بعد مرور اسبوعين سلوي قعدت مزال متاتره من ألي صارلها رغم انها تحسنت بدت تقدر تم تلعب وتجري إلا انها كانت تخاف ماتقدرش تطلع تلعب مع صحباتها
لاكن نادية كانت تاخد في بنتها لمودة هي تقعد تهدز وبنتها تلعب مع صاحبتها
نادية:كانت تحاول تنسي بنتها ألي صار وتحاول ترجعها للحياة ألي كانت فيه بلا خوف بلا حزن
ألي تعيش فيه سلوي
سلوي:بدت ماتقدرش تقعد بروحها ابدا حتي لو امها في ساحه الحوش بدت تخاف وديما جنب امها بعد تشجيع من امها بدت تتخطا الخوف شوي شوي وبدت تمشي من مدرسة تاخد فيها نادية وتروح بيها كل يوم
***********
اما عند عماد كان مش مدور شي كل ألي يدير فيه هياحه وصياعه مش مدور لا علي امه ولا علي بوه ولاحد ليل نهار مش قاعد في بيت
يروح كل يومين ياخد شن ياخد ويطلع حتي سلام علي امه مايقول فيها
**********
اما عند سعاد كل يوم يمشي معاها زي كابوس وحالتها كل يوم تزيد قلبها يوجع فيها من ناحيه ولدها الوحيد مش معدل عليها لايرد علي اتصالاتة لا يقعد معاها لا تشوف فيه حتي بعد أسبوع خمسه ايام تشوفه مره،رغم انها كانت تعطيله شن يبي وكيف يبي ديرلة يعني مدلعاته
**************
اما مصطفي كان يوجع فيه حال سعاد ويحاول يغيرلها جوها وكان كل يوم يمشي لنادية يطمن عليهم لأنه بعد ألي صار لسلوي صار مش مطمن ويخاف يتكرر نفس موضوع لبنت خوه الغالي
**************
نادية:سلوي مزال شهر ونص وتكملي قرايتك
بعدها ناخدو كل حاجه تخصنا ونسافرو
سلوي:ماما مدينة ألي نسافرو فيها فيها بحر
نادية:ايه فيها بحر وملاهي ومتزهات واسواق حلوووة
سلوي:ناضت تنقز من فرحه قعدت تنقز وتقول إيييي قريب ربع ساعه
نادية:كانت تشوف لبنتها وفرحانه لانه بنتها فرحت بهذا الخبر
سلوي:فجاء وقفت وتشوف لامها بحزن
نادية:خيرك زعلانه
سلوي:ماهو مودة معاد نشوفها
نادية:كل يوم نتصلو بيها وتشوفيها وتشوفك فيديو
سلوي:بدت تشوف لامها تستوعب بعدها بدت تنقز من فرحه
ماما شن ناخد حوايج
نادية:اصلا حوايجك خلاص معادش دارو وحتي اني زيك نلوحوهم نخلو حاجات بسيطة بعدين نشرو من مدينتها جديدة حوايج حلوين
سلوي:طارت من فرحه حوايج زي متعين مسلسلات
نادية:ضحكت ايه يشبهو
وغدوه نبدو تجهيزات نغسل فراشات وسجدات ونظف حوش وندير إيجار
سلوي:ماما عندك فلوس باش نشرو حوش
نادية:اذكرت سالم بحزن قالت ايه فلوس بوك الله يرحمه لما باع ارض وشوي فلوس كنت نخبي فيهم ولو اضريت نبيع الذهب متعي كله يلا بنتي نبيك تقري توا باش تجاوبي اختبار متع حساب واني انوض نديرلك كيكه صغيرة زيك قعدت تضحك
سلوي:ماما اني مش صغيرة
نادية:مشت وهي تضحك من قلبها كانت اول مره تضحك من قلبها بعد ألي صار لسلوي
***************
زعما نادية نست عماد شن دار في بنتها وسامحاته؟
شن يصير في عماد ؟
نشوفو شن يصير في حلقة ألي بعدها
