البنات مش لعبة(قيد الكتابة)

التعريف بالشخصيات

بيت ابو محمد...
أبو محمد(حسين):رجال طيب وواعي مثقف وحنون على اولاده ويحب بنات اخوه الوحيد كثييير ويقول دولا بناتي مش بس بنات اخي ،عمره48سنة.

ام محمد(لولة):انسانه طيبة ومتفهمة لابعد الحدود وتحاول تسعد زوجه وعياله بكل ما عنده،عمره45سنة.

محمد:الابن البكر،طيب ورزين وخلوق حاله حال نفسه ويحب اهله بشكل مش طبيعي واكبر همه انه محد يشوه سمعة اهله ولا يمسهم بضرر،عمره 24سنة.

احمد:الابن الوسطاني،طيب ومرح ويحب الهبالة والسفاط بالذات مع لمى اختهم الصغيرة الي على قولته اخر العنقود سكر معقود، يحب لمى بشكل مش طبيعي ولو تطلب منه عيونه بيعطيها ياتهم،ويحب رغد بنت عمه بس محد يدري بده الشي حتى لمى اخته الي يسميها بنك اسراري ماتدريش بشي ،عمره20سنة.

لمى:بنت بسيطة وجمالها عادي ،تحب بنات عمه كثييير وتعتبرهم خواته لامه معنديش خوات، عمره16 سنة.

بيت ابو شهد..
ابو شهد(حسن):رجال طيب كثيير وبناته عنده اهم شي بالدنيا ((ابوشهد عنده مرض بالقلب بس محد يدري فيبه الا هو يعني ماقالش لحد عن مرضه حتى بناته ميدروش ولو شافنه وهو يشرب الدوا يقلهم حق الضغط وهم مساكين يا غافلين لكم الله)) ،وهو خبى مرضه عشان ما يشتيش بناته يهموه ويقلقوا عله، عمره 48سنة وهو توأم ابو محمد.

ام شهد:متوفيه من لما كان عمر رغد سنة.

شهد:البنت البكر،بنت ععسسل وحبوبة كثير ،بنفس الوقت عاقلة وعقله رزين وابوها يقوله عندك عقل يوزن بلد، عمره 20 سنة ،فارق العمر بينه وبين احمد انه شهد اكبر من احمد بشهرين فقط لا غير.

رغد:بنت مررحة لأببببعد حد دمه خفييييف (زي المرق) على قولة لمى ، الجلسة معه ماتنملش ، وتعشق شي اسمه مقالب ، حياته كللها عبارة عن ضحك×ضحك، بإختصار سكر البيت  لو رغد مش موجودة البيت هادىء وممل ، على عكس وجوده البيت ربشة وجنان واصوات ضحكهم لابررع،عمره 16سنة.

الي ماقلتلكمش عله انه لمى ورغد انولدوا بنفس اليوم ونفس الساعه ،ويسموهم التوأم المختلف ولو اجتمعوا التنتين بنفس البيت البيت يرجع حررريقة ،وعلى قولة شهد انتو التنتين مع بعض توقفوا البيت على رجل وحدة ، ولو اجتمع معاكم احمد الله يستر علينا من بلاويكم!.