اللهم لا اله الا انت سبحانك خلقتنا ونحن عبيدك ونحن علي ووعدك ما استطعنا نعوذ بك من شر ما صنعت نبوء لك بنعمتك علينا ونبوء بذنوبنا فاغفر لنا فانه لا يغفر الذنوب الا انت..
Iet's start
💟💟💟💟💟💟💟💟💟💟💟
بنت جميلة اوي كل لما تمشي في اي مكان تتعاكس فراحت لشيخ وقالتله أنا عاوزة ارجع لزمن مفيهوش حاجة اسمها معاكسة .. رجعها لعصر الجاهلية
أبو جهل شافها وقالها :
واللّات والعُزّة إنك لموزة 😅
💟💟💟💟💟💟💟💟💟💟
بنت بتسأل مامتها :
ماما ليه العروسة بتلبس أبيض يوم الفرح؟؟؟
الأم:عشان بيكون أسعد يوم في حياتها
البنت :آآآآآه عشان كدة العريس بيلبس
أسود 😶😶
💟💟💟💟💟💟💟💟💟💟
ما هو يوم الفرح ؟؟؟؟؟؟
ج/ هو اليوم اللي العريس بيشوف فيه كل صحاب العروسة ويقول:
شكلي اتسرعت😓😓
💟💟💟💟💟💟💟💟💟💟
واحد قاعد مع صاحبه وبيقوله:
يا اخي مراتي ماتت من الصبح واحد وعيني منزلتش ولا دمعة والناس بتبصلي ومش عارف اعمل ايه؟ ؟
صاحبه قاله: سهلة خالص تخيل انها رجعت تاني
بيقولك الراجل من وقتها وهو يسكت شوية ويرجع يعيط تاني والناس مش عارفين يهدوه( آه لو يعرفو اللي فيها)
💟💟💟💟💟💟💟💟💟💟
واحد جاب لمراته شغالة هندية
كل ما يروح مكان تمشي وراه فحب يغيظ مراته فبيقولها
أنا مش عارف البنت دي مش بتبطل مشي ورايا ليه؟ ؟؟
قالتله عادي يا حبيبي ما هما الهنديين بيعبدو البقر😂😂😂
💟💟💟💟💟💟💟💟💟💟
واحد اسمه خالد خلف ولد وسماه فراس
الولد كبر وعاوز يغير اسمه وابوه مش راضي ..المهم . اتجوز وبعد شوية خلف بنت فسماها ...قملة ..
عشان تبقي قملة فراس خالد
خبيييييييث😈😈😈
💟💟💟💟💟💟💟💟💟💟
ولد قاعد في اتوبيس المدرسة عمال يغني:: لو امي حلوة وابويا حلو أطلع سكر... لو امي دكتورة وبابا دكتور أطلع دكتور ..لو ماما مهندسة وبابا مهندس أطلع مهندس......
السواق اتخنق منه وسأله ..
طب لو مامتك بقرة وابوك تووور
الولد قاله: أطلع سواق اتوبيس
(( عليا النعمة دماغ ذرية))
💟💟💟💟💟💟💟💟💟💟
اثبتت الأبحاث أن معدل مضغ الطعام وبلعه 30 ث
احنا بقا في بلدنا .. غمض عين فتح عين حلة المحشي راحت فين😰😰
💟💟💟💟💟💟💟💟💟💟
واحد راح لصاحبه وقاله متسلفني 100 جنيه .. قاله. بوس ايدي الأول
قالو.. ليه يعني
قالو ..وفيها إيه ما انا هبوس رجلك عشان ترجعهم ليا
💟💟💟💟💟💟💟💟💟💟
اتنين محششين قاعدين سوا فواحد بيقول للتاني تخيل يا اخي الصين عندهم كل ثانية مولود
التاني قاله.. ما هي دي قمة التقدم مش زي النسوان عندنا كل تسع شهور
💟💟💟💟💟💟💟💟💟💟
واحد ماشي في الشارع فقابل صاحبه
ماسك كيس في ايده
قاله :ايه اللي معاك في الكيس دة
صاحبه قاله:كدة ..
قالو: يعني ايه كدة؟؟؟؟
صاحبه قاله: لسه هقولك جوافة ، هتقولي هات واحدة ، هقولك لأ ، هتقولي ليه ، هقولك كدة.. ما كدة من الأول وخلاص
💟💟💟💟💟💟💟💟💟💟
مرة واحدة اتجوزت من ورا ابوها لف شافها
💟💟💟💟💟💟💟💟💟💟
مرة واحد دماغه لفت راح يقابلها من الشارع التاني🙃🙃
💟💟💟💟💟💟💟💟💟💟
واحدة مبتبطلش رغي والناس زهقو منها فقالولها اتكلمي يوم واسكتي يوم
فقالت ماشي انا هسكت النهاردة واتكلم بكرة .... فضلت ساكتة شوية وهي مش قادرة علي نفسها وزهقت من السكوت ..تعمل ايه جابت طبلة وقعدت تطبل وتقول:
بكرة الرغي بكرة .... بكرة الرغي بكرة😅😅😅
💟💟💟💟💟💟💟💟💟💟
اتنين صحاب راحو مع بعض اشترو حصانين ليهم وروحو...
تاني يوم اتقابلو فالأول قال للتاني:
أنا قطعت ودن حصاني اليمين عشان نفرقهم عن بعض .... صاحبه قاله:
يا نهارك ابيض ما انا كمان عملت كدة
التاني:خلاص نتقابل بكرة نشوف الموضوع دة عشان مش فاضي
تاني يوم اتقابلو فالأول قاله:
بص بقي انا قطعت ديل حصاني عشان اعرفه من بتاعك
التاني: الله يخرب بيتك ما انا كمان عملت كدة انت بتشوفني وتعمل زيي
الأول : لا انت اللي بتقلدني وقعدو يتخانقوا وسابو بعض ومشيو
تاني يوم شافو بعض فواحد قال للتاني
بص ما تزعلش مني انا لقيت حل
مش انا حصاني ابيض وانت حصانك اسود..كل واحد يعرف بتاعه وخلصنا
(بعد ما شوهو الحصانين يا عيني😆😆😆)
💟💟💟💟💟💟💟💟💟💟
مرة دكتور عظام ماشي في الشارع
الكلاب جريت وراه😅😅
💟💟💟💟💟💟💟💟💟💟
مرة واحد ندل راح التربة وشغل أغنية
الحياة حلوة🙃🙃
💟💟💟💟💟💟💟💟💟💟
واحد صعيدي بيعد بالانجليزي
وان .. توو.. ثري ..فور ..فايف.. استغفر الله العظيم ..سكس
💟💟💟💟💟💟💟💟💟💟
أربعة في طيارة واحد امريكي وواحد الماني وواحد ايطالي وواحد صعيدي
الطيار قال لازم تلاتة ينطو من الطيارة عشان متقعش ...الأمريكي قال احنا بتوع الشجاعة ونط... والألماني قال احنا بتوع الكونج فو ونط.... والصعيدي قال احنا بتوع الغلاسة
وزق اللي جنبه😈
💟💟💟💟💟💟💟💟💟💟
مش اللي مدايقني اني بقالي 3 ساعت ادور علي الريموت ولا اللي مدايقني اني بدور عليه وهو في ايدي
اللي مدايقني اني وطيت بيه الصوت عشان ادور كويس😥
💟💟💟💟💟💟💟💟💟💟
Goodbye sweet girls 💖💖
