#بنت الشيوخ
البارت 18
فرح:اخذت فستان اسود ردانه كيبور لحد عكس لأيد ويبين الخصر ومدنفش من جوه قصير وَيَا الركبه
يوووووم الخطبه
فرح:سرت شعري وَيَا طول الفستان 😻احنا بالصالون
نورس:لج تجنين
فرح:انتي لعد تكطعين والله نياله لسجاد
نورس:خجلت 😂
فرح:رجعنه للبيت متروس ولد جهزنه بره ومسوين كوشه بالبيت وكله جاهز نزلت العرس عقدو وشتغلت الهلاهل والأغاني وإني بس اركص وكومتها 😂😂خطبوني 4مرات
نورس:كافي لج
فرح:اركصي يمعوده
نورس:لج الكعب
فرح😂😂😂بقيت اركص اني ونبأ بعدها دخل العريس لبسها النيشان وَيَا ولد عمي وسلطان وجدي وإني واكفه عادي
سلطان:انصدمت من عرفت نورس دا تكمل واجه الولد حباب وخلوق قبل جدي وصارت الخطبه فتنه وهاي فرح واكفه حتى حجاب مخاله ع رأسها فورت دمي نوب طالعه تجنن وشعرها وَيَا طول فستانها وتخبلً ثلج متشبه الزركه العندي
فرح:بقيت واكفه معليه بحد
سلطان:اخزر بيها ولا يمها موتتني
فرح:مغلسه كملت الحفله متنه تعب نضفنا ورتبنه ونمنا ثاني يوم الصبح ع الريوك
الحجيه :اكوًوول ابو احمد
الشيخ سلطان:كولي حجيه
الحجيه :البارحه اكو اربع نسوان خطبن فرح
سلطان:جنت دا اتريك سمعت حجيهم غصيت
فرح:اَي جدو 😊😊
الشيخ سلطان:منو
الحجيه:ام خالد خطبتها الخالد وأم جاسم خطبتها لابنها و ام احمد جوارينه هم لابنها احمد وواهم حمزه
الشيخ سلطان:ها بيها الخير وانتي جدو شكلتي
فرح:جدو والله اني اريد ببغداد
سمر:شعجب ممزوجه ليهسه مع إنّو انتي حلوه
فرح؛تسلمين حياتي عيونج لأحلى بس ملكيت واحد بي خير
سمر:ها انشالله تلكين
فرح؛انشالله الحمدلله دايمه كمت غسلت وصعدت لغرفتي
سلطان:اسمع حجيهم وإني 😡😡😡😡
فرح:نورس
نورس:نعمد
فرح:كافي ترا صالي هواي وخطوبتج وخلصت خلاص راح ارجع
نورس:سلطان حيطلع من البيت
فرح:ليش وين حيروح
نورس:بيت وحده ابويه كله ع مود انتي تبقين
فرح:بعد احسن
سلطان؛اخذت سمر ورحنه للبيت لعشارع معجبني لان كلتله شارع عام وخطر يعني اذا طلع اسد ملحك عليه دا نعبر اني وسمر ورايه سمعت صوت ........😳
سلطان:سمعت صوت لطخه مال سياره نداريت 😳😳😳شفت سمر غركانه بدمها مدري شسوي عالم لتمت شلتها وديتها للسياره وأخذتها للمستشفى
فرح:سمر عافت اسد يم نورس كعدنه انلعبه ونركض ونضحك وندغدغه حبيته لهذا الطفل هوه المفروض اكرها لان أبن سلطان وسمر بس هوه طفل ماله ذنب يجنن يالله 😻
سلطان:خابرت ابويه وكتله ع الصار الولد لدعمها نهزم وهيه هسه وضعها خطر وحتفوت للعمليات
فرح:جنه كاعدين اجه عمي محمد
محمد:بنات ديرو بالكم ع اسد احنا رايحين
فرح:ليش شصاير حسّيت اكو شي
محمد :صار حادث
فرح:بدون شعور سلطان بي شي
محمد:لا زوجته اندعمت وحالتها مو زينه
فرح:😳😳😳
نورس :😳😳
محمد:بلا صفتات ديرو بالكم ع الطفل
فرح:اوكي اني صدك نقهرت ع اسد خطيه امه وضعها خطر خاف يتيتم وبعده طفل 😢😢😢اني مجربه هذا الإحساس خطيه بعده صغير
سلطان:اجه ابويه وجدي ولد عمي هوسه طلع الدكتور
الدكتور :انتو اهل المريضه
سلطان:دكتور بشر اني زوجها
الدكتور :والله حالتها خطره احنا سوينا لعلينه بس الضربه برأسها كلش قويه وإنشالله دكوم منها
سلطان:حيلي راح صح جان بينه مشاكل بس تبقى زوجتي وأم ابني 😢
الدكتور :عدكم أطفال
سلطان:اَي ولد
الدكتور :الله يحفضها الك وآله
سلطان؛مشكور دكتور ما قصرت رحت شفتها بالعنايه المركزه البست لَبْس خاص
فرح:خطيه الطفل بس يبجي حاولت أسكته بقيت أفر بي الى ان نام بحضني صعدته بغرفتي نيمته بصفي نام الحمدلله وإني هم نمت لان دخت
سلطان:دخلت غيبوبه استمر هذا الوضع لاربعه ايّام باليوم الخامس كعدت
فرح:اسد تعود عليه نوب نحس ميقبل يروح ع احد سلطان أصلا ميجي للبيت والبيت مكلوب
سلطان :باليوم الخامس كعدت بس متكدر تحجي هواي
سمر :سلطان اريد اشوف اسد
سلطان:تدللين هسه اخبرهم يجيبو
فرح:اجه جدي
الجد سلطان:فرح بدلي لأسد امه تريده
فرح:ماشي جدو بدلتله دا انطي الجدر ميقبل يروح مات من البجي
الجد سلطان:اكو بنتي انتي هم بدلي وتعالي
فرح:ماشي أخذته ويايه بدلت لبست عبايه وشال ونزلت رحنه للمستشفى
سلطان:كاعدين بالمستشفى نصدمت بجيه فرح اسد كايدها
فرح:هلاو سلطان
سلطان:هلاو بيج هلا باسودي وشلته ضليت أبوس بي
فرح:دخلنه حمدلله ع السلام ام اسد ماشوفين شر 😊
سمر :الله يسلمج بهمس نطيني اسد
فرح:بوست اسد وأخذه سلطان شدي حيلج حتى ترجعين سلطان واسد ينتضروج
سمر:اشرت الفرح تجي
فرح:رحتلها رادت تشاورني دنكت اكثر
سمر :بهمس فرح اسد امانه بركبتج احسبج عليها يوم القيامه انتي تربي وديرين بالج عليه وع سلطان
فرح:😳😳اني نصدمت وخفت بنفس الوكت عدلت وكفتي انشالله ترجعين
سمر :😶
الجد سلطان:يله ام اسد معندج غير العافيه يله فرح جيبي اسد وتعالي لازم ام اسد ترتاح
فرح:ماشي اخذت اسد من سلطان ورجعنه للبيت بالي يم سمر مريد اسد يتيتم مثلي ومثل سلطان ووصيتها 😢نيمت اسد وكعدت ابجي 😭💔
سلطان؛مدري سمر شنو كالت لفرح طلعو وبدت سمر بصعوبة تتنفس صحت الدكاتره اجوي ضلو هواي بالغرفه
الدكتور:أستاذ سلطان
سلطان:خير دكتور شبيها زوجتي
الدكتور؛العمر الك مكدرنه نسوي شي
سلطان:تاذيت لان اسد حيعيش نفس معاناتي من اني جنت طفل 😢خابرتهم وكتلهم ع وفاتها الله يرحمها
فرح:جنه نايمين اني واسد الفجر سمعت أصوات اسد كعد يبجي سكته ونزلت اني وَيَا اباوع هوسه البيت خير شكو
نورس:ام اسد توفت
فرح،اني جنت متوقعه لان وصتني الله يرحمها صارحتني بيبي
الحجيه ;فرح اسد امانه عندج منا ألما تخلص الفاتحه آخذي بغرفتج ولا تطلعون منها ما أريده يشوف هيج شي بعده صغير
فرح:ماشي بيبي صعدت فوك العب اني واسد وهوه كعد يبجي
اسد:اريد ماما
فرح:كعدت ابجي وَيَا
سلطان:اجوي وصارت مراسيم الدفنه والفاتحه وإني معرف اَي شي عن أسد خلصت الفاتحه
فرح:خلصت الفاتحه اني وأسد بغرفتي اشغله بيبي بتلفوني يكعد يباوع ويسكت
نورس:فرح امشي جوه للحديقه نشم هوه
فرح:جيت طبعا لبست تراكسود نيلي احتراما نزلت اني وشايله اسد رحنه للحديقه لكيت جدي وسلطان كاعدين سلام عليكم
سلطان : وعليكم السلام هلا بأسود حبيب بابا
فرح :اسد متعلك بيه ميقبل يروح يم سلطان
سلطان:تعال حبيبي ابن الكلب فشلني كدامها
فرح:هم ميقبل حبيبي اسود روح يم بابا مشتاقتلك نزلته يله امشي وديته
سلطان:هلا والله كعدت أبوس بي والعبه انطيته نستله يريد ينزل من حضني نزلته راح يم فرح
فرح:هلا بالحلو
اسد:فتحيها
فرح:تفضل كعد بصفي ويأكل شكد هادء
الجد سلطان:تعال يمي اسود حبيبي
فرح:اسد يختل ورايه مدري ليش يستغرب اسودي روح يم جدو يحبك
اسد:ما
فرح:ميقبل
الجد سلطان:فرح شنو اسد حيبقه يمج
فرح:اذا ماكو مانع اني إربي
الجد سلطان:ما اكله منج ومن حنيتج بس القرار بيد ابو
فرح:سلطان أكدر ابقي اسد يمي وإني إربي
سلطان:لا
فرح:لعد منو يدير باله ع طفل
سلطان:عادي بعد فتره أزوج اريد أحرك دمها
فرح.😁روح أزوج الله ومحمد وعلي وياك بس اسد اني اخذه وإني إربي
سلطان:وليش مصره
فرح:لان
سلطان؛لان شنو
فرح:امه وصتني اني إربي
سلطان:امه
فرح:اَي
سلطان اوكي ماشي لعد يبقى يمج
فرح:سلطان من تبلش نورس بالسنه الجديده نرجع لبغداد ويبقه أسد ويايه وانت اذا تحب تعال زورنه
سلطان:ماشي
فرح،واذا تريد تزوج عادي لاتشيل هم اتزوج اسد يمي
سلطان😒😒😒😒
فرح :يله اسد امشي نغسل غسلتله أيده ورجعنه كعدنا يم بيبي
الحجيه :فرح ليش ما تَزز............
#سيدمحمد
