بتلم ليه الهدمتين والطرحتين والشبشبين؟ ماتقولي يابني واخدني فين؟ علي بيت جديد!!؟ مانا ليا بيت؟؟ هوانا يابني كنت اشتكيت؟؟ مش عايزه يابني بيت جديد... البيت ده انا عشت فيه خمسين سنه معرفش غيره اي بيت؟ اسأل بلاط الارض؟؟ واسأل يابني كل حيط؟؟ انا مش عايزة غيره بيت؟؟!! انا عشت يابني سنين هنا واتمني اموت برضك هنا افتح عنيه كل يوم واقفل عنيه كل يوم علي فرشتي ومخدتي والبطانيه واللحاف علي ايد ابوك بتضمني صورة الزفاف بتدفي قلبي وتحضنه في سنين عجاف في الاوضه دي انا لسه عايشه ويا ابوك عمري اللي فات!!! اصل الحبايب لوسابوك، بيعيشوا فيك الزكريات خليني يابني جنب ابوك اصحا وابات واشم رحته في الحجات واعيش معاه باقي السعات....... مين قاللك انه مات لسه البدل جوه الدولاب جنب السرير اخر كتاب نظارته هي وعبايته اهي ولسه سجاده الصلاه والسبحه فوقها منوره في سنين عجاف ولسه بسمع ضحكته وسط السكات انا عايشه يا بني بحاجة ابوك متونسه*** وانا عارفه يابني إن اخدتني لبيت جديد راح اتنسي؟!! فإن كنت محتاج الوسع لاجل العيال؟هات العيال انا عندي يابني سرير كبير هارقد علي حرف السرير وهاسيب لهم باقي السرير،،،، وان كنت محتاج السرير خد السرير إن شاله انام علي الحصير لكن انام وسط الامان!!؟؟ خليني يابني وسطهم قدرني واحده منهم اصحي وابات علي حسهم باقي الزمان ومهوش كتير؟؟؟ صدقني يابني مهوش كتير!! انا مش هاعيش قد اللي عشته ولا نفسي اعيش بعد اللي شفته كمل جميلك وستر الباقي في حياتي انا عمري يا ابني قصاد عينيك فرضت في امي او حماتي؟؟! ان كان ده مني في يوم حصل؟؟ انا كنت هاقول باخذ جزاتي....... ما تقول لي يا ابني ايه خلاني اهون عليك وساحبني و يا الهدمتين رايح تسلمني بيديك فرطت في امك قل لي ليه؟؟؟ انا عمري في يوم فرطت فيك وان كان على ضيق المكان ما انا قلتلك خد السرير!!! وان كان على ضيق المعيشه ابوك سايبلي معاش كبير قسمته يا ابني من زمان النصف ليك والربع مصروف العيال والربع مصروف الدوا لكن خلاص وحياه عينيك ما عاد هيلز مني الدوا خذ المعاش كل المعاش!!؟ لكن بلاش احس اني تربيتي فيك راحت بلاش وتمنها منك انت ليا دارمسنين فيه اعيش يابني بلاش!!!😔😔😔😔😔😔 ،،،،،، ......... 😭😭😭😭😭😭😭😭😭😭
منقوله والله فطرتلي قلبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
