رواية كل شي نصيب 😍
الحلقة العاشرة ❤
قصة واقعية ممزوجه بالخيال 💙
#الكاتبه هوبي الشريف💜
.
.
.
.
.
.
.
ورن فون محمود وطلع بره ورد:
محمود: الو
المتصل: محمود خو محمد؟
محمود: تفضل خويا شن في؟
المتصل: انا معاذ صاحب محمد وصار اشتباكات قويه وناس واجد استشهدو وجرحى وتعال ضرووري للمستشفى
محمود: هيا جايك وطلع 💔
.
.
.
.
.
في حوشنا:
ماما حطت الغذاء وقالت ل إيهاب يناديلي
انا كنت في داري نبحت في صور حمادي وكنت متضايقه بكل 💔
ايهاب: دق الباب نخش
انا: خش
ايهاب: كنك قاعده بروحك وجوك مش تمام؟
انا: لا عادي مافي شي
ايهاب: مع اني مش مصدق بس براحتك وهيا تعالي تغدي
انا: عنديش نيه
ايهاب: عشان خاطري هيا
انا: به حاضر
وايهاب عرف اني متضايقه علي خطيبي ومابش يضغط عليا 💔
ونحنا نتغدو رن فون ايهاب لقاه محمود رد عليه وصبا طلع ب،را
المهم حكاله محمود وايهاب طلع عداله
ماما: شوفي خوك طول؟
انا: حاضر وطلعت مالقيتش خشيت
وقلت لماما مش قاعد
ماما: غريبه زعما شن يبيه محمود:
انا: والله ان شاءالله خير
ماما: ان شاءالله
وغسلت الاماعين وكملت ضم المطبخ وخشيت لداري وكل تفكيري في محمد زعما فيه شي؟ زعما وين توا؟ مية سؤال ومية فكرة في راسي😭
.
.
.
.
.
عند محمود في المستشفى:
محمود شاف كل الشهداء والجرحى بس محمد مش بينهم واللي يساله يقول مش عارف 💔
قمعز وحط يديه ع راسه وهوا مش عارف كيف يتصرف شن يقول لهله امه اللي تراجي فيه وخواته وخطيبته وكأن الهموم كلها ع راسه 💔
وخش ايهاب وشاف محمود وجاه:
ايهاب: حوده شن في كنك؟
محمود: شن نقولك الدنيا ضايقه بيا خويا اللي كان مش خويا بس كان رفيقي وكل شي عندي نضحك ونبصر معاه ونتعاركو ونردو نضحكو ولا كأن صاير شي محمد مفقود ومانعرفش عليه شي صار اشتباك قوي وشباب واجد استشهدو وجرحى وهو مش بينهم والامر قال في شباب مالقوهمش مش عارف ممكن يكونو اسرى او مش معروف وينهم 💔
ايهاب: لا حول ولا قوة الا بالله ودمعو عيونه وتضاق وانصدم 😭
محمود: احسن شي جيب هلك في حوشنا ضروري نقولولهم 💔
ايهاب: تم وطلع وهوا مخنوق
محمود جا بيطلع ونادله واحد التفت
عماد صاحب محمد واجد:
عماد: محمود كيف حالك؟
محمود: ماشي الحال حمدلله ع سلامتك ماتعرفش شي علي محمد مانعرفوش اي شي عليه
عماد: الله يسلمك والله ماني عارف صار الاشتباك وناس تموت ومعش فهمنا شي وبالنسبة لمحمد امس حكيت معاه وعطاني امانة قالي عطيها لمحمود لو صارلي شي يعطيها لخطيبتي 💔
امحمود: شن عطاك؟
عماد: طلع خاتم من جيبه وهو كان دبلة محمد وقالي خايف عليها تريح مني وحد ياخذها وقالي هذي الدبله اللي اخترتها خطيبتي مستحيل نخاظليها تريح ويلبسها غيري 💔
محمود: عيونه معبيات دموع وخذا الخاتم وعدا وماقال ولا كلمة 😭
.
.
.
.
.
في حوشنا:
رن ايهاب وقال وتو روحكم نشيلكم حوش خالو وجا ايهاب وطلعنا وركبنا في السيارة
ماما: ايهاب كنك ياوليدي شن فيك وليش واخذنا لخالك؟
ايهاب: ياامي مافي شي خليني الله يربحك
انا: ارجوك ياهوبا قولي محمد في شي؟
ايهاب: بحت فيا وعيونه مليانه حزن وقالي مافي شي
وكملناها ساكتين لعند وصلنا ونزلنا سلمنا
وخش ايهاب وجا محمود وقمعزنا كلنا
محمود: بنحكي معاكم موضوع ونبي تسمعوني للاخير وافهموني
خويله سمية: شن في شغلتني ياوليدي:؟
ماما: شن في ياحوده
انا ساكته واصلا مش قادره نحكي لان قلبي حاس في شي 💔
سلسبيل: شن في احكولنا؟
محمود: صار اشتباك قوي وفي شباب استشهدو وجرحى وفي بينهم مفقودين ومن بينهم محمد 💔
وبدا البكا الكل يبكي ومنهار
محمود طلع ولحقه ايهاب
خويله سميه تبكي ومنهاره: ياناعليا وليدي مانندري ع حالك يارب صبرني يارب رده ليا طيب ومايقعد صايرله شي
ماما: تبكي اهدي وادعيلي ان شاءالله يردلنا بالسلامة
وصبيت انا لدار بيلو وانهرت بكاء
سلسبيل جتني وتبكي 😭
انا: قلبي كان حاس ان في شي ومسحت دموعي وقلتلها ماتبكيش حمادي عايش هوا وعدني مش هيتخلا عليا حمادي مايحبش يشوف دموعي وانا مش حنبكي انا وعدته ندعيله ومانبكيش وانتي ماتبكيش حمادي عايش وهيردلنا صدقيني 💔
بيلو تبحت فيا ومصدومه من كلامي 💔
انا عديت صليت ركعتين وانا نصلي دموعي نزلن وانا ندعيله دعيت ان يردلنا بخير ❤
وطلعت لماما وخويله وبيلو ولقيت هديل لقيتهم يبكو 💔
انا: ليش تفاولو عليه حرام عليكم تذكرو شن قال قبل مايعدي قال ادعولي بدال ماتبكو عليا 😭
خويله سمية: صبتلي وحضنتني ياحبيبتي انتي والله ندعيله وانتي ادعي وهيردلنا باذن الله 🙏
.
.
اسفه النكد واجد في حلقة اليوم المهم تابعو 💜الكاتبه Bebo Elshreif 💜
،
نردو لقصتنا ❤
ايهاب عدا يدور في كل المستشفيات العامة والخاصة
وخش محمود قال نبيك شويه وطلعنا في الجنان:
محمود: تعرفي مخنوق حمادي راح منا 💔
انا: حتى انت ياحوده زيهم ونفس دوتهم حوده حمادي بإذن الله عايش انت ادعيله وخليك قويه عشان امك وخواتك
محمود: حاضر انا بنعطيك امانة عطاها ليا صاحبه عماد
انا: شنو هيا؟
محمود: عطاني هالخاتم وقال امس عطاه له وقاله هيا اختارته ليا وانا خايف يريح مني ولو صارلي شي عطيه لمحمود ويعطيها لها 💔
انا: منصدمه واكثر كلمة وجعتني لما قال لو صارلي شي حسيت بزي الموس انغرس في قلبي وحاولت نمسك دموعي 💔
وجت خويله جميلة وبناتها وبتنا عند عيت خالو كلنا
.
.
.
تسريع الأحداث:
مروو 3شهور ونفس الروتين ومافيش ولا خبر علي محمد وكل يوم هله يفقدو الامل برجعته
انا كل يوم وفي كل صلاة وكل سجدة ندعيلا وكنت متضايقه ومخنوقه حسيت مش 3شهور مرو كانهن 3سنوات تذكرت كلامه ليا اخر مره ولما تصورنا نحاول نكون قوية قدامهم وهذي كانت اسوء واصعب فترة تمر عليا 💔
.
في يوم كنت نقرا في محادثتنا وفي صور محمد وماما قاعده في المطبخ ورن جرس الباب حد مابش يحول يده من على الجرس
ماما: بيسو افتحي هذا ايهاب موصيته على حاجات
انا: ولدك يحط يده ع الجرس معش يحولها وفتحت........
#يتبع
عارفه حلقة اليوم حزينه بس ضروري تكون هكي هيا رواية وقصة حقيقية وضروري في لحظات فرح وفي حزن وكيف ماتعبت في حلقة اليوم وانتو فرحوني بتفاعلكم ❤😘
#تحياتي
#الكاتبه هوبي الشريف💜
