ظلمني القدر

الحلقه "10"

الحلــقةة10ظلمني القدر

للكــاتبـةة✒عــيوشــةة ناصر

شاهين: علاشش
نورس: عندي خطه اسهلل
شاهينن : ديري رايكك المهم نتائج مضمونه
نورس: مدور شي
وسكروو الخط🔕
اتصلت نورس بخوله
نورس: اهلا خوله
خوله: اهليين
نورس: كيف حالك
خوله: ماشي وانتي
نورس: ماشيه ... بتمشي ل بنت عمك؟
خوله: كيف.. علاش بنمشيلها؟
نورس: مسمعتيش؟
خوله: لالا... احكي
وحكتلهااا
خوله: حي قصدك معاذ هوا لي خبطها😂
نورس: ايوووه
خوله: هه حلوه والله
نورس: ايي ... توا مش انتيي معاي وتبي تساعديني؟
خوله: ايي
نورس: عندي خطه
خوله: ببه
نورس حكتلها ع خطتها
خوله: عقلكك مسوس
نورس: ههه المهم ديري لي قوتلك عليه!
خوله: تم
نورس: هاتفهاا وين؟
خوله: مش عارف توا نسال
نورس: تمام
خوله: باي توا
نورس: بايات
وسكرو الخط
قعمزت خوله تفكر الله❤🤤 توا هك سهلتيي عليا ي رسلل .. توا شن بيثير فيا بعد ماتعرف نورس انه انا مش معاها بالعكس ضدها🤔
- توا كلكم تتسالو كيف خوله ضد نورس!
اي خوله ضد نورس ، نورس تحساب خوله بدير كل شب زما قالتلها نورس اي صح بديره بس بتقلب الخطه لها هيي!
بالمختصر خوله تبي معاذ ليها هي
خوله تفكر كيف حظنها معاذ بالغلط يحسابها رسل
: احيهه محلاه♥️ من هكا الحظن ونا مش قادره نطلعكك من راسي.. ح يجي يوم وتكون ليا انا وبس😏❤
ناضت خوله لبست سروال جينز مريكاني وبلوزع ورديي هادي ووشاح حرايري مخطط وسبيدرو وردي نفس لون البلوزه
وطلعت
___________________________
عند احمد " اب رسل"

امحمد: السلام عليكم
احمد: وعليكم السلام
امحمد: كيف الحال
احمد: الحمد لله وانت
امحمد: الحمد لله ... والله جيت بنقولك ع رسل
احمد: شن فيه ان شاء الله خير
امحمد: خير ان شاء الله
رسل دارت حدث وهي توا ف المستشفي حالتها كويسه ومستقره بس ف غيبوبه وتبي وقت باش تنوض
احمد:😨😨💔
امحمد: متخافش ي احمد كل شي تمام ان شاء الله
احمد : ان شاء الله💔
امحمد: هي نمشولهااا توا كان فاضي
احمد: تي بنتي راه حتي لو مش فاضي بسيف نفضي
وركبوو السياره
ومشوا زاروو رسلل
وبوها قريب مات لما شافهاا هكك💔💔

______________________________
عند معاذ
روح للحوش دوش وغير حوايجه لبس بلوزه جيشي وسروال اكحل وسبيدرو جيشي واطمن ع امه❤ وطلع
خذاي الورد لي تحبه رسل وشراي حاجات ومشي للمستشفي
لقي العمال كيف واصلين بيركبوا المرش
معاذ: تفضلل جبت لي قوتلك عليه
المدير: تمام توا نعطيها يركبوها
معاذ: تمام نستاذن
المدير: اذنك معاك
دخل معاذ ل رسل وحط الورد جنب الباب
معاذ: جيتكك ي حلوتي .. شكلك مصره انك مش ح تنوضي😒 ليين تبهدليني عارفك انا.. ت هوا تبهدلت الزحح ... جبتلككك الورد لي تحبيهه لونه ابييض زا قلبك❤🌈ووورده حمراء زي حبنا✨🔥
حب وسلام احمر وابيض ... طالعين ع بعض وله ههه
سولتي بنمشي تواء انا ديري بالكك ع روحك❤
هي باي بنطلع ....
بعد شوي رجع: اها نسيتت
همسلهاا ف وذنها"،نحبك❤🤤"
- هاذي المره كان معاذ قوي وكانه واثق ان رسل ح تنوض بالسلامه مع ان حالتها صعب هلبا ومش مستقراء بس مافيش حد قاله كلهم يقولوا حالتها مستقرا وبس..
_____________________________
جت خوله بتزور بنت عمها
نور: خيرهم هادوو😕
مني: خيرهم
نور: زيارتهم مفتوحه ليل نهار
مني: سمعت الدكتوره ليلي قاتلهم بالذات الحاله هادي خلوها
نور: ايي باشش تدحنس ع الولد وله! توا تشوف من بياخذه الاول
منى: اسكتي راه تسمعكك
نور: طزززز فاها عقاب ارمله تدحنسس ع الاولاد خطافت رجال
دخلت خوله غرفة رسل
شافت الورد اكيد جايبهولك حبيب الفلب ! ههه خلاص توا انتتي معش حبيبك.. ح يبدا بيبي انا🤤❤ سوله حبي أسفه🤭 ولد خالتكك طرف ! احح من هاك الحظن ونا معش نقدر ننساه اه ي قلبيي الساعه كم تواء؟
ال5:25 ... خ نهدرز عليكك هالخمسه دقائق بعدين موتيي .. شوفب حتي موتكك بتجي ال5:30 نفس الوقت لي حظني فيه معاذ💋ساعه ممتعه🤤!!
مزالو دقيقتين

روايــــ💓ــــات عــــيــوشـّةة نــــاصـــر

دخلت ليلى الاداره شافت كمبيوتر كانه تبع كاميرا قعدت تتفرج وتسمع
عرفت وفهمت خوله شن ناويه! وطلت جريي
ناضت خوله من مكانها وحطت يدها ع الطبو متع الاكسجين
دكتور" على": ليلي تعالي ضروري
ليلى: حاضر شويه بس
على: الحاله مستعجله
ليلى تجري ومش هامها
انفتح الباب
خولة بعدت يدها طولل: اء هوا اتت امت جيت!
معاذ: ال 5:30
خوله عرفت انه معاذ سمعها: اء كيف هيا تواء ال،5:30!!
معاذ: لا غير سعتكك ملخبطه بس🙂
خولة: اها اوكِ توا نعدلها
دخلت ليلى بسسرعه
ليلى قعدت تشوف ل خوله
خولة: نعم؟
ليلي شن كنتي اديري؟
خولة:حلوه والله نزور ف بنت عمي
ليلي: اطلعييي
خوله: شن هيييا مستشفي بوك!؟؟
ليلى: قولت اطلعي
طلعت خوله وهي تعيط ع ليلي
ليلى: معش تخلوها تدخل
خوله: مزال والله بتحرموني من بنت عمي
ليلى: بنت عمك؟ تواء بنت عمكك!اطلعيييي
طلعت خوله من المستشفي
انا معاذ قعد مستغرب: شن قصتها الدكتوره هيهه!؟
رروحنت خولها واملها خاب
خوله: هدا لي صار
نورس: به توا بالعقل انا بنمشي؟
خوله: وشن فاها،؟ ديري روحك صاحبتها
نورس: يصير خير
خوله: ع سيرة هاتفهاا .. عند بوها
نورس: تعرفي رمزها؟
خوله: بالبصمه ... وبالوجه
نورس: يعني انا لاززم نمشي
خوله: قوتلكك!🙂
نورس: تمام وجهك تواء
وسكرت الخط
نورس مشت ل امها: ماما
ام نورس: نعم
نورس: سمعتي ب رسل؟
امها: ايي مسكينه يخفتني ي ناري
نورس: اي غدوه نبي نمشيلها
امها: عادي بري
نورس مشت ل دارها وهي فرحانه
ع النت
نورس: كلمتت ماما قالت به
خوله: تمام اخطمي علياا ونعطيككك الهاتف
نورس: تم..... به متاكده عندهات ع الاستديو؟
خوله: منعرفشش لكنن الخزنه نعرف رمزهاا!
نورس: تم تصبحي ع خير
خوله : وانتي من اهله
____________________________
عند سوسن
سمعت برسل وقريب ماتت علاهاا💔🔥🔥
كلمتها اتصال بس مفيش حد رد فتحت نت ملقتهاش متصل عرفت انه حالتهاا خطيره ومنضتش بكل💔
قعدت تتصفح جاها اشعار من فوق تفكرت انه ايميل نورس قاعد عندها دخلت عليه لقت محادثتهم عرفتت خططتهم وقعدت تفكر ف حل ... جتهااا فكره جهنميه🔥🤭
____________________
عند معاذ
طبعا قعد يهدرز ع رسلل وهي متسمعش فيه طبيعي لانها ف غيبوبه
يحكيلها ف كل شي وكانها تسمع فيه
معاذ: سولتي❤ توا بنروح غدوه نجيك! تصبحي ع خير ياروحيي
روح معاذ للحوش غير حوايجه واطمن ع امه واتاكه ع السرير: اه ي ربي ساعدني💔 ياربي ساعدني خوذ من عمري واعطيهم
امي! ورسل! حسيتت روحي انا المذنب انا لي خبطت رسل امي هكي صار فاها من صدمه رسل حاس الدنيا كلهاا ضدي💔 اول مره نحس بهك شعور شعور الضعف ... بس انا قوي رسل ح تننوض بصحه كويسه وامي خ تتعافي صح ح يقعد معاها الضغط لكن ح ندير بالي منها وح تاخذ دواها ف كل وقت !! ربي معنديشش غيرك وبين كلمة وكلمه تنزل دمعه 💔
وصلى ودعالهم ورقد وهوا مرتاح😌❤.

اما عند احمد:
يفكرر ف رسللل ليل نهار ومش قادر يرقدد 💔
_______________________________
عند رسل
كانت مره مره تنوض من غيبوبتها بس مش متفكره شيء. واغلب الوقت ف اليل! وقت مهناك حد معاها ...تقعد تبكي وبس💔مش عارفه هي من وعلاش جت ولاشيء وهل عندها اهل ولالا
ومره تكون مذكره كل شي بس تحسابه هدا كله
بس هي ف المستشفي ع خاطر صدمتهاا لي فاتت💔

#تعليقاتكم-تهمني🤞❤

توقعاتكممم💭💗 ف تعليق

ونعتـــذر لو فيــه اخطــاء املائيــه💓

عيــ✒ــوشه نــاصــر

يتبـــــع💗 》》》