عنوان افتراضي - اكتب العنوان الخاص بك

انا من سمحت لهم ان يفعلوا بي هكذا

زينب .... اركض واركض وطريق مظلم وبارده حسيت اطرافي اجمدت من البرد
ظليت اركض واجر بالعبايه وكل ساعه اباوع خاف احد يركض ورايه ...
الشارع فارغ واظلم مابي احد بس اني وصوت الكلاب ......
ظليت اطب بفرع واطلع من الثاني وصوت الكلاب يقترب مني ...
وكفت وسط تقاطع مالت طرق وظليت التفت باوعت لشارع اول مرة اشوفه ...
حسيت على نقاط ماي توكع على راسي رافعت راسي لسماء شفت السماء لونها اسود مخلوط بالاحمر وينزل منها قطرات مطر ...
عبالك تشهد لجريمه لرتكبوها بحقي ...
دموعي وكعت من عيوني وقلبي يرجف من الخوف
ظليت اناجي ربي بقلبي شلون بيه ياربي وين اروح واين انطي وجهي شلون ورطت روحي واجيت اهنا ياريتني متحمله ظلم ابويه ولا اجيت اهنا ...
ظليت امشي منا لمن طبيت بستان واني مو بس قلبي يرجف جسمي كله يرجف من الخوف ..
ظليت امشي بالبستان ودخلت بحقل مالت زهرة الشمس حسيت على خطوات تمشي ورايه جمدت بمكاني وحسيت باايد لزمتني من جتفي ...
اني صرخت بااعلى صوتي ....
وكعدت من طولي ...
بعدها مااحسيت بشي غير بس الظلام ومثل الصوت قوي بااذاني  .......
كعدت شفت نفسي نايمه بفراش قديم ويمي شمعه
كمزت من مكاني واني خايفه ياربي منو جابني اهنا ..
اني وين ..
معقوله لزمني كاظم ...لا لا لو كاظم كان ذبحني ..
كمت امشي على اطراف اصابعي اريد اشرد ..
اول ماافتحت الباب شفت رجال كبير كاعد يكسر بالحطب ويمه مره جبيرة كاعده يم الجدريه كبيرة مالت حليب وتحرك بيها ....
ردت اتحرك من وراهم بدون ماايشوفون واشرد بس لاسف الرجال حسه عليه واندار كال ها بويه كعدتي
المرأة انداره وتباوعلي . ....
واني كمت ابلع بريكي ...
دنكت يم رجليه عمو الله يخليك اريدك اساعدني وترجعني لبغداد ...
باوعت لرجال كام يباوعلي بخوف ومثل لتندم لان جابني لبيته ..
كلي كومي بويه انتي مين وشطلعج باليل..
المرأة باوعت لرجال وكالت يبوو  ياابو محمود لاتطلع مهزومه من اهلها ونبتلي بيها ..
باوعتلي وكالت يمه روحي احنا ناس فقراء ماانريد سالفه جفينا شرج ..
رد عليها الرجال وكلها صبري يامرة صبري خلي نعرف قصتها خما بنيه شابه وانعوفها تروح بهذا الصبحيه كالت اله لعد تريد تبلينا اجوز وراها اطلابه ويجون اهلها يكتلونا ...
الرجال باوعلي ومثل الخايف وكالي بنيتي اني شفتج واكعه بنص الحقل وساعدتج بس على كوله الحجيه احنا ناس فقراء وخاف تطلع من وراج سالفه ونبتلي ..
اني مسحت دموعي ومديت ايدي لجوى الحجاب ونزعت تراجيه ومديتهن اله وكتله عمو اخذ هذني تراجي ذهب وانطيني خمس وعشرين اروح بيهن لاهلي هو طلع خمس وعشرين انطاهن اليه وكلي روح بويه قدمت اله تراجيه مااقبل ياخذهن ...
راحت اركض وكل تفكري هسه شصار معقوله كاظم جاي يدور عليه اكيد وصل هسه الخبر لاهلي ..
ظليت امشي لحد مااشفت سيارة بالطريق تمشي ظليت اشر عليها لحد مااوكفلي السيارة  كتله خويه عفيه اخذني لكراج ...
هو ظل يباوعلي بقلق لان محد يطلع بهيج وكت وخاصه بنيه اصلا اهنا البنات مايطلعون ...

السلام عليكم شلونكم حبايبي عساكم بخير وصحه وعافيه اليوم طبع اليوم قررت انزل الكم هذي الروايه الجديدة روايه حقيقيه ميه بالميه مابيها اي اضافه من الخيال واني اعرف البطله شخصيا ومن سولفتلي قصتها كولش اتاثرت واصريت عليها اكتبها قبلت بس بشرط اغير الاسماء الاماكن والاعمار حتى لا احد يعرف حقيقتها ..
المهم بناتي اتمنى تصويت وتنطون الروايه حقها لان كولش راح اتعب بيها وهم يمت ابدأ بنشر البارتات من اشوف اقبال على الروايه وشكرا تصبحون على خير باي