يروحي الاحبهم مشو عني شبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني شبديه
------------------------------------------------------------
هسه هاي شلون حيره
حسين حيرني وجفاني
مامعودني على فكده
ولا نسيته ولا نساني
استبطه عباس ومشاله
وكتله أخذني وماخذاني
اسمع ونين وحوافر
ومار الصوت ع اذاني
ياروحي شتكولين
هاي الونه لحسين
نكسر ضهري ع الحسين
مثل ضهره ع اخيه
يروحي الاحبهم مشو عني شبديه
------------------------------------------------------------
مدري اروحن مدري اضلن
مدري والمدري شيحلهه
أخ ياروحي الغريبه
المالهه قسمه ويا اهلهه
شلون اطر الكوم وحدي
وهذا ليل وغربه كلهه
حسين يعذرني من اضلن
بس يروح امي شاكلهه
يون ماادري شبي
كلبي يكلي لحكي
مات الكالي حسين الخطيه
انا الخطيه
يروحي الاحبهم مشو عني شبديه
------------------------------------------------------------
مالت الله حسين غالي
ولو ذبحو مالت الله
راح اروح بصفه انامن
ليش عاف عيوني غفله
ارد اكله حسين اخذني
كلبي صاير وصله وصله
غربه باجر موش اهلنا
المثل وجهك وين احصله
مهنه بنومتك هاي
مبارك راسك وياي
مو وياك يحسين
هاي اول مسيه
يروحي الاحبهم مشو عني شبديه
------------------------------------------------------------
حسين ماودي اعيشن
بس بناتك كاضتني
ادري انه امهن وابوهن
وانا مااعوف ليحبني
مومثل روحك جويه
تدري احبك بس عفتني
انته محد سوه مثلك
دللتني وعذبتني
شمحله كبالك الموت
وانته بنعشي زاتوت
وانه الاغفه بايديك
موش انته ع اديه
يروحي الاحبهم مشو عني شبديه
------------------------------------------------------------
الدرب كله وانه اسولف
وين اجينه ووين جنه
نركض وناس بكفانه
ونلكه ناس امسبكتلنه
مامصدكه حسين مات
وبالبر اطشر ظعنه
هيج من الله وافزن
والكه روحي ابيت اهلنه
حلم لوطلع ياعين
اصفنج ساعه بحسين
ولو من اصفن اعليه
كلشي يموت بيه
يروحي الاحبهم مشو عني شبديه
------------------------------------------------------------ كلمات الشاعر المبدع:أحمد المشرفاوي
