رواية كل شي نصيب
الكاتبة هوبي الشريف 😍
قصة من الواقع وممزوجه بالخيال
المقدمة
طبعآ هنعرفكم بالشخصيات:
الاب عمر والام اماني وعيالهم إيهاب 94 وبيسان 97 ومهاب 2000
طبععآ آيهاب كان يقرا في كلية الهندسة السيمستر الاول وكان شاطر ويحب قرايته وكان يحب يضحك ويبصر مع خوته ويحبهم واجد بس لما يعصب خلاص معش يعرف حد 😂
اما بالنسبة لبيسان كانت ثانيه ثانوي تخصصها علمي خاطرها تخش طب وتكون دكتورة اطفال وكانت من الاوائل في المدرسة طيبه واجد وهي حلوه من برا ومن جوا تحب تتعرف ع الناس بس مش اي حد يخش راسها ديمه تحب تضحك حتى ولو متضايقه حساسه ومن ابسط شي تزعل وتبكي ماعندهش حظ في الصحبة بس ربي رازقها بصديقة تختلف عن صديقاتها الاخرات واسمها ندى م97 وباقي صحباتها اسماء ورانيا واسيل ❤
ونجو لمهاب ثانيه اعدادي كان واخذها ديمه لعب وخلاص لا مبالاة عنده 😂ديمه هله يدووله ع قرايته وهو بمية واسطة بيش يقرا كان هو الدلوع عاد والكل يدلعه ويحبه 😍
بالنسبة لعمر اللي هو باته كان انسان طيب ويحب عياله وزوجته كان يشتغل مهندس معماري وامهم اماني تشتغل مدرسة E وهي طيبة وحنونه❤
الحلقة الأولى ❤
بيسان؛ صباح الخير 😍
عمر واماني ؛ صباح النور
اماني: حبيبتي عدي نوضي خوتك مهاب اول يوم مدرسة وتبيله ماينوض وإيهاب بيش يوصلكم لان باتك عنده شغل وبيطلع توا
هنحكيلكم ع اساس انا بيسان بيش تلخبطوش 😂
المهم نردو لقصتنا ❤
انا: حاضر ي ماما
وعديت ل إيهاب ننوض فيه إيهاب هيا نوووض بسرعه هيا معقوله هكي من بدري ننوض فيك تببش تنوض ومسكين وعا يحساب في شي ناض مفجوع 😥
إيهاب: كنك شن في احكي 💔
انا؛: لا مافي شي غير نبيك تنوض بسرعه بيش توصلنا للمدرسة بابا عنده شغل 😂😂
وناض يجري ورايا انا عديت لبابا وماما كانو يفطرو 😀
ماما؛ كنكم ان شاءالله عقل 😂
بابا: كنكم شن في من الصبح تتناقرو هكي 😥
انا: مادرت شي نوضته بس✋
إيهاب: تفجع فيا تقول نووض بسرعه نحساب الا في شي فجعتني ع الصبح 💔
ماما: مش غابي في حركاتها انت هيا سلم وليدي اغسل وجهك وصلي وتعال افطر بيش توصل خوتك باتك عنده شغل
إيهاب حاضر يا أمي ❤
ماما: عدي البسي وتعالي افطري نعدي ننوض مهاب
انا حاضر مامتي 😍
ماما: مهاب هيا نوض وقت ع المدرسة هيا
مهاب: ياامي اي مدرسة اول يوم ماناخذو في شي خليني نرقد
ماما: اي ترقد هيا وقت راه نكلملك باتك
مهاب خلاص ي امي نضت عليك قصة ع الصبح
ولبسنا وفطرنا وبابا عدا لشغله وانا وايهاب ومهاب طلعنا ركبنا في السيارة وصلنا مهاب المدرسة وبعدها انا
إيهاب: قبل ماتنزلي
انا ؛ نعم
إيهاب: كنك مكشره فجعتيني وتكشري اخرى 😂
انا: لا شي 😥
إيهاب: خربلي وشاحي غير فكينا من الجو ي هبله واضحكي 😂
انا : ياصامط ليش هكي وسقمت وشاحي ونضحك وقتلا به دير بالك وانت تسوق وماتجريش ❤
إيهاب : حاضر وانتي ديري بالك باي 😍
#الكاتبة بيبو ❤
وخشيت للمدرسة واول ماشفت ندى صاحبتي 😍
ندى: غلاتي صباح الخير رايفتلك وجتني تجري اضبطتني ❤
انا: ندوش حياتي وانا اكثر مرايفتلك 😍
وقعدنا نهدرزو مع بعضنا وبعدها رنت الحصة الاولى وخشينا للفصول
گ العادة اول يوم مدرسة مافيش حصص 😂
وجت اسيل ورانيا وقعدنا نهدرزو مع بعض لعند الحصة الاخيرة ماجش ولا استاذ او اي ابله ❤
وطلعنا كل وحده ترجا في هلها وجا خذاني بابا وخذا مهاب وروحنا 😍
خشينا للحوش
ماما: شن جو المدرسة اليوم؟
انا: الله يا ماما شفت صحباتي وماخذيناش ولا حصة 😍😍
مهاب: كان خليتني راقد خيرلي ماخذينا شي 😡
ماما: بكره توا تاخذو وحتى انا بكره بنمشي للمدرسة نشوف الجدول اكيد خلاص بيبدو هيا عدو غيرو وصلو بيش نحط الغذاء
انا ومهاب؛ حاضر
وعديت غيرت وصليت وعديت لماما في المطبخ ❤
طبعآ نحكيلكم علي عيلت بابا شويه جدو وجديدتي متوفيين وبابا كان وحيد هله ❤
بالنسبه لهل ماما عندها اختين واخ
اخت اسمها جميلة وعندها بنتين نسرين ودارين نسرين م94 متزوجه له شهر ❤
ودارين 97 وهي مقربة مني واجد 💛
اما خالتو سهيلة عندها عيل واحد واسمه محمد م 89متزوج وعنده عيل ومحمد متبنيين من الملجأ لان خويله ربي مارزقهش بعيال 💔
وبالنسبة لخالو سعد عنده 4 عيال بنتين هديل م90 مخطوبه وفرحها قريب وكنت نحبها واجد واختها سلسبيل 98 وهي قريبه مني ❤
وعياله الاثنين محمد 93 يقرا طب السيمستر الثالث ومحمود94يقرا اقتصاد السيمستر الاول ❤
المهم نردو لقصتنا 👇👇
انا: ماما شن دايره الغذاء؟
ماما لما نحط توا تشوفيه 😂😂
انا : غير هي قولي ان شاءالله غير حاجه نحبها ❤
ماما : خوك من اول طلع الصبح ماجاش ونرن عليه خارج التغطيه ومقفل 😀
انا : صح واصلا غريبه طول ماجش لعند توا 💔
ويرن فون ماما
ماما تراه شوفي بالك خوك
انا : رقم يرن
ماما ردي باهي انا ندير في الصلاطه
انا : رديت فتحت الخط وسكتت
المتصل: الو ام إيهاب معايا؟ اصلآ إيهاب توا ........
انا : 😱
شن رايكم في الحلقة؟ قولو رايكم نكملها ولا؟
ونبي تتفاعلو بيش ننزلكم الثانية ❤
#الكاتبه هوبي الشريف 💜
