,..
خفي على وجنتي يادمعة اشواقي
ماعاد تقوى حرار الدمع من شده
سبايبك شخص متمكن بالاعماقي
صده تمادى وهجره زاد عن حده.;
قفلت الباب وهي تكتم كل شي داخلها ماتبغى تصيح ماتبغى تضعف خلاص الحين بدت الحرب الحقيقه بينها وبين خالد كل ماتذكر الي صار يوم امس تموت مليون مره
ابوها هان كرامتها قدام زوجها وكأنه متضايق من وجودها عنده او بالاحرى مايبيها ليه طيب خالد تزوج عليها وهي ماقصرت عليه بشي متحمله عصبيته وتقلب مزاجه وكل عيوبه وشكه الي مايتخلى عنه حست بحراره على خدها وبسرعه مسحتها ماعاد بتبكي خلاص وعد ياخالد راح اعالج نفسي منك ميان من النوع الي يكابر ويصمت ويبكي من جوا يخفي دموعه ويكابر تتظاهر بالقوه والصبر دائما تردد في ذهنها انا قويه وراح اتخطئ اي شي يعثرلي . . عنيده وعصبيه وهذا شي يتعبها اكثر ويتعب من حولها لانها مستحيل تتنازل عن قرارتها وان كانت في غير مصلحتها تسويها ماعندها اي تردد من ذالناحيه . تذكر امس الظهر بعد في غرفت ابوها دخلت تبتسم سم يبه طلبتني اجيك ايوه تعالي ابيك جلست مقابله وشابكه اصابع يدينها في بعض ومنزلتهم بحضنها سم . سم الله عدوك دخل بالموضوع ليش تاركه زوجك وجايه عندي ماله ثلاث ايام من الحادث ميان توترت ماتركته يبه اسكتي خليني اكمل ابشر صوته غاضب انا زوجتك له حرمة تخدمين زوجك وتحافظين على بيتك ورجلك ماهو تجيني كل اسبوع متزاعله معاه لو كانك ماتبغينه من زمان قوليها ماهو الحين عندكم ولد ميان تتنفس بقوه طرده ذي ساكته لاتدخلين خوانك بمشاكلك مع رجلك بينك وبينه شي حليه معه الا عجزتي تعالي علميني وعبدالله تدقين عليه ياخذك من بيتك ماهي سلومنا وزوجك انا دقيت عليه وبعد العصر يجي ياخذك ولااسمعك متزاعله عشان زواجه من بنت عمه الشرع حلل اربع وانتي تعارضينه كذاا خلص كلامه طيب ماخلها تتكلم توضح له ايش بينهم عالطول يتصل يقوله تعال خذ زوجتك لالا ذي اكبر اهانه ابشر وقفت اهتمي بزوجك وراعيه واتركي عنك الكلام الفاضي اخر كلمتين قالها تبي شي ثاني نفذي الي قلته تحب راسه ابشر .
طلعت وهي تحبس دموعها على طول لغرفتها تصيح ليه يبه تهيني عنده خلاص كفايه إهانات خالد ذلني بمايكفي ولاحد اخذ حقي منه تزوج ويوم اعارض قال ابوي مالك شغل امسكي بيتك وولدك وقتها بكت لين نامت ولاصحت الا على صوت اختها ريتاج تصحيها هييه بنت قومي ميااان خلاص اصحي ابوي معصب ييمه فزت جالسه معصب ليه كم السااعه تضحك يخرب بيت شيطانك لذي الدرجه ابوي يخوف قومي صلي وانزلي لهم ابوي وخالد بالمجلس ويبغاك شكلك مسويه مصيبه بذي الحظه دخل عبدالله طل براسه ميان صاحيه تعدلت بجلستها ايوه عبود ادخل دخل وهو يقول ريتاج انزلي سوي قهوه وشاي وجاي اخذهم .، ضحكت طرده محترمه زين فهمتي سكري الباب وراك ميان مرتبكه وخايفه ايش فيه عبدالله انتي قولي لي ايش فيه خالد هنا وابوي يقول ترجعين معاه علميني وش صار بينكم خليني اطلع الي بقلبي له ميان تبتسم وتخفي الف وجع ورا هالابتسامه لابالله بتسطر زوجي عيني عينك قولي بسرعه ميان شافته ماراح تمشي عليه لايحبيبي تطمن تراضينا وانسى السالفه البارح كنت زعلانه منه وراضاني وخلاص عبدالله لماح ويفهم الواحد من نظرته كررها ميان اقولها للمره المليون اذا ماتبغين ترجعين والله ماتمشين معه لاتكابرين واحنا موجودين بناخذ حقك وابوي ماراح يسمح له يتجراء عليك وانا موجود وتركي ووليد كلنا معاك لاتخافين قولي لي ايش المشكله الي تطورت بينكم تتنهد الله يحفظكم لي ولايحرمني منكم ي عبدالله لكن انا وخالد تصالحنا اليوم الصباح والزعل عشان بنت عمه وبصراحه انا غلطت عليه وهو زعل مني ورد علي وانا كلمتك تاخذني
وجيت هنا وكلمني وتراضينا واذا فيه شي انت اول واحد بتعرف عبدالله ماصدقها بس ماحب يضغط عليها اذا كذا تبين ترجعين معه الله يسعدك لكن تأكدي احنا وراك ولك سند وعون اي وقت يضايقك وتشوفين نفسك مالك طاقه كلميني انا حاضر حبيبي والله جعلكم تسلموون لي ياعزوتي ابتسم امين يلا بنزل عندي شغل وانتي اجهزي وتعالي خالد مع ابوي ابشر كلام اخوانها وخوفهم عليها وكل واحد فيهم انا سندك وانا لك اخ واب ينسيها كل كلام ابوها القاسي بنظرها
