:القناعه
عزو:الله ع الكذب هاضاكا اليوم مرتك دارتلك الغدي فاصوليا درتلها العار نبي كسكسي وقعدت تعيط عليها وين القناعه في الموضوع يامنافق حي عليك بتعكس في الدرك الاسفل من النار
عبد السلام:بيضحك مش قاادر...نوض من جنبي عزو خير منقتلك
عزو:نايض اصلا مجالس المنافقين😂😂
