الحلقة الاولي من حب يغمر القلب
في بيت في حي المنيل
تستيقظ فتاه علي صوت المنبه المصري الاصيل
الي ممكن صوته يصحي اللي في بورسعيد مش بس الي في البيت
صحيت ومسكته وقالت بطلتنا
البطله : تصدق انا حبيتك.... لا بجد حبيتك... وحاسه ان هيكون في بينا حب كبير اوي.... وحاسه ان هاجي في يوم وارميك من الشباك...... لاء وليه انا لسه هستني اليوم دة
وقامت اخدت المنبه وفتحت البلاكونة وهوب رمته
وبسرعة سمعت
الصوت : آآآآآآآآه
البنت قفلت الشباك ولا كانها عملت حاجة
وفتحت الباب وطلعت مبتسمة جدا جدا
استنو استنو
انتو عارفين مين دي
تعالو اعرفكم
شذي ** بنوتة ذا وجه ملائكي ....لما تبصلها ترتاحي حاجة كدة لله في لله
شقية جدا وروحها مرحة اوي .....ومتفائلة دايما ..... اول ما تشوفها تتفائل بتفائلها ....
خريجة كلية فنون ورسامة ميه ميه وبتحب الغناء .
و صوتها حلو اوي
جدها فاتح محل زهور وورود مشهور جدا هي بقي بتساعده فيه اكمنه
راجل كبير يعني.... وعلشان هي بتحب الورد وتحب تزرعه وكدا
....ووالد شذي متوفي **
طلعت افطر
جاتلها مامتها
وقالت:
الام : شكلك عاملة مصيبة
شذي : انا ..انا (وبرقة): دا انا طيبة خالص ....انا اعمل كدة
توء توء خالص
الام: طيب يلا علشان تفطري
شذي : no no انا هفطر مع جدو
الام : برضو هتروحي
شذي مع شوية من البكش
شذي : يعني يا قمر انت هيحصل اي لو روحت
الام وهي متجهة الي المطبخ
الام: هيحصل اني مش عايزاكي تروحي
واخدت صنية الافطار وطلعت برة المطبخ ووراها شذي
شذي : يا ماما علشان خاطري
الام : طيب يا شذي اما نشوف اخرتها
شذي مبتسمة : عسل يا عسل
وراحت لبست لبسها
وطلعت من الاوضة
ونزلتو جري لقت راجل دماغه متعورة وملفوفة بشاش
شذي بخبث : اي دة حضرتك كويس؟
الراجل: الحمد الله يا بنتي ....منه لله اللي رمة المنبه
وحط ايده علي دماغه بألم
شذي: معلش يا حج الدنيا بقي فيها مجانيين كتيييير
كويس انك كويس
الراجل : الحمد الله يا بنتي ...انما ...انتي مين ؟
شذي بارتباك : ان..انا ..انا واحدة سكنه هنا ...وشوفت
المفترية اللي رمت المنبه
الراجل: هي ست كمان
شذي : اه ياعمي...عن اذنك بقي ...اه دي بتتأسفلك
وجريت علي المحل واول ما وصلت لقت جدها
قاعد علي المكتب ومش واخد باله انها دخلت
شذي: يا صباح الخير يا الي معانا
الجد بصلها وابتسم وقال
الجد : صباح الخير يا حبيبتي
شذي : اي يا حج اللي واخد بالك
الجد : اه هنبتدي الحوارات بتاعت كل يوم
شذي : خلاص يا عم ....بكرة تقولي ( ولعبت حواجبها )
وجريت بشقاوة
الجد بضحكة : ربنا يخليكي يا شذي ليا
شذي جت ببراد سقي الورد
وقالت للجد
شذي : انا هروح اسقي الزرع يا جدي
الجد : ماشي يا روح جدو ...بس مش هتفطري
شذي : هاخد واحدة و خلاص
( واحد ساندويتش )
الجد : طيب
وطلعت شذي وقعدت تسقي الجنينة اللي قدام المحل وهي بتغني
واديرت وهي في ايديها البراد بس هوووب
وقع منها البراد
بس مش اي وقعة دة
وقع علي واحد
شذي بإرتباك : انا اسفة....حضرتك كويس
الشاب : مش تاخدي بالك وتشوفي شغلك
شذي ببرود : خلاص ما قولنا اسفين
( شذي من اهم صفاتها العند واللماضة ...وربنا يستر )
الشاب : يعني غلطانة وبتتكلمي ببرود
شذي : بص يا استاذ ...انا غلطت حقك عليا.. اكتر من كدا معنديش ( ببرود ) المحل محلك
شذي بصوت واطي : دة شكلو مجنون
الشاب : بتقولي حاجة ؟
شذي : اشمعنا دي اللي سمعتها ...اقصد تأمر بإيه
الشاب : هو المحل دة مفيهوش حد
شذي: امال انا بعمل اي قدامك ..حضرتك عايز اي
الشاب بصوت واطي: داخل محل ورود هكون عايز اي ؟
شذي : افندم
شذي** فينا من التريقة دي **
الشاب: عايز بوكيه ورد شيك
شذي : طيب اتفضل
ودخلت المحل ودخل هو معاها
وقفت شذي وقالت
شذي : حضرتك عايز بوكيه الورد لمين
الشاب بإستغراب : اشمعنا
شذي" دايبة في غرام عيونك "
شذي : يعني عايز لحبيبة ..لمريض ..لمريضة للعائله
الشاب : لاء لحبيبة
شذي: اااه ....طب ثواني
الشاب : اتفضلي
شذي " اخص لحبيبة...اما شباب اليومين دول ..اخص اخص يعني "
وجهزت البوكيه وكان جدها بيصلي
ولفته لفة جميله ...وكان عبارة عن ورد جوري احمر
(اصلها بتحب النوع دة )
وراحت ادتهوله وقالت
شذي: ٢٠ جنيه
الشاب : طيب شكرا
وطلع الفلوس وادهالها ..اخدت الفلوس حطتها في المكتب وقالت وهي بتطلع كارت المحل بإبتسامة
شذي : نورت
الشاب : شكرا
وخرج الشاب
وشذي قعدت وقالت في سرها
شذي" اي العالم دي ياربي "
جه جدها واول ما شافته قامت علشان يقعد
الجد : اي يا ست زوزو عامله مشاكل ليه ؟؟
شذي : متقلقش يا جدي دة واحد كان عايز يتعمل عليه عامرة
الجد : ههه ..والله انا حاسس انك هتودينا ورا الشمس
شذي: عيب انت عارف انا هوديكو ورا القمر عايز تروح الشمس توكتوك بجنيه هنبقي هناك
الجد : هههههههه
الجد : طيب بصي يا شذي عايزك توضبي مواصفات البوكيهات دي
شذي: من عيوني الجوز ومناخيري اللوز
وجهزت شذي البوكيهات وعلي اخر اليوم روح جدها
وشذي كعادتها قعدت ادام المحل وقعدت سرحت في منظر الجنينة وكتبت في مذكراتها
واستغربت لما شافت الاستاذ بتاع الورد بيمشي من بعيد
دخلت جوا المحل فورا وخافت جدا منه
دخلت شذي المحل ودارت الشكوك
شذي : جاي لي دة ؟ ... لا يكون عايز يسرق المحل؟؟.... ولا بيكون الصبح كان بيعاين الموقع وجاي يسرق ... ولا ليكون عفريت ؟؟ ...يا لهوي الله ما احفظنا ...
شافت ظله بيقرب من الباب
لكن دقيقة وبعدها كاد يكون اختفي
شذي فتحت حتة صغيرة من الباب وطلعت راسها منه وبصت لقته مشي
شذي : الحمد الله
وجابت المفتاح وخرجت وقفلت بسرعة بالمفتاح
وجريت علي بيتها في رعب
طلعت وخبتط و مامتها فتحتلها لقت وشها مصفر
ومخطوف
الام بتدخلها و بتقول : اي يا شذي امال وشك مخطوف كدة
شذي : ابدا يا ماما بس اخدتها جري "وهي بتجري لاوضتها " ما الجري رياضه
ودي كانت احدي وسائل شذي للهرب
الام : ااااه مش هعرف اخد منك حق ولا باطل يا بنت سعيد
دخلت علشان تقول لشذي العشا
لاقتها نايمة بهدومها
الام حاولت تصحيها
لا حياه لمن تنادي
غطتها وباست راسها وطلعت برة الاوضة
اي رئيكم ديي اول روايه ليا بتمني تعجبكم
بنت اختي ❤
