آخر گعده يمك طول وياي
بعد هيهات اشوفك واگعد وياك
اريد الليله كون بگد عمر نوح
حته اشبع بواچي عليك وانعاك
اول مره أسير خوف موشوگ
خوف يضيع خدري وخوف فرگاك
ترست عيوني ماي النوم ممنوع
جهزن للبچي منا لملگاك
سوالف عدي يرادلهه تجويد
انه راح اذكر ايام صباي
اتيه ببيتنه شلون امشي للشام
وين اندل اذا تيهتك هناك
انه ماطالعه بس روحي عليك
خنگهه الشوگ سمعت چلمة انساك
انساك انساك
لا...لاتضن يمضي الزمن وانساك
انساااااك
ياماغبت عن الگلب يهوااك
حل مشكلة فگدك عوف الحجاب
ماينحل لان عاگدته يمناك
عندي حجاب خويه خلافك الشيب
راح يغطي راسي الضيم بجفاك
باجر وين اشوفك بس سمه وخيل
جبيره المعركه وين امشي والگاك
گعدونه بخرابه بلايه باب
ويذري التراب.....بلايه سگف ويذري التراب
يالاحباب يالاحباب..مسية العافيه عليكم يالاحباب
_____________________
