فصلوني بلا ذنب لاعمى

1

سنا /يمه اني حروح ادعيلي
الام/الله يوفقج يمه 😘😘
اليوم امتحاناتي اخير السنه طلعت الدنيا حاره لان رمضان وصلت شفت البنات سلمت عليهم وكعدنا نراجع بس وحده اسمها نرمين صافنه وبالهنا مو يمنا دغيتها
سنا/هيي وين عقلج
اشرتلي كومي ترخصنا وكمنا طبعا نرمين أقرب صديقه الي رحنا لمكان بي بنات قليل  كتلها
سنا/شبيج يمعوده وكفتي كلبي
شو هاي كومي ابجي/سنا اليوم سمعت احمد(اخوها) يحجي ويه واحد يكول حبيبي كبع واخذ
سنا/عزززززا 😱😱منو هذا وابوج يدري
نرمين/ماعرف سمعتا من دطلع من البيت
سنا/ ياعمري جوز على اختج
نرمين/سنا لاتخليني اختي توها 13سنه 😣😣
ضليت اواسيها طلعت المديره دكت الجرس فتنا فتشونا والخوف كام يقره الف احس كلشي تبخر من عقلي اجت الاسئله كمنا نتراجف وزعتهن الحمدلله بديت اتذكر حليت وسلمت الدفتر وطلعت رجعت للبيت امي دتخابر خالتي اكيد كلشي
صار بالبيت حتحطه باذنها😂😂👌
سألتني شلوني كتلها زينه رحت سبحت وصليت وحظرت القهر الثاني العربي ووقت المنبه ونمت كعدت أقره هيج الروتين لحد ماكملت
رجعت اخر يوم فرحانه وره يومين نكسرت فرحتي ونكلبت حياتنه راسا على عقب

مرحبا اني سنا عمري 20ادري جبيره بس تاركه سنتين ورجعت للدوام سادس علمي تطبيقي حلمي انجح وافرح امي لان بس هي الوحيده الوكفت وياي وساندتني اكمل هل سنين كلها اني البنيه الوحيده لأهلي على 3ولد
امي ربه بيت وابويه مدير مال مدرسه اعداديه ولد
اخويه الجبير جمال عمره 28سنه مهندس
اخويه الثاني مهند عمره 26سنه ظابط
اخويه الثالث علي اوووف ياعلي عمره 23سنه طايش إلى درجه دائما يسوي مشاكل وواكعه برأس ابويه واخواني عصبي إلى درجه وهو يدرس اداره واقتصاد
هاي عائلتي الجميله
خلص رمضان وصار العيد واني لازمه كلبي بيدي من وره النتائج بابا كال نروح لبيت اخويه عازمين على العشه صار العصر بدلنا ورحنا كلش احب بيت عمامي ناس محترمين وهادئين
عمي الأول خالد يشتغل بالتجاره ومرته عمه فاطمه ربه بيت
بنتهم الجبيره نور  متزوجه ابن عمي الثاني وعدها بنيه
وابنهم جعفر يشتغل ويه مهند عمره 26سنه بينهم شهرين
اما عمي الثاني صلاح عنده محلات ملابس رجالي
مرته عمه كوثر وعدهم
الولد الأول سيف عمره 25سنه تاجر مثل عمي خالد متزوج نور حبو بعض وتزوجو
الولد الثاني محمد عمره 20 يدرس تربيه رياضيه
الولد الثالث مثل اخويه على نفس  المصايب ونفس الشي اسمه احمد عمره هم23سنه يدرس حاسبات 
علي واحمد لقبهم (عار العائله)

المهم كاعدين نتعشه سوالف وضحك منسمع الا طلقات فوك البيت جعفر ومهند طلعو سلاحهم ورادو يطلعون. امي وعماتي كامو يلطمون ولازمين بيهم
عاد اخر شي كلهم طلعو ومدري شنو وشصار نسمع عياط وصياح بره فاتو احمد وعلى الدم بطولهم امي وعمه كوثر كامن يلطمن ويبووو
طلو ابويه وعمي لزموهم ملخوهم تملخ والولد حاولو يفكوهم ماكدرو
واني نبجي بس نريد نفتهم شكو
كعد ابويه صدره كام يوجعه بي ذبحه ركضت على جنطه امي أخذت علاجه ورحت انطيتا وشربه وعمي كعد بس عيونه يريدن يطلعن
عمه كوثر/فهمووووني شبيكم
عمي صلاح/هذا ابنج العار هو والثاني تحارشو بعرض العالم
عمه كوثر/صخام الصخمج كوثر شلووون
عمي صلاح/مثل ماسمعتي وهسه اجو اهل البنات يريدوهم
اني انسطرت عزززا بعيني اشوفهم كلهم يبون وأعصاب
عمي خالد /هسه شسون
ابويه بلكوه يحجي/خابرنا شيخ العشيره ولك ياعلي الله لايوفقك ولايرضه عليك خليت راسي بلكاع وطيحت سمعتي وسمعت العائله ولك تقبل احد يتعده على اختك ولك حيوان وياعار العائله انته وهذا الثاني الكاعد يمك ولك من وراج نجلطت واك تريد تموتني ولك باجر يشوفون اختك يسوون بيها مثل ماسويت ولك تريد تحرك كلبي بسنا ولك حيوان مافكرت اكو رب عادل باجر يطلعها بجهالك ياعار امشي من كدامي تطلع من البيت واشوف وجهك الله لايرضى عليك عسى مايذبحوك ويشمرون لحمك لاجلاب امشي اطلع انته وهذا أليمك
امي وعمتي يتوسلون بيهم وهم ميقبلون رجعنا لبيتنا محد نام ولاارتاح صعدت لغرفتي خوفتي حجي ابويه ياربي صار الصبح ابويه وعمي كاعدين وصافنين سوينا ريوك ومحد اكل سمعنا الباب ندكت طلع محمد ابن عمي فتحها طبوا الشيوخ والعائله البنات طبو للصاله حضرنا الجاي وامي ونسوان عمامي يدعون

طبعا جدي ماعنده بنات بس 3 ولد عماني وابويه
سمعنا  الصوت علا وامي وعمتي كوثر يبجن وعمه فاطمه تهدي بيهن ونور تهدي بيه اخر شي فضت وطلعو كلنا رحنا للصاله نشوف شسوو ابويه مدنك واخواني أعصاب ياربي شكو
امي /ها كاظم (ابويه) شسويتوو
ابويه /رادو فصليه و100مليون لو الدم بالدم
امي وعمتي كامن يلطمن صفنت ويه روحي وباوعت على نور تباوع عليه بحنيه يارررربي اني الفيصليه اني الحلمات بيوم عرسي اسوي هيج وهيج تالي اروح فصليه تهاريت وكمت ابجي اجه مهند حظني كال عسى ماتصير بحر مال دمايه مانطي سنا فصليه يحجي وكلبه محروك
صار العصر وخابر شيخ العشيره يريد يعرف الجواب اشوف عمتي كوثر وامي شلون منهارات وابويه وعمي صافنين رحت وكفت كبالهم كلهم باوع لي باوعت عليهم واحد واحد غمضت عيني وكلت كلمه وحده /موافقه
امي كامت تدك وتلطم وكلهم يبجون رحت لأبويه كتلها/يابه انته بعمرك ماقصرت وياي وعمرك ماكتيلي لا ودائما تضحي علمودنه اني هلمره لازم اضحي
Raghad Hussain