مساحه للذكر
لا اله الا انت سبحانك اني كنت من الظالمين .
اللهم اغفر لنا و تب علينا .
اللهم سترك و عفوك و رضاك و حسن لقاك .
............................................................................
خواطري .
عدت إليك لاجبرك فكسرتني .
هذه قصتي معك ، اسمعها بقلبك !
هل تتحقق الأمنيات يا تري ؟!
هل تسمع دقات قلبي ؟ ماذا ! اسفه لقد نسيت لقد قتلتني مرارا فلم يعد لي نبضا من الاساس .
............................................................................
في مملكه عظيمه بعيده اوي اوي اوي اوي عن العالم بتاعنا ، في مكان خيالي جدا ولا في الاساطير .
كان في جبل عالي اوي اسمه جبل الأمنيات و في قمته في مغاره اللي يقدر يوصلها بتتحقق أحلامه .
الأمير لما كان صغير كان علطول بيسمع قصه المغاره كانت اكتر قصه بيحبها و كان علطول بيقول لنفسه انه اول ما يكبر لازم يدور عليها و يلاقيها .
و كل ما يكبر كل ما الفضول بيكبر معاه .
لحد ما جه الوقت اللي قرر فيه انه يروح مع اقوي حراسه لجبل الامنيات.
عنده فضول يعرف المغاره دي شكلها ايه ؟
هي موجوده اصلا ولا اسطوره الناس بتحكي عنها ؟ طيب ازاي هتحقق أحلامه اصلا ؟
بعد أيام طويله فاتت علي الأمير و حراسه و هما بيتسلقوا الجبل وصلوا للقمه .
كان الأمير متحمس جدا اخيرا وصل بعد كل السنين دي . كان لازم يسيب الحرس علشان يدخل المغاره لوحده .
خد نفس عميق و نزل من حصانه و دخل المغاره .
اول ما رجله دخلت المغاره لقي نفسه جوه غابه جميله، مكان مبهج ، أشجار كتيره اشكالها غريبه و لونها اخضر عجيب ، و شلال و بحيره صافيه لدرجه انك تقدر تشوف الأسماك و فيها حاجات بتلمع زي الدهب ،
كل حاجه كانت جميله و سحريه .
كل حاجه حواليه كانت مبهره .
مشي شويه مبسوط و حاسس فعلا انه احسن قرار خده في حياته انه يروح المغاره دي و يستكشفها بنفسه و يرضي فضوله و تفكيره فيها طول الوقت .
بس فين بقي اللي هيحققله أحلامه ؟
و اصلا ايه هي أحلامه هو أمير و بكرا يبقي ملك و عنده كل حاجه !
ايه اللي ممكن يتمناه ؟!
فضل ماشي محتار ايه اللي هو محتاجه في حياته ؟!!!!
معرفش يختار حاجه معينه ، كل الي فكر فيه انه عايز حد يخليه علطول مبسوط و يكون جنبه و يحقق كل اللي نفسه فيه طول الوقت .
فجأه ظهر قدامه صندوق خشب قديم ، مد ايده و خده و اول ما لمس الصندوق اتفتح بطريقه سحريه و خرجت منه جنيه صغيره بصتله و ابتسمت .
الجنيه انحنت قدامه و قالت بسعاده و ثقه في نفس الوقت : انا فانا (vana) اميره الجنيات و انا اللي هحققلك احلامك .
الأمير بصلها بأستغراب : انتي بقي اللي هتحققيلي كل احلامي !!!!!!
استقامت بكل ثقه و طارت لحد ما وصلت لوشه : ايوه انا اللي هحققلك كل احلامك ( و قعدت علي منخريه) ايه مش عجبك (و رفعت حاجبها ) .
الأمير : انا كنت بفكر في حد يكون جنبي علطول و يحقق احلامي مكنتش اعتقد ان المغاره هتهديني دبانه . (و حاول يهشها من علي وشه ) .
فانا : فانا اسمي فانا مش دبانه يا انت ، و انا اميره الجنيات يعني انت محظوظ اني طلعتلك اصلا ( و ضربته في دماغه ) من دلوقتي هفضل علطول معاك .
الأمير بتحدي : فعلا ، انتي متأكده من اللي انتي بتقوليه .
فانا : فعلا ، طبعا ده اكيد و غصب عنك ( طارت لحد ما وصلت لودنه و قالت بتحمس ) يلا بقي قولي هنعمل ايه !
الأمير (هشها من جنب ودانه و خد الصندوق ) : طيب اول حاجه رجعيني انا و الحرس بتوعي للقصر .
فانا كتفت ايدها : اطلب مني بطريقه حلوه الاول .
الأمير بأستغراب : انتي بتشرطي ؟
فانا : اكيد ، المفروض انك امير و بتفهم في الذوق يعني ولا ايه .
الأمير : طيب ممكن حضرتك ترجعينا القصر ؟ .
فانا (بسعاده طفله ) : حالا
طقطقت صوابعها الصغيره لقي الأمير نفسه في القصر هو و الحرس بتوعه.
فانا و هي بتتنطط علي الصندوق : ها عايز تعمل ايه تاني .
الأمير بصلها بخبث و ضحك : عايز امسكك .
فانا : ليه ؟!
الأمير : عايز اسلم عليكي يا ام لسان طويل.
مدت لسانها علشان تقيسه بصوابعها .
فانا : س£%¥÷($*=)#^^÷.
الأمير : مش فاهم حاجه ، سيبي لسانك يا ذكيه علشان افهم بتقولي ايه.
فانا : لساني مش طويل .
الأمير : طيب تعالي هنا لو سمحتي و مد ايده .
فانا طارت جنبه و قعدت علي كفه ايده راح قافل عليها بسرعه
الأمير : وقتك انتهي يا أم لسان طويل و دخلها جوه الصندوق و قفله بسرعه .
و قرب من الصندوق و همس اشوفك بكرا الصبح .
قعدت فانا جوه الصندوق زعلانه مكنتش عايزه يدخلها جوه الصندوق
الصندوق ظلمه و بيخوف بس هو قالها هيشوفها الصبح مش مشكله هتستني ، ما هو بقي قدرها و مبقاش ليها غيره . ابتسمت و حاولت تنام بس كل اللي كانت بتشوفه لما تغمض عنيها صورته بس .
يتري الأمير و فانا هيعملوا ايه ؟
بكرا نعرف
تن تن تااااااااااا
هنزل هنا ٣ قصص قصيره كل قصه 5 chapters
بحبكوا ووحشتوني💋💋💋💋
