حياتى كذبه💔💔

الحلقه 1

المقديمه

نزار:تمام هيا باي سلملي ع امك
لوجيد:يوصل باي
نزار صاحب(لوجيد(بطل الروايه)والاتنين عمرهم 24ونزار أمه ميته من لما كان فى أولا التانوي وحولوا من حوشهم ومن المدرسه كاذلك وتعرف ع لوجيد وزايد امه طيبه هلبا اسمه (مها)وكانت تعامل فى نزار زي ولده وهو يحبه زي امه واكتر♥️
لوجيد:روح للحوش ..السلام عليكم
لجين:وعليكم السلام
لوجيد:خوك المستفز جي
لجين:لا مزال مرته مشت لحوش بوه وبنت الكيوت قعدت معا عمتها
لوجيد:باهى انى بنركب انبدل وتوا ننزل
تعالوا انعرفكم ع عيلة بطلنا
بوه عبد الله :إنسان جاد هلبا ورسمي و يعامل فى ولادة بطريقه قاسيه من لما كان صغار وهو دكتور و عنده عياده خاصه
امه مها:إنسانه طيبه طيبه الى ابعد الدرجات
و تعامل فى الناس كلها معامله كويسه وتضحك لكل حد رغم ان كانت عندها هلبا مشاكل واولها جته مشكله بعد جابت ولده البكر وقعدت فتره متجيبش فى صغار وتحمل وترمى بس بعدها حملت وقالو الداكاتيره انه بنت وفى احتمال انه تموت بس جابت و المفاجه انهم توأم
خوه محمد:عمره33 متزوج ومرته اسمها ياسمين
عمره28 وعندهم بنت ارين عمرها5سنين وولد معتز عمره سنه
لوجيد:جوه مليح لكن عصبي هلبا هلبا وديما هو مش متفاهم مع بوه ودلوع امه تحبه هلبا ♥️ ويصلي فى الجامع وخاتم المصحف لما كان صغير وطيب وفالح ويحب يعتمد ع روحه
وهلبا حجات تعرفوه فى وقته
اخته التوأم لجين :جوه مليح ودلوعه هلبا لكن بوه هو الى مدلعه ع خاطر بنت واحده ❤️وحتى هى كويسه وتحب لوجيد هلبا وتسمع فى كلامه

لوجيد:شن الجو
محمد:تمام
لوجيد:وخيرك تتكلم من رأس خشمك🤨
محمد: مدخلكش
لوجيد:علاش شنى صاير
محمد:ما فى شئ
لوجيد:لا فى
محمد:😠افففففففف
لوجيد:قولي
محمد:الها فى قرائيتك ياولدي
لوجيد:😑متقوليش شئ اصلا الحق مش فيك في الى يسئل فيك
محمد:الحق انى درت مشكله فى العياده وانت لازم تعرف تعالا غدوا لمكتب بوي بنديروا اجتماع
لوجيد:انى
محمد:ايه
لوجيد:لا انى اصلا مش حنخدم غادي
محمد:😂😂
لوجيد:خيرك🤨نتكلم بجديات😇
محمد:🙁وعلاش
لوجيد:انى منحبش نخدم فى عياده
محمد:مش ع أساس بتشد قسم المحاسبه
لوجيد:أصلاً وبوك مش واتق فيه وانى لا نفهم في بوي لا هو يفهم فيه وديما وحنى متعاركوا من لما كنت صغير وهو هكى
محمد:يعمل فينا كلنا هكى
لوجيد:لا انى بزايد
محمد :شوف روحك شنى ادير🙂
لوجيد:انى 😇
محمد:شنى اخر عمله درته
لوجيد:لا خلاص معاش في شى غير انى حولت لكوليت الشرطة يعنى ليا 3سنين عاقل
محمد:مشاء الله وشنى بتقوله توا انت مفروض السنه هذه تكمل محاسبه
لوجيد:ايه عادى انقول عندي مواد هلبا😁وسنه الجايه انشاء الله نتخرج من كلية الشرطة 👮‍♂️
محمد:🤦‍♂️انى قصدي شنى بتقوله لما تبدا شهادتك مش محاسبه
لوجيد:😑كل شي فى وقته حلو

(حنى توا حبيت نعطيكم فكر ع حيات لوجيد)
(لوجيدوتسريع فى الأحداث )
(ويبي يقول لأبوه)

عبد الله :باهى واخيرنا إنجاحة مبروك ياولدي
لوجيد:الله يبارك فيك .....بوي
عبد الله:نعم🙂
لوجيد:فرحت
عبد الله:أكيد 🙂🙂
لوجيد :لكن 😅انى راه...
قاتعه عبد الله:انت تخرجت من كلية الشرطة 🙂
لوجيد:😁كيف عرفت
عبد الله:السنه الى فاتت مفروض تتخرج مشي قلت انك عندك مواد هلبا بعت حد يسأل وبعدين عرفت انك سجلت فى كلية الشرطة 🙂
لوجيد:وعندك عادي
عبد الله:ايه اريح ان انى منبيش نخدمك معنا فى الشريكة
لوجيد :انى الى نبي نخدم معاكم يعنى😒
عبد الله :والله هذه حياتك وانت حر
لوجيد:😊😊
عبد الله:بادله الابتسامه
لوجيد:امشي و كلم نزار واحتفلوا مع بعد طبعنا نزار كان يخدم فى مركز الشرطة وكان متفوق هلبا و وصل لرتبته ضابط في سنتين و ام لوجيد قرائي سنتين تجاره وبعدين غير وتوا يبي يخدم مع نزار♥️
وبعد فتر لوجيد بدي يخدم وأموره تمام فى يوم من الأيام جاته مرا اسمها (ملاك)عمره 45 سنه لكن تبان اصغر بهلبا تبان فى بدايت التلاتين
خشت لمكتب لوجيد
ملاك :السلام عليكم
(وكان منضرها مراه مش مزبوطه وتتكلم بطريق سحنونه لكن حلو حلو ونحاول انوفر صورته )
لوجيد:وعليكم السلام تفضلي
ملاك:لوجيد😊
لوجيد:ايه تفضلي منى حضرتك
ملاك:كيف حالك
لوجيد:اسف لكن منى حضرتك
ملاك :كيف حال اختك
لوجيد:تى منى انتى
ملاك:خلينا نتعرفوا
لوجيد:عفون
ملاك:اصبر شويه وتوا انفهمك...كيف حالك
لوجيد:هز براسه بمعنا باهى
ملاك:مشاء الله عليك امولي راجل
لوجيد:شكراً
ملاك:استاحشتك هلبا والله
لوجيد:يا ابله راه منعرفكش
ملاك:لوجيد انى.......
لوجيد:ههه شنى
ملاك :.....
لوجيد:تى شنى تقولي انتى متعرفيش فى منى تكلمي انتى راه
ملاك:لا نعرف لوجيد عبد الله والى يكون......
لوجيد:باهى اقلبي وجهك لا نفقد أعصابي
ملاك:لا.....
لوجيد:.....................يتبع.......
القصه حلوه كملوها♥️