امي مش عيزاني اكمل معاكي.
سمعت الجمله دي وقلبي وقف ومحستش بنفسي الا وانا في المستشفي.
......
الحمدلله حالتها مستقره بس لازم تعمل العمليه في اسرع وقت..
عامله اي دلوقتي قلقتيني عليكي يا فاطمه!؟
شوفتي يا ندا!! عايز يسبني لما عرف ان عندي كانسر عايز يسبني. انا ذنبي اي يجيلي المرض ده واحنا خلاص علي فرحنا شويه ايام! كان لازم التحاليل دي يعني ؟ هو ليه عمل كدا؟ انا محبتش حد قدو وعملت المستحيل عشانو .وكنت باجي علي نفسي واراضيه .
اهدي يا فاطمه الحمد لله ان ربنا وراكي وشو الحقيقي وانو ندل وجبان مقدرش يقف جمبك في مرضك..وانتي مش محتاجاه انتي هتخفي وهتبقي احسن منو..
لا يا ندي انا ضعيفه مش هقدر والله. انا ميهمنيش العمليه ومش هعملها لان عارفه الكانسر مش هيخليني ابقا كويسه حتي اول واحد كنت مستنياه يقف جمبي ويشجعني مشي من حياتي انا مش هعمل عمليات ..
انتي هبله؟ هتوقفي حياتك عشان واحد ندل؟!
لا مش عشانو والله .. حياتي كدا كدا وقفت مش هعرف اخرج ولا انبسط ولا البس زي زمان. مش هعرف افرح وانا عارفه ان حياتي ممكن تنتهي في لحظه..
الاعمار بيد الله عارفه والله بس كل اللي بيجيلهم كانسر بيموتو وانا عايزه استعد عشان اقابل ربنا نظيفه ومش جوايا اي حاجه وحشه لحد .. عايزه بدل متبهدل في كيماوي وادويه وشعري يقع . اروح عمره واصلي واتوب .
عايزه اموت علي سجادتي وفي اوضتي . ومش عايزه حاجه تانيه.
فاطمه ربنا بيقول خدو بالاسباب .. ولازم تخدي بالاسباب وتعملي اللي عليكي عشان تبقي كويسه.
وحتي لو بقيت كويسه مين هيبصلي وانا شعري واقع ومتبهدله كيماوي؟
ربنا هيعوضك بشخص يصونك ويقف جمبك بدل الندل ده.
-يمكن هو خواف شويه ومامتو شحنتو مني .. يمكن سمع كلامها ان ممكن مخلفش ومش هيبقا اب.. يمكن فعلا مش ثد مسؤليه ان يقف جمبي وانو ضعيف ان يشوفني تعبانه انا مش هظلمو ..هو عندو حق مين هيتجوز مريضه كانسر الله اعلم هتعيش كام يوم..
......
قررت مش هعمل العمليه..
بصي يا فاطمه انا عدَ عليا ناس كتير جداا كانو خايفين ومتوترين زيك كدا وقالو نفس الجمله والحمدلله ربنا هداهم وهما معانا هنا اهو بيتعافو وحده وحده.. فعايز اقولك ان كل يوم الطب بيتقدم والكانسر ابتلاء وعايز شخص قوي بايمانو وواثق ان ربنا هيشفيه.
انا مش خايفه انا بس عارفه ان مش هخرج من هنا لاما ميته او لاما خفيت مؤقت والمرض هيرجع تاني .. عندي زمايل كتير بنفس الوضع في اللي منهم عافرو مع المرض تلات سنين وكل سنه ربنا بيشفيهم لكن للاسف بيرجع تاني وفي الاخر اتنين اعرفهم ماتو..
وانا عايزه اموت في اوضتي مش مستشفي..
..يعني اخدتي قرار؟
ايوة
علي العموم انا مش هجبرك وصدقيني هترجعي ..
....
خرجت من المستشفي وانا شايفه وشوش ناس فيها حزن الدنياا وشايله هم كبير جدا عليهم . سامعه ناس بتستغفر وناس بتحمد ربنا وناس بتعيط..
مش عارفه اعيط ولا ازعق .. انا حاسه اني في كابوس ربنا مش راضي عني للدرجادي!! كل الناس بعدت عني وبقيت لوحدي! عشان كانسر!!
واي يعني دا مرض متعتبروه كحه ولا برد. ليه النظره الشفقه اللي بشوفهاا دي وليه يسبني؟ مش بيقول بيحبني ! ليه يسبني انا كان ممكن ابقى اقوي من كده .. كان ممكن اعمل العمليه واخد كيماوي طالما هو جمبي وشايفه ضحكه رضا منو .. كان زماني خارجه معاه دلوقتي اتفسح عشان اجي اتهيئ للعمليه.. مش خارجه مقررة معملش عمليه.!
انا وحشه للدرجادي..؟؟؟ للدرجادي مامتك ماثره عليك!
مشيت وانا مش شايفه قدامي وتقريبا انا شايفه جثتي علي الارض وانا فوق! وناس حوليا بتقول البقاء لله...
