السلام عليكم ....
طبعا اعتذر عن تاخير بلقصة (امانة قمر بني هاشم)
جانت عندي ضروف خاصه ..
بس راح اكملهه للي طلبوهه بشكل مختصر لان عندي فكره روايية خيالية مليئه بلااحداث لان الصراحه اني كاتبة افضل الكتابات الخيالية ....
اتمنى الكم متابعه شيقة وراح يكون البارت طويل ...
وشوية صعب علية لان تخصني هلقصه وكل احداثهه حقيقية .....
.التمينه كلنه ب استشهاد الامام العباس ع ...
ونطبخ ونخدم ...
احنه اجواء محرم من اجمل الاجواء ممكن نعيشهه بحب ابا عبدالله الحسين ع ....
ملاك تصرفاتهه وضحكهه وسوالفهه تجنن ...
والكل يحبهه
الى ان اجه اليوم المشؤؤم ...
١٣صفر بداية المشاية المقدسه ...
طلعنه كل العوائل ....نمشي سيرا على الاقدام الى ابا عبدالله الحسين ....
واليوم التالي هو يوم خروج ام ملاك للمشي وملاك واختهه ام احمد ..وبيبيه ملاك .،.
المهم جان البيت علشارع اليطلع يعبر شارعين ويكمل مسيرة الى ابا عبدالله الحسين ....
بداية الاحداث ..
زينب ..زهراء (بنات خاله ملاك)جاي يمشن سوة....
زينب ..اليوم جو كئيب مدري ليش
زهرراء اي والله ضوجه كون اسراء وملاك ويانه ...
زينب ..اي والله كلنه بنات سوه ...
زهراء يله همه اليوم يطلعن اكيد يوصلن النه لان احنه نمشي علكيف ...
اي ..
زهرء 📞📞الوالد
زهراء باببا يتصل خير شكو
زينب ردي بله ..
زهراء الوو ها بابا ...
زينب اتصل ابوية بزهراء ماشوف الى زهراء تبجي ..وتصيح لابابا لاتكولهه يمه ..
زينب ..شكو ولج زهراء شكوووو
........
ملاك ....
يوم ١٤ صفر .. حضرنه نطلع ساعة ب ٤ الفجر نمشي جنت كلش فرحانه لان اني جنوني اباعبدالله الحسين واحب الخدمة والمشاية ....وسراوي اختي السنه تمشي ويانه .....
حضرنه امي تكعد بيه الفجر كوه اكعد المهم
كعدت وبدللنه
سراوي :هاي حبي طلعين وياي
ملاك:اي
اسراء اني اركض ركض بلتحضير مال غراضي ...
ودعت رجلي ...وكتله جوز بعد ما رجع واروح وارجع علغرفتي احس راح افاركهه .....
المهم حضرت عربانه ابني ...
وخذت ايد ملاك ..وطلعنه جاي نعبر الشارع ...وو...
ام ملاك ،، اجتي امي كالت البنات طلعن وره شوية اسمع صوت خالتي صيح لحكي ام ملاك بناتج ماتن ..
ام ملاك يمه شنو شكو ....
بين الباب والشارع صارت ابعد من كربلاء ...
شنو ماتن ليمته وابجي واختنكت ورجليه كوه سحلني ....
زهراء ..ولج ملاك واسراء ندعمن ....
زينب يمه شنو
بعد كمت ماسمع شي غوشت عيني ...كوه اتحرك ....
امي شنو نكل الهه ماتتحمل ....
اتصل بينه اخوي كال لحد يكل لامي شي ...اني اكللهه ..
وصل النه وكالهه كام تصيح بلشارع وناس تباوع ..
شنو شكوو .اخذنه سيارة وكبل للمستشفى ..
طبينه ونشوف خالتي تدك وتلطم ...
وملاك ...بلانعاش .
اسراء عملية خطره مابين الحياة والموت ....
شلون هيط صار ...
اسراء ....تم نقل هذا الحجي لسان حال سراوي بعد ماافاقت من العملية الخطرة ..
......
لبسنه واخذت ملاك وابني وخالتي مرة خالي ويانه ....
وطلعنه علطريق العام ماشوف اله ضوه كدامة وخلص هذا كل الاذكره .....
السايق ...
جنت اسوق سريع جدا وماشفت الي سيارتي صدمت بيهه طفله صغيرة ومرة وابنهه ....
طبعا تطفل انشمر الى ناحيه الزوار وملاك فقدت الاوكسجين عشر دقايق انفصل عن دماغ ..
ودمهه يسيل اما اسراء جهه اليمنى من جسمنه انتهت من عضم الترقوة الى رجلهه وبطنهه ....
تم نقلهم الى مستشفى من قبل الاشراف وسترهم بلعبايات وشالات الزوار جزاهم الله خير الجزاء ....
وبدت ايام الحزن ...
رجعو الاقارب ومحد مشه للزيارة كانو نسينه ...مهما مرت علينه ضروف ماننسى المرة بي مولاتي زينب ....
سلام الله عليها ....
...اجتمعنه بيت الام الاكبر ..الي جان قريب من المستشفى ...نتمنى نسمع افات ملاك من الغيبوبة ...
لكن للااسف ملاك ..فقدت الوعي تماما ....
اليوم الاول جان جدا حزين والبكاء والصراخ
في البيت كانت كابوس مرعب حقا ......
كان بكاء بدل الدعاء .....الى ان (كانت موقف يخلجنا امام مولاتنا الزهراء عليها السلام)
كلنه جنه لابسين ثياب الزيارة وعلى ثيابنا
تراب المشاية ....بس للااسف تركنه المشي ..
بس الموقف جان اكبر من انو نختار .....
جان خالي يبني حسينيه لااستقبال زوار اباعبدالله
الحسين بس من صار الحادث محد راح وضلت ابواب الحسينيه مقفوله.....
حضرت رؤياا الى خال ملاك ..
كهيئة (قمر بني هاشم )
ان نسيتم فان مصاب الحسين اشد واعضم .
اذهب الى حسينيه (علي ابن موسى الرضاع)
جان اسمهه هيج .
وافتح ابوابها لااستقبال الزائرين
...وانضر الى لطف الله ب ملاك ...
ثاني يوم بعد ماروالنه الرؤية
حزمنا حقائب الرحيل لخدمة زوار ابا عبدالله الحسين .
وسمعنا خبر ان ملاك فتحت عينه
اللهم صل على محمد وآل محمد
جانت هاي اول فرحه فرحناهه بعد مرور هاي الاوقات الصعب بهليومين ابد ماجانن يومين جانن
سنتين من الحزن ....
كدرنه نتغلب على الدموع ونتمسك بلدعاء .
لم يتركنا ابا الفضل العباس حاشاه ان يفعل ذالك بل كان كل حين يزور ملاك لشفقتهه على امها المسكينه ...
بعد مرور شهرين على هاي الاحداث
بقت ملاك بلاانعاش مفتوحه العينين
بدون ضحكتها الجميلة وكلامها الاجمل .
كانت مجرد جثه نائمة لاتتحرك .....
كنا في تلك الشهور نمر باحداث افاقت ملاك
وفقدت الوعي ملاك
وفي احد الايام يذكر اخاها تلك اللحضه
لقد توقف الجهاز .....
_/\____________.
ركضت ابجي خلص راحت اختي اجه ابوي يكلي حضر الجنسيه ...
لا ملاك ماتموت ابوفاضل امانتك ملاك ابوفاضللل ...
...
مامضت الى دقائق ...واذا بالجهاز يعود ...
.
سبحان الله لقد كانت اعصابنا متوترة ...
لم نعد كما كنا ابدا ...
لكن بفضل كفيل العقيلة زينب كانت لنا حياة وطمأنينة وامل ....
بدت تفيق ملاك لكن ....
حالة ملاك ..
لسان معضوض اثناء الوكعة يعني نص لسانهه مموجود متأكل .اعتذر عن هذا الكلام المؤذي للنفس ..
اديهه متتحرك دماغهه متوقف
.ضمور بدماغ اي تقدم ٧٠ سنه ..عن عمرهه
رجلهه مكسورة وموكسر عادي ....بلاتين ...
المستشفى جانت شبه مميته للمريض لكن الاعمار بيد الله .
وبعد مرور ٥ اشهر وحالة ملاك ماتتحسن تسوء من سيئ الى اسوء ....نقلو ملاك الاربيل ...
للعلاج .ملاك ماتحجي فقط تباوع بعينهه
من نقلوهه الاربيل بدة تتحسين 50%
من حركه الى علاج طبيعي لكن ملاك
متمشي وجانبهه الايمن مموجود ....
بس تتذكر اهلهه ....
رجعت لمحافضتهه
وبدت تحجي وصاحت يمة ...اول كلمه الهه بعد هاي الاشهر جانت فرحه متنوصف ...لان ملاك كلش قريبة على قلوبنا كلنه ..
....ومرت سنه على هذا الحادث .
وبدت تحجي شوية شوي وتحسنت الحمدالله بس
ملاك بعدهه متمشي وايدهه متتحرك والان طلعت للخارج للعلاج نرجو من الله ان ترجع النه ملاك سالمه وتمشي .....
نهايه القصة الى كل من يقرأها يدعو الهه ...
وشكر لمتابعتكم .....
دمتم بخير احبتي .
#زينب_الغزي
💫❤
أنت تقرأ
من معاجز اهل البيت الكاتبة {زينب الغزي}
Mystery / Thrillerسلسله من القصص تابعة الى هذا الكتاب اسم الكتاب{هو الحسين } سأكتب لكم قصص حقيقة حدثت لتلك المعاجز ..... وليصدق من يريد ويحب الحسين ولايشك بوجودهم معنا واذا كانت لديكم قصة تخص تلك المعاجز سأضيفها الى ذالك ..... سأتكلم قليلا عنه في المقدمة .... للكات...
