انا البايكَـ ضواه خلي سنه يغيب
وترس ريتي هواه ما حاجه اشمه
السواه سوه غيره هواي عشاكَـ
ينتظروني آشرلهم لعلمه
بس هو صدكَـ ما كَال مشتاكَـ ؟
لا يشتاكَـ لا فد … هي قسمة
شبيها عيوني يمكن لاحها تراب -_
ماباجي عسى بهاللحظه تعمه
خابرته شوكت ؟؟ بالغلط دكَيت
مرتين وطلع خارج الخدمة
من يمهم فتت !! أي يعني وشصار ؟
حضرته المنطقه مسجلها بأسمه
كعدت ببابهم كَلوله غلطان ..
وكَع مني دمع دنكَت المه
ولو طالع مْسَلّم ما احاجي
بس بكَلبي اكَول الله يسلمه
