اكتر جزء بحبو بحياتي معك هوسهراتنا انا وياك لوجه الصبح
بيتنا الصغير يلي عم تملاه صوت ضحكتك
الامل والحب يلي عم شوفو بعيونك
مزحك لعبك وروحك الحلوة
حضنك الدافي وصوتك يلي بياخدني لمطرح كتييير بعيد
تفاصيل حياتي كلا يلي عم عيشا معك بكل خطوة
صباحي يلي ما بيكتمل غير بوجودك معي
انت اجمل هلوساتي
انت الي وبس
ماحدا بشوفك
ماحدا بيسمعك
ماحدا بحس فيك غيري انا وبس
بتعرف شو قلي الدكتور
قلي انو انا مريضه
وانك انت مو موجود
مارح رد عليه للدكتور
قال عطاني دوا مشان ما هلوس فيك
حتى بالهلوسه مابدن ياني عيش معك
مابدن ياني حبك
مابدن ياني اسس حياتي الي انا بحلم فيها معك
قال انت مو موجود
ما بيعرفوا ولا بتعرف اني عم شوفك وعم اسمعك وعم حس فيك وعم اتأملك كل يوم
احكيلك كلمه
قلو للدكتور انو نحنا عنا ولاد
قلو انو مافينا نتركن لحالن
ما بيصير لازم نضل جنبن
نطعمين نكبرن نخاف ع مستقبلن
ولادنا الي ضلينا كتييير عم نفكر شو بدنا نسمين
احكيلك كلمه
مارح اسمح لشوية ادويه
ادويه هلوسه
تخرب سعادتنا وحياتنا وحلمنا
بوعدك ضل مريضه فيك حتى موت
ماتخاف حضل هلوس فيك لاخر يوم بعمري
وكمان ح هلوس بوطن
وطن مافي حرب
كمل حياتي انا وياك فيه سوا
اتفقنا..💚
#Ahllam.mos💚
أنت تقرأ
انفصام
Mystery / Thrillerمن الصعب أن تعطينا الحياة كل ما نريد ونتمنى..لكن إرادتنا هي من تعطينا الدافع لنحيا رغم الوجع..💔🍁
