السلام عليكم ورحمة الله وبركاته
ازيكم ي بنتوتات
لقيت نفسي فاضية ف قولت اكتب شوية، بس متستنوش مني حاجة
موضوع النهاردة غريب شوية،شويتين ،كدا يعني ،ال هوا صورة البروفايل.
معظمنا مش بيهتم بالكلام دا خالصص '، انتى ك بنت قمر يعني ،ليه تحطى صورة بنت .......ربنا يهديها ،صورة الاكونت بتاعك أو بتاعت الواتس ،اي ابلكيشن يعني بتعبر عن شخصيتك ،'ايوة يعني ايه الكلام الفارغ دا علفكرة أنا محترمة بس انا بحب الممثلة دى او البنت دى وهحط صورتها ،انتى معقدة كدا ليه ،ملقتيش غير صورة البروفايل وتتكلمى عليها ،انتى بتتلككى علفكرة وعايزة تفتحي موضوع وخلاص'، أولا انتي لما تحطي صورة بنت، انا عايزة اقولك حاجة يستي ، اكيد انتي عندك ارقام رجالة، بباكي ، اخوكي ، عمك ، خالك، كدا يعني ،هيشوفو الصورة ال انتي حطاها ، المهم .. شعر البنت ال بيبان دا ، هيا بتتعلق منو يوم القيامة، وبما انك حاطة صورتها ف انتي بيساعدي ف دا فبتاخدي ذنوب علي داوالله اعلم عقابك هيبقي اي ، البنطلون ال بتلبسو، بتاخد سيف من نار يوم القيامة وبيتقطع ف جلدها يعني كل دا علشان اي ؟! طب انتي استفدتي اي علشان يحصلك كل دا ! الصورة مش املة يعني ، ف مليون صورة احسن من كدا بكتيير ، طب افرضي انك موتي قبل م تشيليها ، كل م حد يفتح الشات بتاعك أو يشوف الصورة ال انتي حطاها، هتاخدي سيئات والمشكلة بقا انك ف قبرك أساساً، يعني هتتعذبي دا غير ذنوبك ال عملتيها ف حياتك ، وهتبقي سيئات جارية !يعني م الاخر كدا الصورة ملهاش اي تلاتين لازمة، ،واتلمي يختشي ،انا بقولك كدا عشان انتي اختي ،ولو انتى عايزة تتغيرى فعلا الحجات البسيطة اللى زى دى بتفرق،واسمعي الكلام احسنلك عشان انا صوابعى فلقت من مكانها أساساً،وتعبت ف الكلام دا وارهقت جامد اوى يولاد😂
وحاجة كمان ،بخصوص الانستا ،الفيس،التويتر،الواتس،الابلكيشنز دى ،انتى قاعدة ف امان الله ،بتقلبي ف الفون ،سمعتى اغنية عجبتك ،تاخديها،نزلتيها استورى مثلا،دا مواااااااااال ،اولا انا مش هقولك الموسيقى حرام ،عشان هتكلم ف الموضوع دا بعدين ،بس هقولك الموسيقى حرام،المهم....اي حد بيسمع الاغنية دى بتاخدى ذنوبه ،عارفة الاول اي اللى بيحصلك لما تسمعى موسيقى.....يوم القيامة بيتحط ف ودنك حديد سايل وسخن اوى اوى ،تخيلى كدا !! ،دانتى لو اتلسعتي وانتى بتعملى الشاي هتقلبي البيت ،مبالك بقا من حديد،سايل،سخن اوى اوى ،ف ودنك !! ،نرجع لموضوعنا ،فانتى لو نزلتى اغنية الاستورى أو فيديو ع الاكونت بتاعك،فانتى راشقة ف كمية سيئات ،كللل دا عشان اي؟ عشان صوابعك بتاكلك أو عايزة الناس تقول عليكى ذوقك حلو ف الاغانى ،ولا عشان الاكونت بتاعك يبقى فيه فيديوز وخلاص ؟دا انتى حتى لو منزلتيهاش ،الداتا بتاعتك مش هتخلص ع الفاضى يختي ،وغيير كل الكلام دا،ممكن حد يشوف الأغنية ال انتى نزلتيها دى،فتعجبو،فيجيبها ،فيقعد يسمعها ،وممكن ينزلها ،وممكن الناس ال عندو ،تعجب حد فيهم ،فياخدها وينزلها ،وممكن الحد دا شخص م اللى عندو تعجبوا ف ينزلها .....و..ارنبنا في منور انور وارنب انور ف منورنا ،شوفتى بقا ي ستي ،كل دا عشان اي؟؟ ال عندها سبب تقولى ي تقنعنى ي أقنعها،بتكلم جد علفكرة ،ف انتى المطلوب منك تروحي تشوفي الابلكيشن ال عندك والاستوريهات ال منزلاها ،وتمسحي اللى انتى شيفاه غلط ،علفكرة انتى مقتنعة جداااا بالكلام دا،وعارفة أن دا صح،بس ممكن مش عايزة تطلعي نفسك غلطانة،كلنا بنغلط بس قليل اوى ال بيصلح غلطو ويبدأ من جديد ،ف خليكى انتى م القليلين دول، 'علفكرة ي زليخة انتى انا لو مسحت اللى انتى بتقولى عليه دا ،الاكونت هيبقا فااضي ' يبقا فاضي احسن من انك تاخدى ذنوب على جزء صغير اوى اوى من حياتك ..
اخر حاجة بقا
اللي عندها معلومات تقولها لنا ،عشان نستفاد من بعض💚
السلام عليكم ورحمة الله وبركاته
