#إنتحال_طفله 7
سراج:الووو ه
هناء:استغربت لما شافت سراج وقف بصدمه والتالفون علي وذنه ..
سراج:ساكت لاكن ملامح وجها كانت غريبه
امين:هه خيرك يا ضابط زمانك مصدوم؟! قالو بنتي عندك
سراج:انت شن رايك !!
امين:ولع الدخان...الراي رايك
سراج:بعدين فيه اب ميسألش ع بنته لتوا؟بنتك ليها يومين ..حسب علمي حتى لو كان الراجل تاجر عفن ووسخ وفرخ حرام لاكن مش رح يكون اب مهمل هكي
امين:نفخ الدخان...اممم أثرت فيا والله!
سراج:بنتك تبيها سلم روحك مفيش تفاوض فيه الموضوع هاذا
منار:طلعت من الدار لابسه توته رصاصيه في الوردي ....فيكم الخير جبتولي حاجه من مقاسي😂
هناء:ساكته وتشوف لي سراج
سراج:اشر براسه لي منار بمعنى تعالي
منار:قربت...شني
سراج:فتح المايك ...
امين:حسيت الايام هاذي حاطيني في راسكم هلبا لدرجة ناسيين علاقاتي وناسيين منو نكون اصلا
منار:بابا🥺...بابا
سراج:انا مش من الفئه الفاسده يلي تعاملت معاهم في مجالي ..حاليا في قضيتك بذات رح نطلع من القانون ...البنت عندي وفهمك كفايه
امين:هه ع اساس لوية ذراع يعني
سراج:اعتبرها كيف ماتبي واحسبها كيف ماتبي لاكن غير تسليم روحك مش ح نرضى بشي تاني واعلى مافي خيلكً اركبه
امين:البنت خليها عندك منبيهاش اصلا لو كانت بنتي ساعه وحده مش رح تقعد عندك وراهو قلبت الدنيا عليكم..اتصلت باش نطمنك بس كلها ساعات ونكون برا البلاد طول عمركم يارجال الشرطه رح تقعدو مضحكه واغبياء....وسكر الخط
هناء:كيف😨كيف مش بنته
منار:ساكته وتبلع في ريقها
سراج:لوح التالفون ع طول يده وفقد اعصابه ...قرب من منار وخنقها وهوا يعيط عليها ...منووووو انتي يا بنت الحرااااام منووووووو
منار:تبكي
هناء:حزت بينهم وتحاول تفكريدين سراج من علي منار.....سراااج اهدا بطل البنت بتموووت
سراج:طلقها بقوه لين طاحت ...وكانت ملامحه تخووف لو مكانتش هناء موجوده كان خلص عليها وقتلها !!
هناء:ساعدت منار انها توقف ....خلص انتي بري لوحده منوالغرف توا معش تطلعي
سراج:يعيط.....تي اما غررررف تدوى انتي خليهم هنايا تنبح وتعترف بكل شي
منار:منهاره بي البكي
هناء:خلاص برررري
منار:خشت لي الدار بدون ولا كلمه ودموعها سابقينها 💔
سراج:قعمز وهوا متنرفز ولوح الصحن يلي كان قدامه ويعيط...كككككله ضااااع كل شي ضااااااااع الزززززززفت كيف قدرو يضحكو علينا المشكله متأكد انها نفس البنت بنته هوا نفس صورتها في السجل المدني
هناء:مسكت يده...سراج بالله عليك اهدا البنت ممكن يكون عندها تفسير لي الشي هاذا منبيش العصبيه هاذي ترفعك لي شي غلط وتخليهم يشمتو فيك
سراج:سحب يده وناض
هناء:سكرت يدها ورجعتها لجيبها💔
____________________
ندى:اوكي تمام هكي نكونو رفعنا القضيه وبي اذن الله اول محكمه رح تكون الخميس ...به تعتبر مش بعيده
غزلان:اي الحمد الله
ندى:وبنسبه لي زوج رح توصله دعوه لعنده وهوا حر يجي او لا حسب خبرتي هكي ولا هكي انتي رابحتيها القضيه بعد الدلائل يلي قدمتيها ...ولا شنو رايك حضرة الضابط؟
ناصر:سارح في غزلان...ها😨اي اي مزبوط
ندى:ضحكت..شكله الايام هاذي مكتريه عليك شغل مش قادر تركز ياحليلي 😂
ناصر:😅😅اي حاجه زي هكي
غزلان:يالله عن اذنكم لازم نمشي توا
ندى:معليشي بنسألك ...انتي توا مع منو عايشه؟
غزلان:ماما ..اختي الكبيره متوفيه واختي التانيه متزوجه اما انا قاعده معلقه وخلاص
ندى:اهااا...به تمام
غزلان:شكرا ليك مستحيل ننسى معروفة
ندى:اهلين بيك
غزلان:مدت يدها لي ناصر....وطبعا الشكر الاول يرجعلك
ناصر:مرتبك بس تعابير وجها تجنن❤️...ولا يهمك
غزلان:طلعت من المكتب وخذت قلب ناصر معاها لان طووول الوقت سارح يذكر في طريقة كلامها وضحكتها ولمعة عيونها 🔥
