زهرة بنفسجية💜

18"

اها جا يوم الجمعه وقعدتا مع ابوها واتكلمنا وكان زول صارم كدا،،ويشيل ويدي فيني اسئلة سم🌚،،الحمدلله م كنت متوتر وواثق من نفسي وحكيت ليهو قصتي كلها ومع ابوي وكدا عشان يتختا امام الامر الواقع وكدا،،قال لي تلاته يوم كدا وبنديك خبر،،قلتا ليهو خير❤وطلعنا،،امي قالت لي الله يعدي على خير قلتا ليها امين❤والتلاته ايام د هديل نهائي م ضربت لي ولمن اضرب تلفونا مقفول،،وانا قاعد على اعصابي💔💔واربعه وعشرين ساعه لافي وحايم من اوضه لي اوضة،،بس في اليوم التالت بالمساء ابوها ضرب لي،،وسلم علي سلام حلو وقال لي مبروك ي ابني وربنا يتم ليكم على خير❤وانا اديتك بتي لاني شفتك زول كويس والله وزول مسؤل وبعدين اكتر شي كيفني فيك انو انت حكيت لي مشكلتك مع ابوك بدون خجل ولا اي شي ومتاكد.ح تشيل هديل ف عيونك💜💜

ياخ والله لو م كنت راجل كنت زغردتا🌚🌚💙💙💙قلتا ليهو الله يبارك فيك واوعدك بتك ف عيوني ولو عيوني م شالتا اشيلا ف راسي💙💙قال لي د العايز اسمعو❤وتشرفونا بكره ان شاء الله،،قلتا ليهو تمام انشاء الله💙،،قفلتا منو قعدتا انقز ف السرير😂😂😂😂رائد.جا لقاني بنقز عاين لي من فوق لي تحت،،قال لاحولا ولا قوة الا بالله شكيتك لي الله ي هديل عملتي ف الولد شنو،،قلتا ليهو ابوها ضرب لي ووافق😭😭💙💙💙💙💙💙💙قال لي احلف😍💛مبروووك.ياخ وربنا يتم ليك على.خير،،قلتا ليهو امين عقبالك.كدا،،قال لي كدي خليني اتنفس شوية بعد.تمشو بعداك بفكر😂😂😂مشيت كلمتهم وباركو لي تاني😂😂💛وانا مبسووط اخر انبساااطه💜💜💜طوالي ضربتا لي هديل😂💙💙💙💙فتحت الخط وهي بتضحك قالت لي مبسوطه زييك والله😂😂😂💜قلتا ليها م اكتر مني وحاتك😂😂😂💜،،قالت لي هسى انا اعرس لي واحد.اكبر مني بستنين بس؟؟د.فارغه اسمها🌚،،قلتا ليها عايني ي اخت الموضوع د.اتحسم وح اعرسك وح اعرسك،،وموش لو بقت فارغه؟؟لو بقت مليانه برضو ماف ليك هروب🌚🌚الله يحلك مني،،قالت لي حسستني انك عقدتا علي🐸،،قلتا ليها هديل قلة ادبك د بتمها ليك في بيتنا🌚،،قالت لي الووو؟؟الشبكه كعبه قلتا شنو😂😂،،قلتا ليها بس خليك على السمعتي 😂😂😂،،قالت لي انت انسان تافه والله🐸،،قلتا ليها انظر من يتكلم عن التفاهه؟😂😂انتي لمن يجيبو سيره الاحترام مفروض تنزلي يدك د وم ترفعيها اصلا،،عينك زاتا م ترفعيها،،قالت لي قصدك انو انا قليلة ادب؟؟طيب معرسني لي؟؟ليي تعبان وجايي لحد بيتنا عشان تطلبني؟،،مدام عارفني قليلة ادب لي معرسني؟؟ضامني اكون ام كويسه لي اولادك؟؟،،قلتا ليها ايي ح تكوني ام كويسه لاولادي😂😂😂😂😂،،قالت لي انت هسى خليت داك كلو وجيت لي د؟؟،،قلتا ليها الفي بالي بالك 😂😂😂😂قالت لي مصطفى قد😂،قلتا ليها يلا حبيبتي😂😂😂قالت لي عاااد.متين هو؟؟،،كدي استكين من هسى بديت الرومانسيه😂😂😂غايتووو..

قفلتا منها وانا بضحك فيها😂😂😂اصلا م ح تخلي حركاتا دي،،والمشكلة اني بعمل زيها كدا وبشجعا😂😂،،اها امي وخالتي مشو السوق من تاني يوم الصباح،،جابو الشبكه وهدايا وحاجات كدا،،قالو خطوبه طوالي..
اها كلمتا ابوها قلتا ليهو جايين نظام خطوبه وكدا،،قال لي جدا ماف مشكلة،،
وفعلا مشينا ليهم وناسهم كتاااااااررر كتره م عادية،،وقالت في نص م جو تاني مال يوم العرس ح يكونو كيف،،ماشاء الله ماشاء الله انا شلتا هم الصاله😂😂😂😂😂،،اها بدو اعماما يجو واتكلمنا وو..الخ
جات لحظه تلبيس الدبل،،وهي تضحك ومادا يدها،،ي يمه لا خجل زي البنات ولا د😂😂😂جايه من وين هديل د😂😂😂لبسنا الدبل،،والناس باركت وبعدها اعماما بقو يتونسو،،وانا استغليت ونستهم دي وقلتا ليها اسمعي،،لي م قلتي لي عندك بنات اهل سمحين كدا؟؟،،هسى كان غيرتا رايي فيك،،يخس عليك حالتي صحبك؟؟،،قالت لي انت لي م وريتني رائد اخوك د لي ؟؟والله اسمح منك،،احييي انا يحردو ليهو اللون القمحي واللحية واللبس زاتو كيف،،موش تقول لي انت كاشي كدا زي التقول ساكيك مجنون🌚💔،،قلتا ليها اصبري ي كلبه انا كاشي صح؟؟،،د كلو بتلقي في بيتنا🌚اصلا دايرة ليك اعادة تربية من اول وجديد🌚💔،،فجاءه ابوها قطع ونستنا،،اقصد شكلتنا😂😂😂،،قال لي انت قلتا لي عمرك كم؟؟قلتا ليهو 24،،قال لي شكلك بقول اصغر😂😂،،متجنصص كدا وقااشر كدا والحلاقه زاتا كيف😂😂😂(ابوها د شكلو النوع الجنو هظار ومشاغلات داك)،،قلتا ليهو اايي كيف ياخ جايين لي ناس هينين احنا؟؟لازم نقشر ليهم🌚💜💜،،ابوها قعد يضحك ،،وطوالي هديل عملت احم،،قلتا ليها ف اضانا،،طبعا انتي م من الناس ديل،،🌚😂😂😂
المهم الخطوبه تمت بحمد الله،،وحددنا العرس بعد اسبوعين،،مشيت اشوف بيتي وصل وين في البنيان،،لقيتو لسه عليهو كتير،،قالو الا تلاته شهور تاني حتى يخلص كلو،،قلتا ليهم خير بس سرعو شوية

،،مرت الاسبوعين بدون تفاصيل مهمه،،وجا يوم العرس،،.وعقدو بعد صلاة الضهر،،
بعد العقد امي طوالي كشحتني برا البيت😂😂😂قالت لي امشي شوف ليك ساون ولا اي شي ضربتا لي اصحابي محمد وكمال،،مشينا الساون،،واتدعكنا د لمن م عرفنا روحنا😂😂😂جا المساء،،ولبستا البدلة وقشرتا وبخيت الريحه د من راسي لكراعي😂😂😂😂ركبتا مع محمد وكمال بي عربيتو بورانا قال بركب البنات المع هديل،،مشيت ليها ف الكوفير،،
بلاي لمن طلعت لي،،انا بقيت واقف مسااافه،،،واصلو م مصدق انو دي هي😳😳😳،،ياخي حاجه كدا في منتهي الجمال💜💜💜💜💜💜مشيت ليها وعاينتا ليها في عيونا مساافه،،وهي نزلت راسها خجلانه،،والبنات المعاها يشيلو ويزغردتو💜💜

"" جميلة انتي ك عطر زهرة نرجسية بنفسجية💜💜جميلة انتي ك مجرة بنفسجية مشعة ك النجوم💜وصافية ك سماء زرقاء دافئه💜جميلة انتي ك وردة غارقة في الندى تفتحت منذ ثواني💜💜جميلة انتي بكل تفاصيلك الصغيرة التي احبها💜💜💜،،""

بستها في راسها وركبنا العربية وصحباتا ركبو مع كمال،،ومشينا الحفلة وكاانت زاااابطه على الاخر💜💜💜💜،،بعد خلصنا الجرتق وموضوع الشنط وم الشنط الطويل داك،،ورجعنا البيت عشان تغير التوب،،
مشيت اجرتا غرقه في برج الفاتح ليوم واحد بس عشان تاني يوم مسافرين ماليزيا💜،،
مشينا البرج ووصلنا كمال صحبي بعربيتو،،بعد وصلنا شكرتو وقلتا ليهو نقيف معاك كدا في عرسك قول امين💜،،دخلنا وهديل كانت بتبكي عشان اهلها وكدا،،دخلنا الغرفه وختيت الحاجات ورتبتها كويس،،جيت لقيتا لسه بتبكي،،مشيت ضميتها قلتا ليها هدهد حبيبتي💜💜م تبكي خلاص ،،انا مستحيل امنعك منهم،،في ايي وقت انتي عايزة تمشي ليهم امشي بدون تستاذني💜💜وهسى غسلي وشك خلاص م تبكي انا معاك م بجيك شي حبيبي 😢💛💛💛،،قشت دموعا وقعدت تضحك وقالت لي بحبك شديد انا💛💛،،قلتا ليها وحاتك انا اكتر💛💛،،قالت لي ماشى اغسل وشي وجاية ونتحاسب ف هدهد د😂😂😂،،قلتا ليها حلو الاسم والله مع انو اسم حيوان لكن زابط معاك😂😂😂،،قالت لي ح اتجاوزك المره د،،وانا جعانه،،قلتا ليها خلاص ح امشي اجيب اكل واجي😂😂،،وفعلا طلعتا عشان اطلب اكل،،
قالت لي كتير بلايي ،،قلتا ليها جعانه قدر د.؟؟،،قالت لي لا م كدا لكن لاحظ انا وانت ح ناكل سوا؟؟،،يعني الاتنين م ح نشبع💛😂😂😂،،قلتا ليها هويي انتي بتعملي الحاجه تجي توقعيها فيني😂😂😂،قالت انت ظاهر فيك شدييد😂😂😂اما انا اااييي عندي دودة ف بطني انت مالك؟😂😂😂،،قلتا ليها ايوا لا تمام😂😂وطلعتا😂💛

#اقتباسهه..

مُنذ أول حَديث دار بَيننا،أدركت أنني لَن أنجو منك أبداً.💛

#نتلاقى..