حب ضابط😍

حب ظابط❤️

سجلتة بل تلفون ودكيت وايدي علئ قلبي دكيت مجاوب دكيت مرة لخ هم مجاوب دكيت اخير مرة جاوب
ضابط :الووو
فاطمة:ال و اوو : ايدي علئ قلبي اخاف احجي بيني وبين نفسي
ضابط:منووو
فاطمة :اني شفتني صص بح
ضابط :هااااا
فاطمة:ا يي ا
ضابط:شبيج خايفة ههههههه
فاطمة :مااا د رر ي
ضابط:ش سس مم جج (يقلد علية)
فاطمة :اسمي فاطمة
ضابط:عاشت الاسامي اكلج باعي من شباك باعي شصاير كدامكم
فاطمة: كلت اوك واني خايفة كلت بيني وبين نفسي شكو
فاطمة: اباع ماكو شي اباع بل شارع لكيتة هوة كدام بيتنة كتلة عزةةةةة لك روححح
ضابط:شبيج خايفة
فاطمة:اخاففف
ضابط:هههههههههه 😂 (ضل يضحك)
فاطمة:دقات قلبي بدت تزداد وطالع حلو بس اخاف امي تشوف لان امي دائما تطلع ترش زرع حديقة وتفتح باب وترش طرمة وياها
ألمهم راح واني جنت خايفة
ضابط : علئ فكرة اني اسمي رعد
فاطمة :عاشت الاسامي
رعد:شكرا
فاطمة :عفوا
رعد:تمام محتاجة شي
فاطمة :سلامتك
رعد :بليل اخابرج وتردين
فاطمة :تمام
رعد مع سلامة
فاطمة :مع سلامة
ضل يوم عن يوم حبنة يزيد وامتحن واروح واجي المهم نجحت من رابع اعدادي صرت خامسة درجاتي كلش زينة حمدلله
فا يوم من الايام كالتلي ماما امشي نطلع بمناسبة نجاحج ونشتريلج شغلات وندللج كلش فرحت واني دائما يطلعوني
طلعنة وتونسنة واشترولي هدوم واكلنا بل مطعم نسيت اكلكم ابوية هم وياية واخوي يوم جمعة جان بل جم فا بس اني ماما وابوية
المهم فتنة للمول وضلينة نفتر
فاطمة :ماماااااا بابااااا
الام والاب :شكووو شبيج
فاطمة اريد هذا لابتوب عليكم الله
الاب والام علكيفج بنتي فززتيني عبالي بيج شي
فاطمة :هههههه لا مابية شي 😂
الام والاب :تمام تعاي نشتريلج بمناسبة نجاح اليوم شكد اشتريلناج يانجاح هذا (بضحكة)
فاطمة:شكرا ماما وبابا الله يحفظكم الي 🌹 من كل شر
:طبعا اشتريتة وكلش فرحت بي وضليت العب واتراسل وسويت فيسبوك ونزلت كم لعبة سويتة بس للونسة وبقيت تلفون اتراسل وية رعد بس
رعد:مرحبا اني رعد عمري 29 ضابط طويل واشقر وعندي غمازات وشوارب وهيبة ما امدح بنفسي بس هية العالم تكولل المهم يوم من الايام شفت بنية عجبتني وشمرتلها رقمي وضلينة نتراسل كالتلي نجحت من 4 اعدادي حبيت اسويلها مفاجأة 🤨 اشتريتلها سوار ذهب وحلويات ويا خابرتها
رعد:الووووو
فاطمة :الوو
رعد :شلونج فطومتي
فاطمة :زينة حمدلله انت شلونك
رعد :زين علئ الله اكلج طلعيلي ماطول ابوج ماكو بحجة دترشين شارع شوية
فاطمة:ليش
رعد:هسة طلعي ومعليج
فاطمة :اوك باي
رعد :باي
فاطمة: ضليت افكر خايفة شيريد يسوي وضليت افكر طول هل كم دقيقة خفت
فاطمة : ماما
الام :ها يمة
فاطمة :اريد اطلع ارش طرمة وشارع شوية
الام :علئ راحتج يمة بس للتاخرين بساع عشر دقايق الكاج يمي
فاطمة: تمام
فاطمة :طلعت خايفة جريت صوندة فتحتت ماطور ورشيت حديقة وفتحت باب برة ورشيت شارع جان اشوفة كدامي خفت قلبي كام يدق بسرعة ماكو مثلها
رعد :مبروك نجاح حبيبتي 💋
فاطمة:كال مبروك نجاح وبيدة علاكة اطانيها وراح ضميتها واطاني بوسة بل هوة وكال حبيبتي اول مرة يكولها ضليت خايفة شنو داخلها ضميتها وصعدت ركض طفيت ماطور وشمرت صوندة وكتلها ماما رجعت كالت عفية وصعدت لغرفتي ركض
اريد اشوف بل علاكة شنووو كتلني فضول
فاطمة :فتحها وجان الكة أسوار ذهب وباكيت حلويات كامل وكاتب ورقة مبروك نجاح يا احلئ فطومة
فاطمة :خابرتة ضليت اتشكر منة وصدك حبيتة يستاهل الحب ♥ فدوة لطولة
رعد :حبيبتي شعدي غيرج الله لايحرمني منج
فاطمة :شكرا بخجل
رعد :وصدمة كبارئ شتتوقعون كال
رعد :فاطمة
فاطمة :نعم
رعد :احبججججججج💖💋
فاطمة :........ مجاوبت خجلانة
رعد : ليش متردين كولي احبك
فاطمة : ر رر ر ع ددد
رعد :كولي احبك لاتكولين اسمي اذا متكولين ما احجي وياج والله
فاطمة: بينها وبين نفسها شعور حلو وغريب ومحرج ماعرف شجاوبة ميتة خجللل
فاطمة : اح بب حح كك
رعد :لتقطعيها اسمعها كاملة
فاطمة: احبك
رعد :فديتج بكد هوة الي اشمةةةة اوففففف
فاطمة: مع سلامة اروح اكل واشكرك علئ هدية
رعد :روحي الله وياج الف عافية وتدللين علئ هدية شعندي غيرج
رعد :عرفتها خجلت وانحرجت بس احبها مقرر بس تخلص سادس اخطبها لان ماريد احرمها من دراستها فديتهااا فطومة
فاطمة:رحت اكلت وية ماما واسولف واضحك ابوية بل شغل اخوي بعد نص ساعة ويرجع من عيادة حلمي اصير صيدلة المهم مرت ايام وتروح ايام وتجي ايام مر تقريبا شهر علئ نفس روتين عطلة مرات نطلع مرات يجونة خطار المهم تونست الئ فد يوم من الايام اليوم الاسود بحياتي اي بحياة فاطمة يوم اسود كان يوم اعتيادي وكاعدين ومتونسين بس ابوية بل شغل واخوية ويانة اجة اتصال اخوية كال اني ارد لحد يجاوب لان محد يعرفة
المتصل :الوووو
اخوية:الو
المتصل :سلام عليكم
اخوية :عليكم سلام
المتصل: يابة ابوك اسمة علي
اخوية :نعم
المتصل :الحكولة تعارك وية احد تجار بسبب الفلوس مال ابوك وانضرب طلقة بصدرة وحالت ابد موزينة بين موت وحياة
اخوية : بحالة صدمة كال دزلي عنوان بسرعة
امي توترت واني هم توترت شنو سالفةة وامي تسئلة شكووو يكلها صبري
دزلة عنوان كلة اخوية تمام جاين بسرعة
كال اخوية ابوية انضرب طلقة وحالتة موزينة وكال لازم نروحلة لان متعارك وية احد تجار
امي:تعيط واني اعيط وياها
اخوية:مو وكت عياط خل نلكة حل بساع ميفد العياط كمنة اني لبست عباية وحطيت ربطة علئ راسي علئ سريع طبعا مواصفاتي بيضة عيوني زرك شعري اسود سرح ونعام حلوو وجسمي ضعيف ماحب اسمن المهم.....
رحنة للسيارة
اخوية :ماما حاخذ سلاح بابا الي خالة النة احتياط بي شاجوار
ماما:ايي اخذة بعياط
فاطمة :يلة احمد تأخرنا والله خفت علية
احمد اخوية :يللةة
ركبنة سيارة وكلنة ايدنة علئ قلبنة خابرت عمامي اجوي لحكونة سيارتهم مضللة ومسلحين ورانة اي شي يصير اخوية يمشي سريع مشى 140 امي تكولة اسرع ونوبة اخوي يحب سرعة كام يمشي 180 وصلنة ب 5 دقايق طريق نص ساعه سواة 5 دقايق وصلنة عالم ملتمة اخوية نزل شال سلاحة سحب اقسام شاف ابوية شايلتة اسعاف توهة جاية ومشت وراح اخوية ركض وراهم يمشي علئ مستشفى 🏥
وصلنة مستشفى سيارة سريعة مال اسعاف يمشون سريع عرفنة ابوية حالتة جداا خطرة ما تبشر بل خير ابد اخوية مديلحك شارع فارغ ساعة 1 بليل وهم يمشون جان اخوي يكول لحد يخاف حمشي سريع كلش جان يمشي 200 وصل يمهم وفاتحين دبل اشارة وندك هورن خاف احد يجي او كدامنة يوخر عمامي بعدهم ورانة ويرمشولونة ب لايت معناها علكيفكم بس اخوية مسرع جدا المهم....... وصلنة مستشفى نزلنة شفت ابوية دماية من فوك ليجوة كلة دم فقدت بعد اني وامي وكعت بعد مادري شصار صعبة من تشوف واحد عزيز عليك كلش هوة من ابوك وامك المهم الله يحفظلكم ابائكم وأمهاتكم ويرحم موتاكم الله يحفظلي امي وابوية المهم نرجع لقصة
فاطمة :كعدت عيوني مغوشة مدا اباع اي شي عبالك ماي بعيني واحد حاط جان ارجع اغمض اسمع صوت ناس و خطوات وناس يحجون ماعرف شديصير كعدت لكيت ماما وعمامي اول مكعدت لكيت مغذي بيدي كعدت ابجي جتي دكتورة ضربتني مهدئ نمت كعدت مرة ثانية ورة كم ساعة رجعت شفت ماما
فاطمة :بتعب: مام اا و يي ن باب ااا و اخويةة
الام :ابوج مابي شي بل عناية مركزة بل انعاش واخوج يمة حيسولة عملية لان مأثرة رصاصة علئ قلبة وانتي مابيج شي بس ضغطج صاعد ومن ورة خوف خربتي مابي شي حبيبتي لاتخافين
فاطمة:بينها وبين نفسها ضل بالي يم رعد لان متعود دائما احجي ويا بليل بس هل مرة ماكو اني اكيد حيضل بالة المهم ورة كم ساعة حالتي تحسنت وصار الوضع من اسوء الئ اسوء ابوية بدا يستسلم اجة وكالو دخل بغيبوبة مندري شوكت يكعد اني تخبلت كالو سلمنة إمرة بيد رب العالمين وضليت ادعي وكالو بعد ساعة عمليتة اذا منجحت يروح الئ ربة لان رصاصة خطرة وبمكان خطر جدا وحساس اني ضليت ادعي وحمدالله ابوية نجحت عمليتة وخرج من غيبوبتة وضعة زين بعد يومين........
دخلت الابوية اشوف حالتة بعدنة بل مستشفى طبعا
شفت حالتة كمت ابجي كال باباتي لاتبجين مابية شي ضليت ابوس بي اني وماما اخوية راح يجيب ذبيحة لوجه الله جاب 3 طليان وعجل حق سلامتة الابوي لان محد كان يتوقع ابوي يكعد لكن حمدلله طبعا الأطباء اطونة نسبة 10/100 يعيش لان هاي غيبوبة ولكن حمدلله رب العالمين رجع للحياة كالو تكدرون تطلعون ابوكم من مستشفى حالتة ممتازة لكن لاتخلو يتحرك هل يومين كلنة تمام وكالو ياكل فواكة وهاي شغلات ذبحو طليان جوة رجل بابا وعجل كذالك اني اخاف ما اباع وزعنا للفقرة ولل اقارب وطبخنة منة وسوو عزيمة حلوة وخفيفة لكن بس عمامي وزلم ماشاء الله تبارك الله ابوية هواي يعرف ناس المهم مرة 5 ايام ماحجيت وية سعد رجعت لكيت 150 مكالمة و500 رسالة متخبل حرفيا كتبتلة كلشي صار وكتلة حبيبي لتخاف شافها وكال ليش مكلتيلي ضل خايف علية كتلة ملحكت ومابية شي جان يصدمني بخبر اقوئ من قبلة كلي بس تكملين سادس اخطبج ضليت مصدومة مجاوبت كال وينج كتلة ايي اوك كتلة بس بشرط كالي اشرطي كتلة تخليني اكمل دراسة كال اكيد ماحرمج من دراستج مرحلة ثانية تصيرين واخطبج كلت تمام مرت ايام أشهر شهر شهرين 3 اشهر 4 اشهر بدت دراسةة نعم صف خامس اعدادي اخر سنتين واكمل شديت حيلي ونجحت من كورس الأول وفجاءة اجاني خبر بعطلة نص سنة اجة ابوية كال بنيتي كال انتي كبرتي وأريد افتخر بيج بس ماريد اغصبج براحتج انتي الي تقررين كلي اجاج ابن عمج يريد يخطبج علئ سنة الله ورسوله كتلة ابوية انت الاصح كتلة بس اكمل دراستي والله كريم بس ماريد هسة كلة رافضة رفض تام اني بداخلي انقهرت اريد رعد اييي احب رعد روحي من حياة كتلة وكال مستحيل كملي سادس واجيجج غير هذا ماكو كتلة تمام عمري احبك وغزل المهم ابوية ثاني يوم عطلة كال ماعندي شغل بهل فترة ونريد نتونس حنروح لل دبي اني طكيت من فرحة واركص وهوة كيف شافني فرحت فرح هوة هم وامي واخوية غلق عيادة مالتة لمدة أسبوعين رحنة جانت احلئ اسبوعين من عمري كلة صدك تونست كال اذا تخلصين سادس اوديج 3 دول اني ماعرف شسوي خاف تكولون كذب بس ابوية امكانيتة مثل مكلت ممتازة جدا لان تاجرر من فرحة وركص وامي هم فرحانة لان الكل ويانة بس اذكرت رعد كتلة حبيبي مرحلة اولئ اخطبني لان اريد اتونس شوية بل عطلة بابا ياخذني نسافر حجيتلة ب تفصيل كتلة لاتخاف مراح اقبل بغيرك وافق بل كوة كملت خامس نجحت معدل 92,74 مجددت لاتلفوني ولا اي شي كتلة بابا بسادس هداية لمن اكمل سادس كال تامريني امر خلصت خامس ارتاحيت اسبوعين بل عطلة جبيرة وبديت اقرة بيها السادس كلشي قريت حسيت نفسي عالمة بديت سادس اول شي كلش ممتاز نص سنة معدلي 94.85 معناها 95 اجت فترة الي انتضرها طول عمري اخلص من دراسة لان كلية مو كلش صعبة عادية بس اخلص هاي مرحلة طبعا لا طبة ولا طلعة بل يوم احجي وية رعد نص ساعة لاغير وبس يدري سادس اجتي نهاية سنة سادس اعدادي كلها تحفزني وتشجعني وتسويلي واهس طلعت 97.60 معناها 98 اي كسور فوك 50 معناها يصعد معدل يعني مثل 90.51 يصير 91 المهم بوكتة فرحت فرحة متنوصف طول عمري ما انساها حمدلله هداية مادري منين تجي من كل وفرحانة وامي فولل فرحانة واخوي كلش فرحان وابوي هم جاب طليان 2 وعجلين2 سوينة سوالف عائلية كلنة نضحك ونسولف بابا كال اييي فطومة نسيت اكلج
فاطمة :ها بابا كول
بابا :اختاري شنية 3 دول تروحيلها كتلة اسبانيا وامريكا و الكويت جان يكول تدللين كولها تكول احلئ 3 دول عندي ماما فرحت كالت خوش اختيار عندج اخوية كال اسطورة اختي وضلينة نضحك نمنة كعدت صبح طب بابا علية شايل تكت للكويت كتلة وماما واخوية كال اي جبتلهم هم ويانة طرت من فرحة بقئ أمريكا واسبانيا كل دولة حنبقئ بيها شهر نتونس ونرجع حتكون احلئ 3 اشهر اكيد رحت للكويت جربت كل مطاعم الي عدهم تجنن وخصوصا الاكل بحري see food رحت أسبانيا اخوية راد يروح مباراة ريال مدريد الكل وافق جانت مباراة حلوة وتونست وجربت اكلات وشغلات حلوة يمهم كلش كضيناة ناكل برة نجرب قابل شكو رايحين وسفرة متحمستلها من بداية هية امريكا طبعا هاي سفرة وحيدة حجزنة طيارة درجة اولئ لان الامريكا وراحة شوية ورحت نيو يورك افضل مدينة عندي وصدك تجربة من عمر اشتريت كومة شغلات جربت مطاعم هواية ورجعنة اخر شهرين لبغداد نسيت اكلكم اخبار رعد كل يومين لو يوم نتواصل قليل لان دائما نطلع مشتاقة اشوفة مشتاقتلة سفرة كلش حلوة جانت رجعت علمود كلية حجزت كلية....... الحكومية لان معدلي عالي وممتاز داومت وخابرني رعد شفتة طالع كيكة ضابط هيبة وهو بدلتة عسكرية هيبة كتلة كيككة طالع شافني جان يكول وانتي شكول عليج مادري تخبليننن ضل يغازلني واني خجلانة كال باجر اجي اخطبج انصدمت كال كافي صدمات جايج باجر باي احبج ❤️ كتلة تمام
مرة اليوم بخير وسلام اجة اليوم الي علساس يجي بي رعد اجة وبالفعل طالع عسل والعطر يخبل وحذائة يكرمكم الله وشعرة فدشييي اهلي وافقو اني وافقت ابوي صار عمرة 54 وبعدة يشتغل اشترى عمارة اجرهة يجينة مصرف واشترئ كاع بناها فيلا لل ايجار كذالك وثنينهن يجنة منهم ايجار حمدلله وممحتاجين اني طلبت منة بيت علمود مستقبلي واشترالياة 200 متر 3 غرف هول وحمامين ومطبخ جبير وحديقة كلش جبيرة وطرمة تكفي سيارتين
رعد :خابرني كال سنة جاية ازوجج لمن تصيرين مرحلة ثانية
فاطمة :تمام قلبي
مرت 5 اشهر كملت ونجحت يعني مو كلش مهتمة الهة كلية بس ناجحة نتيجة كلها جيد جدا وجيد
يعني زينة اجة رعد وقرر زواج وجاب اهلة واني اكول اخيرا حزوج الاحلم بي والاحبة حالت رعد المادية زينة جهزنا الحنة سوينا حنة رحت اني مردت ذهب عندي بس هوة اشترالي تخم كامل واختاريت غرفة نوم كلش حلوة ودزيت شركة تنظيف للبيت الي اشتريتة للمستقبل نظفو طلع يلمع ويخبل سويت الاستقبال وشاشة جبيرة 4k ومطبخ سويتة وحمام واخذنة غرف جبيرة اني ورعد اجة يوم العرس ورحت للصالون تمكيجت ومقبل رعد الة احط كبوس علئ راسي المهم اخذنة قاعة ملكية وكلش حلو جان العرس والحضور جان كلش هواية يجي ب 400 شخص كانت تتسع قاعة ومن احلئ الايام الحمدلله المهم صعدت للغرفة واجة باسني من راسي وكلي مبروك يا احلئ فطومة بل دنيا اني جنت فرحانة كلش وباسني من خدي و........ المهم اليوم تالي
فاطمة :اني نايمة ورعد يلعب بشعري ويدغدغ كعدت اضحك كتلة صباح الخير حبيبي
رعد :صباح العسل والعيون زرك والخير تريكنة لكيتلة جايبلي ايفون 7 plus هدية زواجنا وجايب انواع حلويات يمكن 5 جايب انواع حلويات ميعرف شيجيب لان كلشي عدي بس يعرف احب حلويات وجابليها فاطمة:واووو شكرا يا احلى رعد بل دنيا الله هداني الك حمدلله وكتلة احبك كلي عيديها كتلة احبكككك وباسني المهم
فاطمة :بعد شهر كمت أدوخ وراسي يوجعني اريد اذب من راسي ماكدر كتلة اريد اروح دكتورة نسائية حجيتلة كال روحي اخذي 125 وياج كلت اوك شكرا رعودي رحت للدكتورة كلتلي مبروك طلعتي حامل 🤰 اني طرت من فرحة احب جهال واحب اعتني بيهم المهم صليت صلاة شكر وفكرت شلون اكولة لرعد حامل رحت سوبر ماركت لكيتة يبيع أحرف انكليزية هوة يعرف إنكليزي يعني زين اشتريت ورجعت وسويتة وعلكتها وجان بل داوم رجع ثاني يوم شافة انصدم كال هاي شنو اني جنت بل غرفه اشوف ردة فعل لكيتة يعيط فاطمةةةةةةة وفرحان ويكمز رحت حضنتة وكتلة مبروك حامل حبيبي اني وضل فرحان ما بقئ واحد ماكلة وجاب ذبيحة عجل وطلي ذبحهم وفرحان امي فرحت رحت لبيت اهلي كلي حنزل 7 ايام كلي روحي لبيت اهلج لان اخاف عليج وحدج راح قريت وراة اية كرسي ورحت ل اهلي وكلها تباركلي واني فرحانة مرت 3اشهر رحت للطبيبة صرت ب شهر 4 سوتلي سونار طلعت حامل توام ولد ثنين طايرة من فرح اني رحت للسوك كلي اخذي 200 رحت اشتريتلهم نفس اوفرات والاحذية أكرمكم الله ونفس سراير وكلشي لان اخوان يتشابهون رجعت للبيت وحطيت كلشي ازرق بمعنئ ولد اثنين توأم المهم اجة جايب اباع علية مديت راسي جان شايل علاليك وكعهن من ايدة كلها من صدمة وحط ايدة علئ راسة وفرحان ويعيط ونفس شي حضنتة توحمت ب عصير برتقال راح جابلي ركض وكيك وكلشي مدللني ومعيشني بسعادة بعد مرور شهرين حياة تمام اروح واجي يم اهلي ويم رعد سويت غرفة للجهال ازرق وابيض ورسومات كارتونية حلوة يعني تلوكلهم وسويتها تخبل رعد كال كلش حلوة غير سيارتة جانت سبورتج اشترة رانج روفر كلش احبها وهو هم يعشق رانج جان يجمعلها المهم اشترينة للجهال ورتبنة كلشي تمام تمام بعد مرور شهرين ونص تقريبا بطني كبرانة كلش اكيد لان توأم وحسيت ب الم ساعة 12:30 بليل جان رعد كاعد وكام يزيذ الام كمت اعيط كالو طلوكة امي اجتي وياية لان جانت بيتي وياي مقررة تجي علمود تعيني بفترة الحمل تشوفني شحتاج و رعد اخذ اجازه شهر بلكوة المهم وداني رعد وهو ديمشي سريع نزلنا للطوارئ كالو حتجيبين ضربتني مخدر بعد ماعرف شصار كعدت بطني تحركني كعدت اكول ماما رعد ماماا وينج مداباع شفتهة باستني كلتلي مبروك سميناهم فهد واسد كلش حلوات وهيبة الاسماء باركولي عمامي والكل وياهو يجي يحط جوة رأسهم فلوس اشترة رعد صندوقين حليب والعاب صغار ومميات وملهيات وكلشي مرتب خطية وطاير بيهم وفرحان مر شهر جهال معذبيني بس بنومة لان بليل يبجون وها اشتر ٥ باكيتات حفاظات كل احتياجات اشترة للجهال مقصر ابد خطية رجع للدوام داوم شهر ورجع اخذ اجازة شهرين بفلوس علمود وياية شوية يعيني خطية مرت سنتين نفس وضع ابوية اشترة شقتين بل إمارات وشقتين بل كويت بعد أسد وفهد عمرهم سنتين و 3 أشهر يمشون بس يصيحون ماما وبابا واريد وشغلات بسيطة عمر بابا صار 57 رعد عمرة 36 واني 24 تخرجت حمدلله وصرت صيدلانية لكن قررت افتح صيدلية خاصة بية واخلي بمكاني موظفين وجبت خدامة او شغالة لل احترام تساعدني وية جهال حياتنة كلش حلوة مرت سنتين رعد يريد بعد جهال وصار عندي ولد كذلك سميتة ليث صار عمر أسد وفهد 4 وليث توة اجة دنيا اجة اليوم الي جنت خايفة منة ابوية مرة لخ قبل 6 او 5 اتصوب وهسة رجع اتصوب بقلبة دخل غيبوبة ضل بيها 3 سنين كعد مصدوم رجعنا للحياة حمدلله لكن شبة فقد شغلة اخذ مال متبقي العندة وطلع من شغل اعتمد علئ ايجار العمارة وفيلا اجر شقة بل امارات وبل كويت مصدر رزق والفلوس بقتلة اشترة بيهن كاع 150 متر حيسويها مطعم بعد كم يوم مات اخو رعد بحادث طبعا ماعرف اخو ماعندي اي علاقه ولا شايفتة بس اكول الله يرحمة المهم مرت 5 سنين عمري عمر جهال 9 وليث 7 دخلو مدرسة وشطار كلهم ممتعبيني وحمدالله الئ يومكم هذا عايشة حياتي بخير وسعادة وممحتاجة لل احد بفضل الله وابوي وامي وزوجي الئ هنا وتنتهي قصة اتمنئ عجبتكم اذا تريدون بعد هيج قصص كولو وارئكم بل قصة وشكرا الكاتب رامز :قصة تحت إشراف رامز م :كل حقوق طبع ونشر محفوطة تحياتى الكاتب:رامز