Dark side of angle
အပိုင်း (၁၃)
Unicode'မ...။ မ...'
မနက်ဆယ်နာရီ။ သူနာရီကိုကြည့်၍ အိပ်ပျော်နေဆဲဖြစ်သည့် သင်းမြတ်ချယ်အား နောက်တစ်ခေါက်ထပ်၍ နှိုးလိုက်သည်။ ငြိမ်သက်စွာအိပ်ပျော်နေလိုက်သည်မှာ သူဆက်၍ပင် မနှိုးရက်နိုင်။ သို့သော်လည်း မ အလုပ်သွားနေကျအချိန်ထက် နှစ်နာရီပင်နောက်ကျနေပြီမဟုတ်ပါလား။
'မ ....။ ထတော့လေ ဆယ်နာရီထိုးနေပြီ'
ဒီတစ်ခါတော့ မရဲ့လက်မောင်းကို လှုပ်ယမ်း၍ အသံကိုပိုကျယ်လိုက်မိသည်။ သို့ပေမယ့် မကတော့ တုတ်တုတ်လေးမျှပင် မလှုပ်။ သူ့စိတ်ထဲ ထင့်ခနဲဖြစ်သွား၍ နောက်တစ်ခေါက် အားဖြင့်လှုပ်ယမ်းလိုက်ပြီး
' မ....'
'အင်း...။ '
အိပ်မက်ထဲက အသံလို မ အသံက ယောင်နနဖြင့်။
'ဆယ်နာရီထိုးပြီ မ အလုပ်သွားမှာမှလား'
'ရေ...။ ကိုယ်ရေသောက်ချင်တယ်'
အိပ်ယာဘေးတွင် အသင့်ဆောင်ထားသည့် ရေခွက်ကို မ အားလှမ်းပေးလိုက်သည်။
'နေကောင်းရဲ့လား'
ရေကို အငမ်းမရသောက်ရင်း မက ခေါင်းသာငြၽမ့်၏။ ထို့နောက် အိပ်ယာပေါ်မှဆင်းကာ ဖုန်းက်ိုဖွင့်ကြည့်လျက်
'ကိုယ်မေ့နေပြန်ပြီ ဒီနေ့ အင်တာဗျူးရှိတာပဲ'
မ မနေ့ကပဲ အင်တာဗျူးရှိတယ်ဆိုပြီး အလုပ်က်ိုအစောကြီးထွက်သွားသည်မဟုတ်ပါလား။
'အင်တာဗျူးက မနေ့က လုပ်ပြီးပြိီ မဟုတ်ဖူးလား'
'မနေ့က....'
နားထင်ကိုလက်မဖြင့်ဖိကာ သူ့အား ဟုတ်ရဲ့လားဟု ထပ်မေးပြန်သည်။ မ ခုရက်ပိုင်းတွေ သတိခဏခဏမေ့တတ်နေသည်။ ပြောပြီးသား လုပ်ပြီးသားတွေကိုပင် နှစ်ခါသုံးခါ ထပ်ပြောတတ် လုပ်တတ်နေသည်။ က်ုယ်မေ့သွားတယ်ဆိုသည့်စကားကလည်း ခဏတိုင်းကြားနေရသည်။
'ကိုယ် ရေချိုးတော့မယ်။ မင်းက ကျောင်းမသွားသေးဘူးလား'
ကဲ မေ့ပြန်ပြီထင်တယ်။ ညကပဲ မနက်ဖြန် စနေနေ့ကျောင်းပိတ်တယ်ပြောလို့ မက အိမ်ပြန်တော့လို့တောင် ပြောနေခဲ့သေးတာက်ို။