م بختلف معاكم في خته انو جيلنا م زي جيل زمان،،
جيلنا د مما قام قام عاقل وقام عارف اي شي،،بنعرف تصرف وبنعرف نواجه وبنعرف نرد واي شي،،
بس الانا عايزة اقولو انو دايما الحاجه لمن تزيد عن حدها بتبقى كعبببه شدييد،،
اي صاح احنا جيل حريتو اكتر من زمان بس كمان لو الزول مشى وفات حدو واستخدم الحرية د غلط ح يتضرر هو اول وتانيا اسرتو والمجتمع والبلد💔،،
بعدين الناس م ح تقول حرية؟؟
ح تقول عدم تربية ليس إلا😊💔،،
وتانيا...
المشااكل الكتيييره البتحصل د والنقه والكلام الكتير د ياهو زاتو بخلي الزول نفسيتو كعبه وبحاول انو يعمل اي حاجه بس عشان ينسى او م يجي البيت بدري و يكذب انو اتاخر ف االمواصلات وغيرو،،بس د كلو عشان م يجي ويلقى الكلام الكتير والمشاكل،،💔
ثالثا..
الطلاق الكتييير د وفي اقل شي ويكون عندك اطفال..
اي صاح يمكن انتي او انت تكون متضرر بس كمان راعي انو عندك.اطفال،،،هم زنبهم شنو؟؟،،هم عايزين يعشيو زيهم وزي اي بني ادم بعيش جمب امو وابوهو،،لي انتو تحرموهو من الحاجه د وتخلوهو مشتت بين امو وابوهو وتخلوهو يندم انو جا الدنيا د؟؟،،لي تخلوهو يحس انو ناقص لمن يجي ماري ابو ماسك ولدو او ام ماسكه بتها وماشين كلهم سوا؟؟،،
انتي من الاول اختاري صاح،،او انت من الاول اختار صاح عشان اولادكم وعشان اسرتكم وعشان المجتمع وعشان الدوله😊❤،،عدم وجود الام والاب مع بعض مشكلة كبييره وقد تسبب انحراف اخلاقي للطفل وتبقى مصيبه،،،💔
#في روايتي دي ان شاء الله ح تعرفو حاجات كتيره كنتو قايلنها هينه بس فيها ضرر لغيرك ونفسيه غيرك💔
ونحاول نوعي بعض عشان المستقبل الجاي❤
#تابعوني
#رواية زهرة بنفسجيه ..
بقلم،ماب محمداحمد
