احببت ابنه عمي

الجزء الثالث ☺️☺️

سجاد /طلعنا من الفجر وهسه وصلنا للبصره والساعه ب10الصبح نزلنه من السياره لكينه عمي وابنه حيدر متانينه بالكراج نزلنه من السياره الي جنه مستأجرينها ورحنه سلمنه على عمي وحيدر

ابو حيدر / هلا بخوي شلونك يغالي مشتاقلك هواي

ابو سجاد / هلا بيك خويه والله واني هم مشتاقلكم كومه

ابو حيدر / خيتي ام سجاد شلونج

ام سجاد /هلا بيك اخويه والله الحمد لله بخير بشوفتكم

ابو حيدر/سجاد عمو حبيبي شلونك كبران وصاير حلوو

سجاد /هلا بيك عمو الغالي والله الحمد لله بخير

ابو حيدر /هلا بمرت ابني هلا برنين شلونج عمووو

رنين/هلا بيك عمو والله اني بخير الحمد لله 😊

حيدر (بنفسه) طلعنه اني وابوي من البيت ورحنه ننتضر عمي شويه وشفتهم نزلو من السياره ابوي راح يسلم عليهم واني وراه شويه ونزلت بنيه تخبل صفنت بيهه شوي وعرفت هاي مرتي المستقبله وام جهالي بس مو مره طركاعه شنو هلجمال تخبل تموت شويه ورجعت لوعيي وسلمت عليهم 😁

رنين (بنفسهه) نزلت من السياره لكينه عمي وابنه حيدر متانينه ضليت صافنه على ابنه شنو هاذا طركاعهه شويه وباوعلي درت وجهي وصارن خدودي حمر سلم عليه عمي وكال هلا بمرت أبني اني متت من الخجل كلش جنت مستحيهه 😳☺️

وصلنه لبيت عمي الساعه ب11 نزلنه ولكينه عمامي هناك وجدي ونسوان عمامي وولد عمي وبنات عمي نزلن امي ورنين راحن دخلن للبيت واحنه سلمنه ودخلنه بالديوان الي بره

كعدنه سوالف وضحك

(عند ملاك) ❤🖤

خلصت امتحان وجنت فرحانه لان اليوم آخر امتحان الي شفت الساعه صارت ب11:30 رحت للبيت واني كلش فرحانه دخلت رحت كبل للصاله مالت بيتنه شفت نسوان عمي كاعدات وبيبي وبنات عمي وماما دخلت كلت السلام عليكم ورحت سلمت عليهم وحده وحده صراحه همه آخر مره شافوني بيهه من جان عمري 15 سنه لان اني مااطلع اهوي احب اكعد بالبيت وصلت لمرت عمي ابو سجاد وكالت

ام سجاد / يمه فدوه شنو هاي الملاك ولج ملوكه صايره تخبلين

ملاك/ شكرا عمه حبيبتي ☺️

بالديوان مال الرجال

جدي /ابو حيدر بويه لعد وين ملاك صارلنه هواي مشايفينهه صيحلهه خلي انسلم عليهه

ابو حيدر /اي بويه صار حيدر بابا روح صيح لاختك

حيدر /صار بابا

ملاك جنت كاعده بملابس المدرسه بعدني واجه حيدر صاحلي كال تعالي جدو وعمامي يردون يسلمون عليج يحجي وعينه على رنين وهيه مدنكه راسهه وحيل خجلانه

ملابس المدرسه مالتي

دخلت للديون ماكو احد غريب بس جدي وعمامي ولدهم وبابا واخوي دخلت واني حيل مستحيهه كلت السلام عليكم وكل الانضار توجهت عليه

جدو /هلا بملاك هلا يبعد جدو شنو هاي كبرانه وصايره كيك

ملاك /هلا بيك جدو ☺️☺️

سلمت عليهم واحد واحد وصلت لواحد كلش حلو باوعتله وكلت مرحبا هوه وكف ومد ايده وصافحني واني جنت راح اموت من الخجل

سجاد جنت كاعده بالديوان يم جدي وعمامي ولدهم فجأه كال جدي لحيدر وين ملاك اختك خل تجي اني مااهتميت وكملت سوالف وره اشوي دخلت بنيه مو بنيه طركاعه تنكرط كرط اشوف ولد عمي يباوعولها اني حيل انزعجت 😤اشوف جدي كاللهه صايره كيك هيه صارت طماطه ههه فدوه وصلت يمي كالت مرحبا ومدت ايدهه اني وكفت وصافحتهه هيه ابتسمت وطلعن غمازاتهه يمه فدوه راح انجلط من وره هاي البنيه سلمت وخلصت واني عيني عليهه بس انوب طلعت

......يتبع 😘😘