حمامة الضريح

مقتطف

#حمامة الضريح
#مقتطف
سلام حبايبي شونكم طبعا هاي اول قصه الي اتمنى ادعموني وتشجعوني ماراح تضركم لمسه على نجمه او تعليق حلو مثلكم اشكر الجميع  ومثل ماتعرفون اني نشرته بهذاك حسابي بس صار خلا بلحساب وماكدرت ادخل علي فحولته لهذه حسابي

#قرائه ممتعه

جنت كاعده بلغرفه متربعه ومخليه زيودي بحضني كاعد انومه ودموعي تجري على خدي ياربي شون بيه معقوله الديصير شون راح اتزوج شخص مايريدني ولااريده  ثنينه انجبرنه على هذي القسمه ياربي افرجه عليه جنت احجي بداخلي وماحسيت اله ع دخلت بابا للغرفه دخل مدنك راسه بخيبه وحزن وكال
ابو لوليا: بابا لوله كاعده اريد احجي وياج بموضوع
لوليا:  اي بابا تفضل ادخل كاعده اني مسحت دموعي وكعدت عدل 
ابو لوليا: بابا اعرف انتي  ماتردبن هذه الزواج بس صدكيني يابابا اني لمصلحتج ولمصلحة زيودي انتي تردين زيودي وتردينه يبقه عندج وتربينه على اديج واهله هم  يردونه  والهم حصه بي  وتدرين اقاربنه يردون حجه حته يحجون علينه وعلى زيودي واني اريد زيودي يعيش بامان هذه حفيدي ومعزته بكلبي جبيره وانتي انشاء الله تعيشين بسعاده ويه منتضر منتضر ولد خوش ولد مؤدب وخلوق ورجال بمعنه الكلمه صدكيني راح يسعدج فكري بكلامي كلش زين  وهم فكري اذا رفضتي شراح يصير راح زيودي يبقه عندج مثلا؟  يله بابا اني اروح انام راسي يوجعني شويه اروح ارتاح  وفكري زين واخذي وقتج ورجعيلي الخبر
لوليا: مادام بابا يحجي اني افكر بكلامه واتخيل ودموعي تنزل شون اذا رفضت راح ياخذون زيودي مني والله ماكدر بدونه هذه قطعه من روحي وكلبي ضليت افكر بكلامه وعيت ع كلام بابا وهوه يكول اريد اروح انام راسي يوجعني كتله سلامتك بابا ماعندك غير الغافيه اخذ راحتك الله وياك طلع واني احس عايشه بمتاهه ماعرف شسوي وشكول وشفكر بقيت هيج تقريب بلساعه وجان اسمع عيطة رولا وهيه تكول ولك عبدالله الحك يتبع.....