نجمى الحارس

بارت ٢

(هتجوزها) ......
تمام زى ما توقعت هيبرق ويرمش كتير ووشه هيقلب احمر وهيفتح بقه زى الحمار بالظبط ..تمام ياريس ...بس عشان ماابقاش كداب انا ماتوقعتش اللى حصل بعدها ...لأنه ببساطة وقع فى الارض...وماعنديش ادنى فكرة عن سبب الغباء اللى هو عمله دلوقتى ولولا الناس اللى حوالينا كنت علمته الادب
..بس هيروح منى فين المتخلف دا صبرك عليا....
وعلشان وقارى اللى هيدفن فى التراب بعدت عنه خطوتين كفرصة اخيرة مؤدبة قبل ما اساوى وشه بالاسفلت ...
وعلشان هو معايا فى الفرقة عرف انا عاوز اى وقام وقف جنبى بمنتهى الهدوء اللى هو لايمت ليه بصلة ..
(عارف ؟) وطبعا لانه ما توقعش انا عاوز اى بقه فتح من الودن للودن بإبتسامة اقل ما يقال عنها مختلة
(انت عار على امجادى )
(لى كدا بس يا باشا هو انا عملت اى غلط )
(انت فى حياتى ودا لوحده كفاية بس استنى عليا اتجوز بس وهرميك زى الكلب )
(دا انت بتتكلم جدا بقى ؟!!!)
(وجد الجد كمان )
(مروان يا حبيبي ركز معايا انت بتقول هتتجوز ؟؟؟)
(ايوا فين المشكلة انا مش فاهم )
(لا يسطا مشكلة اى ونيلة اى انت هتتجوز بجد
الف الف مبروك ياسطاااا والله فرحتلك اخيرا هفرح بيك واقفل عليك القفص لولولولولولولولويييييييييي)
وقارى ....مات صغير يا قلب امه ....الدفنه بعد الفجر للى عاوز يواسينى ....اقابلك فى الاخرة ياصاحبى
هو عند ربنا فى مكان احسن دلوقتى...انا متأكد
ماهو مش ممكن اكون مصاحب الملعون دا وما ادخلش الجنة
لنا الله يا وقارى
هو بيحضنى جامد وانا مش مصدق ان بريستيجى ضاع بسبب زغروطة ام احمد دى
اسف يا حماتى اكيد انا عاوز اسمع زغروطة منك فى خطوبتى على العسل اللى انتى مخلفاه واسف مرة تانية على التشبيه بينك وبين المعتوه دا
(ابعد بدل ما اخليك انت مش نافع للجواز )
تقريبا كل اللى حصل كان فى جزء من الثانية اتنفض وشهق جامد وبعد عنى
وطبعا انا ما عملتش حاجة لان كفاية الفضايح اللى حصلت لحد دلوقتى 
بس هقتله بأشنع الطرق فى عقلى
ادبحه ؟ ولا اسلخه ؟ولا اعلقه من رجليه على باب القاعة .
(انت بتبصلى كدا لى ؟)
لا يا حبيبي ولا اى حاجة بدور على احسن طريقة اخلص البشرية من امثالك ...
لا اهدى يا مروان لسا محتاجين انثى اليربوع دا
يلا غمض عينك وخد شهيق ...زفييير ..شهيق ...زفير
(مالك ؟)
زفير ...
(مروان انت كويس ؟)
زفير...
(الله اكبر )
زفير ...
لا مش قادر ...هقتله الاول وبعدين ابقى اتجوز
وهو دا اللى حصل قبل ما اضربه بوكس تقريبا وقع صف سنانه
بس الحمد لله جت سليمة ...
هقولكو لى اصل مريم .....م ...ر...ي...م
آسف اصل اسمها حلو ولايقلها اوييي
احم احم كنت بقول اى ...
اااه
لما ضربته طبعا هو وقع على الارض شبه الفرخة بصيت لاقيتها مش موجودة ..ودا نوعا ما ريحنى ....اكيد مش عاوز اول انطباع عنى
يبقى انى عنيف وماعنديش رحمة ...والله انا مش كدا يا روما بس دكر البط اللى معايا دا كفيل يحول الناسك لشرشوحة ....
المهم انا هدور على حد يساعدنى اعرف عنها اكتر ..
يعنى اكيد مش هروح اخطبها وانا ما اعرفش عنها غير اسمها وكمان علشان اعرف هخطبها ازاى ...
وهنا ييجى دور نادر
ان كانت جاية تبع العريس يبقى نسأل العريس ....
وهحصلك قريبا يا عريس ....
بس مش انهاردة ...كل حاجة فى وقتها جميلة والصبر مفتاح الفرج زى ما بيقولو ......
وعدت الليلة على كدا ...
بعد صلاة العشا اللى فوتها فى المسجد غصب عنى  ببص ورايا لاقيت اى ...خير اللهم اجعله خير ...امى واقفة عند الباب اللى انا متأكد انى قفلته بإيدى ....عنيها بتطق شرار ..وماسكة فى ايديها شبشب من نوعية الميكاروف الروسي اللى بيتميز بدقة التصويب والاصابة المباشرة والمميتة فى قلب الهدف....
(تعرفى انك احسن ام فى الدنيا ...ما تعرفيش ؟ ...لا دا انتى تجيبى بوسة بقى )
(بقى بالذمة مش مكسوف من نفسك وانت شحط كدا وداخل على التلاتين ومش عاوز تتجوز ؟ ...دا زمايلك عندهم عيل واتنين والبنات اللى قدك عندهم عيال فى المدرسة دا اسلام ابن نجوى بنت خالتك فى الاعدادى و صاحبك ..............)
فاكرين لما قولتلكو على القصيدة اللى بتتقالى علشان اتجوز ....اهى ماما اتبرعت تسمعهالكو علشان انا مفرهد شوية ...
حصة العار دى لازم اخدها كل يوم وإلا مجرة درب التبانة هتنهار ...امى عندها اعتقاد قوى انى عانس مش علشان سنى ٢٨ سنة وانى اتخرجت من كلية الشرطة واستقريت فى شغلى وخلصت شقتى من زمان هههه..
لا خالص اصلها شايفة ان اى كائن فوق ١٤ سنة يصلح للجواز يعنى بنت خالتى اللى هى بتزلنى بيها دى كانت عندها ١٥ سنة لما اتجوزت فأكيد ابنها هيبقى فى اعدادى ....
استغفرك يارب واتوب اليك ....
(اااااه )
عجبكو كدا آدينى اتضربت بالشبشب وانا شحط طويل عريض كدا ....
(لما اكلمك تركز معايا يا كلب )
(يا ماما ما انتى كل يوم بتقولى نفس الكلام وكل يوم نفس الحوار ونفس الخناقة لدرجة حسيت انه شريط واحد وبيتعاد كل يوم )
(اسمها انتى يا قليل الادب يا عديم الرباية )ايوا سيبى الكلام المهم وعلقيلى على حجات هبلة زى دى بس طبعا لانى انسان مؤدب ما ينفعش اقولها كدا (آسف يا ماما اسمها حضرتك )(اه يا اخويا اسمها حضرتك وبعدين هنفضل نعيد نفس الكلام لحاد ما تعقل وتتجوز )(حاضر يا ماما )(اى هتعقل وتتجوز )(لا هنعيد نفس الكلام )(اه يا واطى يا سافل ) امى اى حد يخالفها الرأى يبقى سافل وقليل الادب علشان هى عارفة كل حاجة ....وكالة ناسا متحركة ....
حسبي الله ونعم الوكيل
(هات الشبشب )
سبحان الله كونى ظابط مخليلى هيبة وسط الناس الا عندنا بسيب هيبتى ورا باب الشقة وباخدها وانا نازل بس.....
انما فى البيت بطاريتها فاضية ومهما اعضعضها ييجى الشبشب يثبتلى عملى انها مش هتلقط شبكة جوا البيت ......
جيبته واديتهولها وأمرى لله .....وحسبى الله ونعم الوكيل فى كل ظالم ومفترى.....
(يا ابنى انا عاوزة افرح بيك وابوك عاوز يفرح بيك وستك رئيفة عاوزة تفرح بيك قبل ما تموت )
ايواااااا....... دخلنا جو الصعبانيات والمسلسلات والدراما الهندية
وبعدين ستى مين دى اللى تموت دى متبتة بإيديها واسنانها وحاسس ان كله هيروح لربنا وهى هتفضل قاعدة جيل ورا جيل ترازى فى الخلق
بس الحاجة الوحيدة اللى ممكن تفهمها من اللى بيحصل دا ان امى دى ممثلة تحفة ...يعنى ممكن لو طفيت النور وحطيت اسبوت هادى عليها لوحدها كدا مع مزيكة حزينة هتبقى روعة...
ولا اجدعها سيلينا جوميز بتجاعيد وشبشب فى ايديها ....
(ااااااه)
هو شبشب امى دا على طول متعمر كدا
البتاع دا بيلسع اوى
(انت بتسرح فين وانا بكلمك يالا )(اسف يا ماما مش هسرح تانى )(اه يا عين امك ...يا واد اسمع الكلام واتجوز فرح بنت عمك منيب حلوة وزى القمر وصغيرة تشكلها على ايدك ...)( ماما انتى بتقولى اى ...فرح مين اللى اتجوزها دى ١٤ سنة دى تقريبا تانية اعدادي )(ايوا يا حبيبي علشان تكبر على ايدك وتشكلها زى ما انت عاوز و ....)(دى عيلة يا ماما ....عيلة ....اقولها ازاى ...طفلة ..kid ... baby..... child.....دى اول امبارح طلعت من الابتدائى ولبست الطرحة ...دا انا لو اتجوزت بدرى كان معايا ولد فى سنها ..اااااااه. لى كدا بس )( ولما انت عارف يا عين امك انك كان ممكن تتجوز من بدرى ما اتجوزتش وريحتنى من همك لى )
طب اقولها على مريم ..ما اهو انا ما اقدرش اعشمها بحاجة انا نفسي مش متأكد منها ...
بصراحة انا ما لحقتش اقول حاجة ....لى ...ببساطة لان امى مشيت ...هى دايما كدا بتدخل دخلة مكافحة المخدرات وتمشى زى الاشباح
وللمرة التالتة انهاردة
حسبي الله ونعم الوكيل ..