بعد ما كلينا الطريحة من بابا وماما خشينا رقدنا .
بعدها بفترة
جي اول يوم ف الدراسة گـــnت نقرا سنه اولي ابدتائي وملك تقرا تانيا ابتدائي وانا خايفة ونبكي مانبيش نخش للمدرسة ونقول ل بابا روح بيا وطبعا ملك تتجكتر عليا لانها اكبر مني ب سنه وعندها صاحبات خشيت للمدرسة وكانت عندي كراسة مسفرة ب الأحمر خشيت للفصل الي نقرا فية وقعدت بروحي لين جت الحصة الرابعة مشيت كلمت الأبله قتلها نبي نخش للحمام قتلي بري مشيت للحمام لقيته خامر طلعت منه والممر فاضي هربت من المدرسة حوشنا كان جنب المدرسة وانا ف الطريق لقيت كاشيك سبوله طايح قمته ورفعته معاي للحوش ضربتني امي طريحة ومن كتر البكي لين رقدت روحت ملك من المدرسة وجت نوضتني وقعدت تضحك عليا والأيام الي مشو كلهم حلوات .
وطبعا بابا كان إنسان شعبي ويحب الناس كلها وكان عندة واحد صاحبة هلبا ديما كان يجينا وبابا كان يعزة هلبا وحتي حني كنا نحبوة وصاحب بابا هذا عندة مشكله ادمان الكحول وكان ديما يحبني ب زيادة وديما يعطي فيا ف فلوس وقتها كان عمري 6 سنين زيني زي اۍ طفلة اۍ حد يحبك بزايد ويعي فيك حلويات شكلاطة أكيد تحبية فكان يغري فيا ب الحجات هذي وحبيته اكتر واحد من صحاب بابا .
فـِ❣ـيْ يوم مہـƒřô๓ـہـًن الأيام امي كانت مسافرة وبابا كانو عندة صحابة كلهم ف الحوش وانا كنت مقعمزة جنبهم ( نوري ) الي هوا صاحب بابا هوا كان متكي علي المندار ومتغطي ب البطانية وانا كان ينعس فيا النوم وقلت ل بابا نبي نرقد ناض نوري قالي تعالي نغطيك تحتي وبابا مقالش لا مشيت رقدت تحته ولما رقدت بديت نحس انه يتلمس فيا من لوطة وانا وقتها ما كنتش عارفة شنو الشئ الي ديدر فية نضت طول قالي نوري خيرك نايضة تعالي جبدني تحته من جديد هذي كانت اول مرة نتعرض فيها ل التحرش .
واستمر الحال ع الشئ هذا
مرة يشدني ورا الحوش يقعد تلمس فيا وانا ما قدرتش نتكلم أو نقول ل بابا لان خايفة يضربوني حسيت روحي انا الي مجرمة وان انا الي اندير ف الغلط مش هوا
وماما كانت ديما قبل ما تسافر توصي فينا ما مخلوش حد يمسنا ونوري كان ديما يستغل ف ان ماما مسافرة لان حوشنا كان كبير وبابا كان يتلقطو عندة ديما لما تسافر ماما وكان اكتر شي يدير فية ان يرقد فيا تحتة لما يكونو مقعمزين وحاطني تحته وانا بعد فترة بدي عندي شي عادي الي يدير فية لان ما كنتش فاهمة أساسًا شن الي يدير فية واستمر الوضع علي هذا الحال لمدة 3 سنين فـِ❣ـيْ مرة من المرات ماما وبابا كانو طالعين كانو ماما وبابا طالعين جانا للحوش فجأة وهوا سكران فتحناله الباب دف الباب بلقوة وخش قعد يشد فينا انا وخواتي بلغصب ويتلمس وحني نعيطو قعدت تهدي فية اختي ميسون وطلعاته للمطبخ وسخنتله عشي ف اللحظات هذي جو بابا وماما الإنسان هذا تحول فجاة من إنسان سكران الي إنسان طبيعي كأنه كان يمثل .
خلال تلاتة سنين هادو كنت عايشة ف حالة رعب وف نفس وقت مش فاهمة شت صايرلي وعلاش يصيرلي وشن يبي الانسان هذا و بابا كان يحبه هلبا وكان يوثق فيه هلباا ومفيش مرة شك فيه هذا علاش كان ديما يقعد معانا
ونوري كان وحش بهيئة انسان كان وكانه ممثل يدعي طيبة والاحترام وهو احقر من الحقارة نفسها .
فـِ❣ـيْ الفترة هذي صارت هلبا مشاكل معانا من العيلة وعماتي وبابا باش يكسر الشر بعنا الحوش الي كان عندنا جنب العيلة وحولنا ل حوش جديد گـــnت حابة الحوش الجديد بكل تفاصيلة گـــnت متوقعة الي كان يصير معاي معادش يصير ف الحوش الجديد وفعلا هذا الي صار ف الحوش الجديد ممـہ.ــ࿆͟ــ͠ـ͟ـكـن لان هوا بدي يخاف لأني كبرت ولما كبرت وفهمت شنو كان يصرلي كرهته ومعادش نبي نشوفة بس للأسف ما قدرتش أنقول ل اماليا شن كان يصيرلي مانبيش نكسر صورة الطفلة البرئة ف عيونهم كليتها ف روحي وسكتت وهدا الي زاد دمرني اكتر ان ما عنديش لمنو نقول
وبعد ما حولنا ل حوشنا الجديد زادت المشاكل بين بابا وماما هلبا والخينات كترت بين الطرفين وبابا فـِ❣ـيْ الفترة هذيكا تعرف علي ( امال ) وكان ناوي يتجوزها والسبب ورا لهفة بابا ل الزواج (عمتي) كانت ديما تعبيله في راسة تقوله تجوز ليبية وفعلا تجوز ليبية الشئ هذا دمرنا وقطعنا لدرجة ان ميسون الي كان عمرها 10 سنوات ركبت فوق السطح وحاولت تنتحر والمنظر هذا مستحيل يتمسح من ذاكرتي حسيت ان بابا تخلي علينا وحسيت ان يكرهنا وماما كانت ف حالة انهيار ومش مصدقة ان حب حياتها وسندها بدي في حياة جديدة مع إنسانه غيرها ،
بابا بعد عرسة بيومين ما قدرش يصبر علينا جي وروح بينا للحوشة الجديد گـــnت ف حالة تفاجأ وصدمة كيف هذي بناخد مكان ماما وكيف هذي الي بترقد جنب بابا بدال ماما مشت عليا أيام وما قدرتش نتحمل روحت ل ماما وقعدت ميسون نذكر فيها قعد بابا اشهر وما جناش لين تٌـٌـمـــ الصيف حسيت وكأنه باعنا مقابل انه يعيش حياة زوجية مع ليبية وكانت ماما تحاول تتأقلم فـِ❣ـيْ غيابة وتبين ف انها ما تستحقش حب حياتها لكن للأسف ماما فاشله ف التمثيل ومعادش قدرت تتحمل ومشتله من غير علمة وهدت علية ف حوشة خليتني انا وملك انقزو ل حوشة ونفتحولها الباب وخشت عليهم
بصراحة ما كنتش معارضة الشئ الي ادير فية ماما وبالعكس گـــnت فرحانه صار نقاش بين ماما ومرت بوي
ماما : وينه طلعيهولي
امال : شن اديري هني يا سحارة المغربية ف حوشي
ماما : خلي الراجل يرجع ل صغارة يا خطافة الرجاله
امال : هذا راجلي مش خاطفاته
ماما : بري يا الطنجرة المحروقة طلعية
طلع بابا يجري وغم الموقف طول دخل مرت بوي للحوش وركب ماما في السيارة قعد يبوسلها ف أيديها ويقوللها سامحيني غير روحي توا انهارت ماما ب البكي طول وقتله كيف تنسانا هكي روح بينا للحوش وميسون قعدت معاه ف حوشة وماما وهيا مروحة فرضت علية يوم عندها ويوم عند مرته وفعلا هذا الي صار بعد القرار هذا بدينا نطلعو من الكأبة الي حني فيها وبديت نحس ان الحياة فيها أمل وبدينا نرجعو زي ما كنا قبل عشنا أيام حلوة وشبة تعودنا علي الوضع الجديد ماما گـــnت نعتبر فيها ذكية هلبا لان كان صعب عليها ان حب حياتها يتجوز لكن بعد ما شافت اصرارة وافقت لكن بشرط ان يكتب الحوش الي حني قاعدين فية باسمنا الثلاثة ( ملك مروة ميسون ) وان تكون ماما وصية قانونية علي الحوش لين نوصلو للسن القانوني
تسريع ف الأحداث
خشت سنة 2011 وبدت الأحداث بابا رفع مرته ل اماليها وقعد معانا وكان حاس انه بيموت من شهر 2 الي يوم 10/3/2011 عشنا أيام حلوة عوضتنا علي كل شي گـــnت نرقد انا يمينه وميسون يسارة وماما جنبنا وجنبها ملك قعدنا يوميا علي الحال هذا وفاتت الايمات ويوم 10/3/2011 اتصلت بية الصبح وقته قلقت نبي نمشي انبات فـِ❣ـيْ حوشي يوم روحت انا من المدرسة ولقيت بابا يستنا فيا وقالي هي نمشو نباتو ف الاستراحة وميسون كانت توتي ف روحها للمدرسة وسمعتنا بابا قاللها لا بري ل مدرستك صار نقاش بين بابا وماما وزعلت وطلعنا مشينالها للمدرسة خلال الطريق بابا قعد يقولي شدي التليفون واتصلي ب أمك زعلانه مني ما نبيهاش تزعل مني قعدت نشرين من تليفونه وهيا رقمها خارج التغطية اتصلت كدا من مرة مباش يشد الخط بكل وقعد غير يقول زيدي حاولي نبي نرضيها وكأنه حاس انه بيموت وجه بابا هذاكا اليوم وجة سعادة ب النسبة ليا گـــnت نشوف ف الدنيا ف عيونه فـِ❣ـيْ جملة كانت ديما أنقول فيها ل بابا
انا : بابا قداش انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ تحبني
بابا : اشبحي فرق تشوفي في السماء الزرقة هدي كلها كبيرة ولا
انا : اۍ
بابا : هذي كبرها كبر حبي ليك
صار الحادث وحكيتلكم تفاصيله وبعد ما خشيت ف نوم عميق علي رجل المرا الي ما نعرفهاش فقت مع الفجر نرعش صقعانه وحاسة ان الدنيا كلها حطت احمالها عليا وقعدت ف صدمة ونقول لا مامااتش قعدت نكذب ف روحي ورقدت روحي ب السيف ونفقت علي صوت عياط من جديد جابو بابا للمربوعة باش نشوفوه قبل ما يندفن قعدت نقول ل الصغار مش حنبكي علية وقعدت نكابر رفعوني للمربوعة باش نشوفة اول ما خشيت وشبحته حسيت الدنيا ضاقت بيا وطحت من طولي قيلاتي معادش حملوني لما طحت تكسر جبسي وما حسيت ولا وجع اكتر من وجع قلبي وصدمت بوي مكفن قدامي ( الله يرحمة ويغفرله ) بعدها حطيت يدي علي خدة .
يتبع
كنت ناوية نكمل بس صاحبة القصة معادش قدرت تكمل
(اللهم ارحم موتانا )
