نجمى الحارس

بارت ١

(ياعم تعالى هتتبسط )..(يا بنى هو احنا كل يوم بنفرح).....(اى يا وش النكد مش عاوز تيجى لى )...(ولا والله لو ماحضرتش مانا جاى ).....
وغيرها وغيرها من الجمل اللى صدعونى بيها وكأنها ما وراييش حاجة غير سى زفت او كأن سى زفت هياخد باله اوى ...وآدينى قاعد اهو لما اشوف اخرتها
مع أن انهاردة خطوبة مش فرح  ورغم كدا حاجزين قاعة كبيرة والعروسة لابسة فستان و......استنو استنو..... انا ماعرفتكوش بنفسى .
اعزرونى  ...اصل انا دمى محروق....انا أسمى مروان محمد الدمنهورى عندى٢٨ سنة بشتغل محاسب فى بنك وتقريبا كلها اسبوعين وهترقى ... ادعولى ....المهم....سنجل ...ايوا بظبط كدا انا سنجل لا خاطب ولا مرتبط ولا اى نيلة  و زى ما انتو عارفين عن حياة الارياف ....مافيش حاجة اسمها احب واتحب ف لازم يا إما جواز مصالح أو جواز صالونات....عاوزين الحق ...الموضوع مش كدا خالص ....انا اللى رافض الفكرة ...انا مش بؤمن بالحب اساسا ...الحب حب عشرة مش نظرة اولى والكلام الفاكس دا ....الحب هو الحب الحلال ...انك تحب حلالك علشان ربنا رزقك بيه ...مش تحب الاول وبعدين تيجى عايزه يبقى حلالك اى الهبل دا مافيش احلى من الحب الحلال ....ماتستغربوش كدا انا اتربيت على دا من صغرى ...القصد من دا كله انى عمرى ما هفكر اتجوز غير واحدة تكون....مش عارف هى المفروض تكون اى بصراحة بس المهم انها تكون ملاك وقع ع الارض ربنا بعته ليا .....عارف انه على المعدل دا انا مش هتجوز ...وان اللى قدى عندهم عيل واتنين...وانى قاعد جنب امى شبه العانس وكل الكلام الاهبل اللى هتقولوه وسمعته مية الف مليون مرة ...اى الرقم دا؟ ...القصد انى عارف كل اللى هتحاولو تعملوه علشان اتجوز ..بس مين قال انى عاوز اتجوز اساسا ......المهم ......انا انهاردة معزوم على خطوبة صاحبى نادر ...اللطخ اللى بيرقص فوق دا ...هقول اى الرجالة ماتت ....راجل طول بعرض عمال يتنطط شبه الفرخة الدايخة .....وآل اى عاوزين ياخدونى انا ارقص معاهم
.....هاهاأووووو 
....مين دا ....دا انا ماعملتهاش فى فرح اختى .....يلا كله على الله
وآدينى قاعد اهو لازق مكانى ....مش عشان انا قفل ولا معقد ولا الكلام دا ....هو انا مشكدا طبعا ...كل الحكاية أن المكان هنا بقى عامل زي الكباريه كله بيرقص مع كله حتى العريس والعروسة ...بنات عريانة واللى لابسة طرحة بتبقى يادوب مغطية قفاها والفستان مجسم أو تكون من غير طرحة وبردو بفستان مجسم أو قصير والشباب هايص ....ماهو فى مثل بيقول ابو بلاش كتر منه ..ودول مافيش ارخص من لحمهم ...ربنا يعفينا ....والله لو كل واحدة من دول  عرفت الرجالة بتبصلها ازاى ماهى خارجة من بيتها   ...لا وهى مفكراهم معجبين بجمالها ....لا خالص ...كل اللى معجب بيكى دا ممحون ومش لاقى كلبة فلقاكى ...استغفر الله العظيم......والله انا مجرد قعدتى هنا بذنوب انا آخد بعضى واتكل على الله اطلع برا ام الخطوبة الهباب دى ......تعالى يا بعضى ..يلا يا حبيبي
الجو برا جميل جدا ....طب والله فى ناس محترمة اهو مش انا لوحدى .....امال اى بقى يا جدعان ...استنو هقولكو انا شايف اى فى هنا شباب كتير قاعد كله بيهزر بهدوء وواضح مالهمش فى الهلس اللى جوا دا وفى كمان رجالة كبار محترمين باين من شكلهم مضايقين من الهبل اللى  جوا  وفى كمان ........ياالهوووووويييي
اى القمر دا ...يخرب بيت حلاوة امك يا شيخة
...ياماااااااا...لا اى ي مروان أهدى كدا انت هتخيب ولا اى انت كنت لسا بتقول اى .....أهدى كدا يا بطل وتوكل على الله روح هات رقم ابوها ...ولا الاول اقولكو انا شايف اى ...بسم الله الرحمن الرحيم انا شايف الملاك بتاعى ...بنوتة لابسة فستان منفوش
لونه انا مش عارفه وخمار طويل لونه غريب كدا بس الوان مش فاقعة هادية ومريحة ومش ملفتة بس يخربيت حلاوت امك ياشيخة ...لا حقيقي شابو للى رباكى اى دا هو لسا فى بنات كدا ....لا دى مش لوحدها دا فى مجموعة كدا.الله اكبر ماشاء الله عليكو بجد ...لا بس القمر بتاعى هو اللى فيهم ....وعلى فكرة للتوضيح انا معجب بطريقة لبسها وأنها واقفة مع البنات بعيد عن القرف اللى جوا دا ....ولو تاخد بالك انا قولت معجب ...
.اروح ....اروحلها ...طب هقول اى ....ما اكيد مش هروح اقولها لو سمحتى يا آنسة رقم بابا ..شكلى هيبقى وحش اوى ...يوووووووو
انا هستنا أسأل الواد عدى هو اللى هيجيب قرارها ...هو عارف كل البنات ....ثوانى هتصل بيه...
(اى يا عم القفل انت فين مش لاقيك )..(انا برا تعلالى )(اى! ..لى بس؟ ..دا حتى الدنيا جوا طرية وجميلة ..تعالى انت وانا هظبطك)(يلا ي حيوان انت تعرف عنى كدا ..بس المهم انا برا تعالى عاوزك ضرورى )(اى ضرورى دى ؟؟ لا كدا انا جاى خمساية واكون عندك) اقسم بالله ما عارف انا مصاحب الاقذار دول لى ..عيل ثقيل ..
(يابنى اى ي عم حد يسيب الحلويات اللى جوا دى ويجى هنا ؟؟؟) اهو جى يكمل سخافة (بقولك اى انت تعرف عنى انى ليا فى الهبل دا؟؟؟)(لا)(انا عمرى سايستك فى اللى بتقول دا؟؟؟)(لا)(طب كل مرة بتقولى كدا اى اللى بيحصلك؟؟؟)(باضرب)(ومالك بتقولها وانت فخور بنفسك كدا لى وبعدين اى بقى ياحيلتها اللى مخليك متخيل دلوقتى انى مش هضربك)(علشان انت قولت عاوزنى)يالهوويي على تقل دم اهلك ...عيل لزج..
(المهم كنت عاوزك فى موضوع كدا )(ياسلاام انت تأمر يسطا هو احنا عندنا كام مروان )(اللهم طولك ياروح.....كنت عاوز أسألك سؤال ...شايف البنت اللى هناك دى ؟؟؟)(أنهى فيهم ؟)(بص هى جنب اللى لابسة بنفسجى ولا بتنجانى مش عارف )(لا اول مرة اشوفها....بس بتسأل لى )(لا ولا حاجة كنت عاوز اعرف هى مين )(انا هعرفلك بس بردو ما قولتليش عاوزها لى؟؟؟)(انت مالك هتعرف هى مين من غير كلام ولا اعرف لوحدى )(اى يسطا مالك قفشت كدا لى ..عنيا حاضر اجيبلك اللى عاوزه ..تعالى بس ندخل جوا وساعة بظبط واجيبلك قرارها )(لا انا قاعد هنا على ما تيجى )(خلاص تمام زى ما تحب عن اذنك انا )
تمام اوى كدا ..اروح انا بقى اقف فى اى حتة على ما جنابه يجي....
عارفين ...رغم انى لسا سامع صوت الاغانى من جوا القاعة وفى اشكال ضالة بتعدى من وقت للتانى بس حقيقي انا مستمتع جدا ...عاوزين تعرفو ليه ...تمام انا مش هسألكو سؤال زى  انتو بتحشرو مناخيركو فى حاجة مالكوش فيها ليه ..علشان  انا مؤدب ومش هقول كدا....عارفين ليه ...علشان انا قعدت ساعة كاملة ابص على البنوتة واراقب تصرفاتها وحقيقي انبهرت....انا كبهير انبهرت ....
سواء منها او من اللى حواليها ..بس الله اكبر فعلا ربنا يحميكو يا بنات ...
(يا مروان مش هتصدق اللىعهههههخخ حصل جواههههههخخ الواد على ههههههخ واحنا واقفين ههههخخخخخخ..........)
afew moments later...
(

هههههههههههههخخخخخ ههههههههخخخخخ والواد بقى ههههههخ وشه احمر من ههههههههههخخخ)

another few moments later....
(هااااح ...والله مش قادر مت ضحك هههه) هرجع اسأل نفس السؤال للمرة التانية انا مصاحب العيال دى لى ؟ ماهو اكيد يعنى ماسيبتش المية مليون بشرى فى مصر ودونا عن الخلق اصاحب ذكور بلح البحر دول ...ماهو يا إما انا اعمى يا اما دا ابتلاء من ربنا ولازم اصبر ..
الواد من ساعة ما جه وهو مابطلش ضحك دا ان كنا هنعتبر ان التلوث اللى حصل دا ضحك .....
(خلصت )(احم احم ... تمام انا كدا خلصت )..
(وصلت لحاجة؟)(كل خير ).......
( طب هتتكلم ولا مستنى عزومة ؟)(هتكلم اهو استنى بس ارتب اللى اتقال .....
بسم الله الرحمن الرحيم والصلاه والسلام على اشرف الخلق....)(اخلص انت مش هتخطب. )( حاضر اهو ههههه ...انت عصبى لى بس ؟ ههههه
بص ياسيدى ...
الاسم :مريم رضا
السن :١٩ سنة
الفرقة الثانية كلية دراسات اسلامية قسم لغة عربية فى مدينة السادات
ليها تلات اخوات صبيان هى تانى واحدة فيهم وهم كالآتى "شوقى ،احمد ،محمد"
ساكنة فى شارع العساكر
سنجل ولم يسبق لها الارتباط
وهى موجودة انهاردة بصفتها قريبة العريس
والله الموفق والمستعان )
مريم ...مريم ...
اسم لطيف وجميل زى صاحبته ولايق جدا عليها
وسنجل ..شوف الصدف ...ماتوقعتش دا خالص انا هقولكو اصل انا تقيل اوى واستنيت المعلومات تجيلى على الهادى وما قعدتش ادور فى إيديها عن اى دبلة او خاتم
لا خالص absolutely
انا حد عاقل ورزين ومش بعمل كدا ...
حقيقي ....
(انت روحت فين )(حقيقي انت موجود فى حياتى ليه يا عدى )
(ههههه علشان اجيبلك معلومات هههه)(خلاص يا عم ما كانتش خدمة عملتهالى )(ما تقولش كدا امال الصحاب موجودين لى )
O.m.g
انا ماقشعرتش بس هى حقيقي ماكانتش تستاهل
اى الدراما دى
(لا يا حبيبي نفسك ما تسولكش انك عملتلى جميل ...انت عملت كدا بس علشان كان سبب مقنع تكلم البنات علشانه ..)(الله عليك يا ابو المراويين ..ماحدش يقدر يعدى من تحت إيدك هههه بس طبعا هتعديهالى علشان جبتلك اللى انت عاوزه صح)
ابو اى ....اى القرف اللى انا سمعته دا ....هى المفروض الكلمة دى موجهة ليا انا ...
يا اخى ابو شكلك شوهت اسمى ....
منك لله يا بعيد ...
وقال اعديهاه قال ...دا فى احلامك الوردية
احلم على قدك يا بابا
(الا ما قولتليش صحيح عاوز تعرف البنت دى ليه واشمعنا هى بذات )
عارف لو كان حد غيرك ما كنتش عمرى قولتله بس علشان انت عدى وعلشان انا عارفك وعارف انك واطى وهتدور على طريقة تقرفها بيها فلازم اقولك علشان ما تهوبش ناحيتها ...
(هتجوزها )