دخلو لماكدو جلسو مجمعين خدا ليها وليه وجلسو فلاتيراس كياكلو، حمزة جبد الكارو يكمي وهي كاتشوف فيه ...
غيثة: عطيني نجرب ، باش كتحس ، ؟
حمزة: شتي البسالة؟ هانتي غاتخسري ، علاش باغا تجربي؟
غيثة: ههه كاع لبنات اللي كلاص كانشوفهوم كيكميو!
حمزة: ماشي الشدة دالكارو اللي كاتخلي البنت كلاص ابهلولة، هضرتها وتصرفاتها ونضراتها والطريقة باش كتحرك وكتهضر هي اللي ماتخليها كلاص، سمعي مني انا اللي ولد ونقوليك كي كيفكرو الدراري
غيثة: واغير غطيني ندير جاروبي ههه...ادا ماعطيتينيشي عنمشي نجربو بوحدي
حمزة: كاطيييري يا غيثة والله ، غادعدعي داك السدر وغيخسر ليك الصوت و الفم غايزراق ليك وتولي جرتيلة مافيك مايتلبق
غيثة: وا خليييني .. (جبدات كارو من الباكية) شحال من وحدة كتكمي وكتحمق بالزين ، الى ماكميتش معاك غانكميه فبلاصة اخرى
حمزة: افف.يالاه الاللة جربي ، ياك غير غتجربي ...يالاه جربي قدامي نشوف
شدات غيثة حطات الكارو فمها وشعلاتو وجرات وهي تخنق وبدات كتكحب
حمزة: كيجاك دابا؟ عجبك😠؟
غيثة: كح كحكح...😖 واخا .. (كتلهت) هايداك...عن..عن.عنتعلملو 😝 كح كح
حمزة: (حيدو ليها) ساك جربتي ...واجمعي كرك دابا ، معايا انا ماتعلميهش 😡
غيثة : كيتك ... (رجعات كملات ماكلتها )
جلسو مرة يتناكرو مرة يضحكو تا دازت العشية ووصلات الستة وردها لدارهم ، كالعادة لبسات العاباية والشال فالطوموبيل و مشات لدارهم مكحلة بالعمى ماحاملاش دخل ، يالاه دخلات لقات باها مجبد فوق السداري كيتفرج فالتلفازة ، ومها فالصالون، مشات للبيت نيشان سدات عليها وجبدات تيلي كتشوف واش سيفط ليها شي حاجة ومالقات والو، تعصبات عاوتاني غير بوحدها وهي تكتب ليه..
💬 انا اخويا غير غلطت ، راه قلت ليك سمح ليا وداك المسج وصلك بالغلط ، المهم شكرا بزااف على المساعدة ديالك (سيفطاتو)
سيفطات المسج وجلسات كتسنى يرد عليها ويقات هاكا حاضياه تاعيات ومدخلش شافو ، وهي نايضة فيها العافية كتفيبري فبلاصتها كتسناه يدخل يشوف المسج ساعا والو ، ناضت بدلات الساعة باخرى ونزلات للصالون تشوف مها وتلف الوقت تما ، دخلات جلسات كتبعكك وعاجبها راسها وكانو تما شي بنات السواعدة كيصاوبو شعرهم ومطرفات كي البقر وجالسين كيتجمعو وغيثة جالسة طالقة ودنيها و كتبرد ضفارها ومها مشغولة مع الناس
...: شنو غتلبسي نتي ؟
...: انا غنلبس ديك لاغوب اللي خيطت عند ديك الخياطة ، جبدتها ليها من المجلة وخيطات ليا ختها
...: وريني نشووف!
جبدات البنت الكسوة وراتها ليها وغير شافتها غيثة طرطقو عينيها وبقات حاضياهم
...: زوييينة، بشحال خيطاتها ليك؟
...: ب 200 درهم ...خطيييرة اي موضيل ورستيه ليها تخيطو ليك خاصك غير تجيبي ليها التوب كيشبه للتوب ديال الموضيل اللي بغستس وتخرج ليك خوه
...: شي نهار نجرب نخيط عندها ، صرعاتها ليك ...فين كاينة هادي؟
...: حتى تبغي ونديك عندها
ناضت غيثة كتجبد عليهم وتحلون
غيثة: عطيني يالحبيبة النمرة ديالها ، بغيت نخيط واحد البودي شفتو عجبني ومالقيتوش كيتباع
...: اهاه هاكي ، غير ملتشطريش معاها باش طلع ليك داكشي زوين ، واخا كتعطل ما كتخيطهاش دغيا ولاكن كطلع داكشي زوين
غيثة: شحال كاتعطل؟
...: 15 يوم 20 يوم ...خاصك مرة مؤة تمشي تشوفيها واش سالات
غيثة: 😨 (اوعدي والحفلة بقات ليها غير 3 ايام!) واخا شكرا.
خدات غيثة النمرة ومشات جلسات كتخمم وهس ضرب طليلة على الفايس تشوف واش جاوبها ساعة كانت الصدمة قوية
غيثة: 😨😨😨بلوكاني!!!!...وعلاش بلوكاني 😨 كن غير جاوبني بعدا نعرف ...انا غير عتادرت وصافي وهوا شافها وبلوكاني 😟
...يتبع
