جرحني حبك /Your love hurt me

الخامس

رأيكم برسمي اكمل لو اوكف💁🏻

========================
حبيبي نور كوم اكل لكمه من البارحه ما كلت شيء وهم علمود اداوم  يعني ما تعرف ابوك هسه ياخذه حجه ويخليك حتى مدرسه ما تروح كالته امي وهي تهز بيه بهدواء
نزلت الغطاء من وجهي وأنا اباوع عليه ..... يمه شفتي شسوى تر عيب كدام الناس هيجي يضربني ادري عادي أبويه بس يمه انا مو ابنيه  صدك علمود يضربني على شغله شرف موزين انا متحمل هذا الشيء انو انا ابنيه كدام الناس ومجاي أعيش حياتي مثل اي ولد
امي كانت تسمع وهي تمسح بشعري وتهز براسه ... ...ادري والله ادري تعبناك بس يا يمه ما بقى شيء وانت اعرف بحالنا لا تشوف هسه اكو غداء وعشاء عندنا يمه من جنت اصغيره نتغداء وما نتعشاء وتمر أيام بس على هذا الريوك   هسه حبيبي انت كوم اكل لكمه وياي ما دائما ابوك مو هنا ومن ترجع سولفلي الي بخاطرك بعدين يا حبيبي انت اهم شيء مستقبلك  استغل الوضع الي انت بي طلع معدل زين علمود باجر عكبه إذا تريد تتحرر من الي انت بي عندك سند شهاده تساعدك  كوم يلا عندي هواي حجي وياك من زمان ما كعدت وياك
اومئت .... ان شاء الله يمه ..وأنا أكوم أبوس رأسه ورحت ابدل ملابسي

اليوم ثلاثاء وعيد ميلاد ساره السبت يعني منا للسبت الآثار تروح مال الكتله باوعت على جسمي كان ابيض كلش والنمش الي بي هواي ضليت صافن للحضه وخطرت أبالي فكرره  بس ما اكدار اسويه الا محمد يساعدني ابتسمت وأنا اباوع على شكلي ... بسيطه اريد اشوف شلون مسوي روحك شيخ علينا 
لبست تنوره أكصيره والقميص مال المدرسه وشعري رفعته كله ونزلت خصله  على وجهي طلعت الكحل وحطيته بعيني والرواج وردي
يعني حاولت بكل الطرق انو اطلع شكلي مغري

الساعه ٧:٣٠  هسه رح يطلع على ما اعتقد
طلعت من البيت اباوع الباب بيتهم بس محد طلع رجعت كعدت على الكرسي انتظرت ،،،،،،وانتظرت ،،،،،،،وانتظرت رجعت يم بابهم وهم ماكو السيارة بعده ما طالعه الساعه ٧:٥٠  شوكت يطلع خرب  موبايل ما عندي جان سالت ساره  رجعت كعدت على الكرسي وأنا افكر خائف عيب هيجي اسوي بس شنو العيب انا مو بنيه عادي قابل صدك رح ينغري بهل الأشياء ووووه شنو هل افكار انا قرارات وخلص ييي اومئت النفسي بنفس الوقت سمعت صوت بابهم بسرعه كمت وسويت روحي جاي اعدل الحذاء

سليمان شفته  عينه عليه بصدمه  وهو يتقرب الي عزززه انا ما كنت هيجي مخطط بس  استغرابت على   شنو مصدوم  عباله رح ابات بالمستشفى ابتسمت وأنا ارفع راسي أخذت الجنطه من الكرسي وسويت روحي علساس ما شفته
    وأنا  البس الجنطه بابتسامه  بعد ما حجى شيء عفته وطلعت من الباب بسرعه

استغفر الله وأتوب اليه ... كاله وهو يباوع على قمر الي كان شكله مغري بجد شعره الي منزلت على وجهه وتنوره قصيره الكحل البعينه كل هذا جذب سليمان يباوع عليه بصدمه يعني هي البارحه مكتوله وفقدت الوعي واليوم تبتسم للهواء شلون تلبس هيجي هز رأسه وراح صعد للسيارة الي كانت ساره صعدت بيه من زمان