شبيـــت فيها ونيتـــي جابتها..
محبوبتي ربي أكرمنـــي بيها..
اللي عينها لوكـــااانهي رمشتها..
يخبل هدبها ونا انوهـــس فيها..
كيف الغـــزاله وصفها ونقشتها..
وكيف الطواسي واسعه امياميها..
وكيف الفـــرس امعنقره مشيتها..
وكيف القمـــر امنـــوره خديهاا..
وكيف الورود الفايحـــه رقتها..
وكيف الروق الله لي يحميها..
وكيف النسوم اخفيفه طلتها..
وكيف البحر انروق وين انجيها..
وكيف اللواص اوريدتي بنتها..
وكيف الفراشه ناعمات ايديها..
وكيف الأصيله بااهيه رفقتها..
وكيف الدفي محبوبتي لاقيها..
وكيف الزها ماتختفي بسمتها..
وكيف القطا قلبي نزل عليها..
وكيف النجا عيني لها حستها..
حلفت معاد اتحق في خاطيها..
صبايا الدنياا مايجن خصلتها..
كل السماحه ربناا عاااطيها..
مرادي بصراحه نادره زمرتها..
وهي دون خلقه ربناا امحليها..
ملهوف غير امتى تجي حضرتها..
وتبقى حلالي ودنيتي تضويها..
ياارب قرب زفتي وزفتها..
اللي خاطري شاايل محبه ليها..
تردع الكون ودنيتي وتدنيتها..
محبوبتي ياارب لي خليها.
