حب ع الساتر
الكاتبة :مريم السعدي
"الناقلة جنات عزيز"
كملت تنظيف وراحت للغرفه الماكو غيرها بالبيت وعبالها غرفة ام علي
اريج-- دخلت للهول شفته متمدد يتفرج تلفزيون وخاله نايمه يمه ومتغطاية من طبيت كعد عدل
علي: تعاي تفضلي كعدي
اريج: لا اخذ راحتك ارتاح تعبان من الطريق
علي: لا عادي متعلم تعاي كعدي
اجيت كعدت يم رجل ام علي وعلي يباوعلي ومبتسم كال - انتي ياصف واصله
اريج - صف سادس علمي وجنت شطوره بس من طبو تركنا كلشي وانهزمنا صدك علي هاي سوارات ابويه لبسنياها كلي خاف يصير شي انصرفي بيه نزعتها من ايدي وانطيتهيا
علي- انتي يمنا متحتاجين شي هنا خليها بيدج نضرلي نضره خلتني أأمن
اريج - عفيه علي اريد اكمل سادس تكدر تدبرلي ولو اعرف تورطت بيه بس خل اكمل واتوضف والله الراتب كله الكم "الناقلة جنات عزيز"
علي - ضحك ضحكه طويله وكال تكملين من تبدي مدارس اسويلج انتساب تقرين بالبيت وترحين تمتحنين وأي شي تحتاجين تكولين
اريج - اشكرك وتبسمت
علي- باوعها متفحص وتبسم معجب بيها
اريج- ا اني حروح آنام بالغرفه من رخصتك
علي- اخذي راحتج
اريج - الحمد لله "الناقلة جنات عزيز"
يارب استر عليه نامت عالجربايه الموجوده بالغرفه مرتاحه وتغطت وضلت نايمه للعصر سمعت صوت علي يحاجي امه يمه هاي 50 وروحي اشتريلهه شتريد محتاجه شي البنيه هواي تحتاج شغلات شامبو دهن شعر ودشداشه أي شي خاص
اريج - بيني وبين نفسي تكطعت لازم الكالي شغله المسكين هو شعده ينطي هلكد فلوس اندارت لكت مكينه خياطه وهي تعرف تخيط جيت يمها لزمتها احسن نوعية لبست حجابي وطلعت ركض
- خاله هاي مکينتج
ام علي - اي يمه هاي مکينتي من زمان جنت اخيط لعلي كم حاجه "الناقلة جنات عزيز"
اريج - خاله اني خياطه توب توب اريد اخيط حتى للعالم عفيه خليني الزم روحي
علي - اريج وراج سادس متكدرين
اريج - بعدك متعرفني شكد قوية اكدر خليني اعتمد عله روحي عفيه janat_51
علي - شتكولين يوم
ام علي - شكو بيها هسة اروح لبيت الجيران اکولهم ويجربون ويشوفون اريج نزلت باست آید خالتها وباستها من راسها الله ينطيج العافيه ويستر عله عرضج مثل مسترتو عليه دمعت عين علي وتعجب بيها قويه وحلوه وعدها اخلاق الله يقدرنا ونصير الها أهل بدت تخيط للعالم وعلي اجه اخذ اسمها ومعلومات عنها حته يسجلها بالانتساب وجابلها ملازم السادس وكتب وهي مكيفه بيها علي خلص اسبوعه لازم يلتحق باجر وصار بيناتهم سوالف اخذت عليه وهو هم اخذ عليها سوالف وضحك وتساعد امه بالبيت ومونستها كيفو بيها نام علي ب 12 وره العشا لان باجر عده التحاق "الناقلة جنات عزيز"
كعد ب 3 عطشان مي فات للمطبخ سمع صوت بجي وانین دور وين الكاه بره بالحديقه طلع شغل ضوه الموبايل لكاها كاعده بالزويه تبجي بهدوء ومطفيه الكهرباء تقرب منها "الناقلة جنات عزيز"
علي - اريج شعدج كاعده هنا وليش دتبجين كافي صيري قوية اهلج شهداء دافعو عن شرفهم
اريج- علي مشتاقتلهم كلش يوميه بليل آبجي هنا لحد ما ارتاح واروح انام عوفني عفيه
علي- لج شون اعوفج واني كفلتج كافي لخاطر الله لتبجين تقرب منها رفعت عينها صار ضوه المبايل عاكس عله عيونها تقرب منها لتبجين الله عليج صيري قويه تخيليهم ينتضروج بالجنه بجت بحركه تقرب منها اكثر حضنها غمرت راسها بحضنه وبجت طلعت قهرها وهو يطبطب عليها كافي فدوه عيونج راحن سكتت ورفعت نضرها "الناقلة جنات عزيز"
اريج- علي اني بس بيك آمنت وعرفت حتخلصني اسفه حملتك همي
علي - وجهه قريب يم وجهه لتحجين هيج من شفتج قررت ماعوفج بعد وانتي سبعة محاس بشي أني شو من اول يوم صرتي خياطه والناس كامت تخيط عدج تبسمت
اريج وتنهدت بفضلكم
علي - يله امشي فوتي بارده هنا مسكها من ايدها سحبها برفق فاتت ويا كالتله علي هاك هذا الدعاء البارحه كتبته الك دعاء الجوشن الكبير لبسه عفيه علي - ليش البسه ؟
وعيونه بعينها: تخافين عليه يصير بيه شي؟
اريج - اسكت عفيه لتكول هيج كلبي ميتحمل يفقد أحد بعد ابتسم علي وباسها من راسها
- لتخافين
واخذ الدعاء من أيدها وخلاه بجيبه
-يله روحي نامي
اريج- تصبح عله خير
علي - وانتي من اهله
راقبها من دتدخل للغرفه وتنهد راح كلبي من حضنتج ولزمت ايدج أوف الله استغفر الله دار وجهه ونام وصورتها بباله janat_51
اريج - بالغرفه اوف اني اكيد حبيته هيج امان محاسه بي من زمان حضني ونسيت الدنيا وباسني من راسي ذبت وروحي ارتاحت بس اكيد شايفني مثل اخته جان تاثر مثل متاثرت اني اووو استغفر الله اني بيا حال خل ابني مستقبلي هي مال حب بهالوضع نمت وكعدت وي صلاه الفجر ب 5 كمت صليت وسمعت صوت خاله تودع علي طلعت ركض وسمعته يوصيها بيه اويلي عالحنان البي طلعت
اريج- تروح وتجي بسلامه
علي - الله يسلمج ديري بالج عله امي اريج ونضرلي بعيون كلها حب واني عيني دمعت وكلبي رجف اخاف افقده ومصدكت صار عدي ضهر من بعد مفقدت كلشي
- اي علي ليضل بالك اخليها بعيوني وصل لباب البيت اندار عليه وخاله كلتله يمه اريدك متبقي ولا نكس بكاع وطنك تعجبت من عزيمتها وصبرها وايمانها وكلت بداخلي لا عتب على علي من يكون بهالنخوه والغيره وامه هيج مربيته الله وياك يوم محروس بالله و 12 امام باسها من راسها وباوعلي وطلع واني ايدي عله كلبي ربي رده سالم مالي حيل أفقد بعد سدت امه الباب وحضنتني تبجي janat_51
- همزين انتي يمي تونسيني وتصبريني عله بعده اريج- لتخافين خاله يرجع بسلامة ان شاء الله
كمت كملت خياطي والناس كامت تجيني من ذاك الصوب علمود خياطي واني ابدع بي مثل ما علمتني امي وجمعت فلوس هواي وكمت اشارك بمصروف البيت وخاله متقبل واني اكولها خاله خليني براحتي بس جنت ابد ماطلع من البيت اخاف ومره اجه اخو علي حسن ومرته عدنا حبيتهم كلش وهم هم مخلوني احس اني غريبه ابد بس اخت مرت اخو من شافتني الوانها انكلبت مدري ليش !
يتبع..
مريم السعدي
الناقلة جنات عزيز janat_51 تابعو حسابي ❤
