جمعنا الله وفرقنا عباد الله

البارت 3

يسعد مسائكم
جمعنا الله وفرقنا عباد الله
للكاتبة ولاء العراق
اليوم ارربعاء الحنة 2010/10/9
حضرنه نفسنة واجانة ساهر اخذانة للصالون  بل 7:00  لل2:00  رجعنة لبست بدلة تركوازي بوقتي محد لابسة هلون جان كلش حلو وغريب وعدسات سمائي وكعب قلم ومكايجي  ردت الحنة طوخ والعرس خفيف
طلع كلش راقي الصالون بالكرادة الحنة والعرس   م̷ن̷ 🌸 طلعنة  م̷ن̷ 🌸 الصالون رحنه للمصور اخذنة صور  كملنه ورجعنة للبيت
لل 4:00  اجووو  هوسات واغاني وحارگينهأ حرگ واحد شرب ووكل الثاني واخذولنه صور ولبسني الذهب وحناني شوية وراحو
اليوم اخر لليلة بيت اهلي وبغزفتي متت من البچي احس نفسيتي تعبت اخر شي شبگت نهاوي ونمت
الصبح اجانة ساهر وصلنة للصالون وراح كملتني لل 1:00 خابرتة اجة اخذنة صور ورجعنة للبيت  بالصالون وياي اختة وخالتي لان امي بالبيت متگدر ف خالتي وياي ولا عافتني
بدلتي چان لونة اوفوايت  ونازكة والمكياج خفيف ونازك كلش جميل ولبست تاج وكرستال حته الساعة فضية  فدشي راقي
للساعة 3:00  واجووو  جايبين موسيقااااا وهناااه گلبي احسة مات مو عرسي عبالك جنازتي نهاوي تباوع وتبجي واني وياهأ كلساع وكالو راح يخرب المكياج
والهورنات شوية ودخل ويه ابوة وعمة وتشكرو  من اهلي وطلعنة  اوووف اصعب موقف بحيااتي بس لازم بيووم نتحمل هلامر لان هاي سنة الحياااة وعلى البنات تكون تتحمل ڪل هلمعاناة
ضلووو يفتروون ويركصون اخر شي رجعونة للبيت  اول مدخلنة  ذبحووو الذبيحة ودخلونه علاستقبال ضل شويه وراح  يسوون حفلة مالت زلم النسون يرگصن بالاستقبال وفرحانات لل 7:00  گالوو خلي انزفهم مشو خطارهأ يلة لزم ايدي صعدني فوگ سلمو علينه وراحو  امة گالت اجيبلكم العشة واجي راحت اجة يمي فتحلي السحاب لان مكدرت افتحة وخله اخذ ملابسة وراح للحمام يسبح اني طلعت نفنوف البيض ولبستة هو كمل واجة يمي  شوية واجت  عمتي جايبة كباب  اتعشيت جنت جوعانة ومستحية بنفس الوقت خطية ضل يسويلي لفات وينطيني شبعت گمت غسلت
اتقرب مني  كاي زوج وصرنة  زوجين تأذيت بس هو گدر يكسبني ويرضيني والحمدالله
تسريع الاحداث

جانو اعيالي ناس ما بيهم اذية ويحبوني ويحترموني حته حماتي احسهأ اخت الي جابت ولد سمتة اوراس  كلش حلوو ومحبوب  م̷ن̷  تجي يطيرون بيه ويحتارون شيسوولة
صار سنة على زواجي هاي الايام دتصير عندي  دوخة وتلعب نفسي والعادة صار شهر متأخرة
فبيوم  سوينة سمچ واني شميت الريحة  وركضت للحمام  الكل انتبه  ساهر گال العصر اخذلچ تحليل مالت دم ونشوف
ساهر يموت عليه وابد ممقصر وياي  بأي شي احبة واموت علية
بدلت وتحضرت گال يلة رحنة  علمختبر چنت خايفة اخاف ماكو شي المهم سوتلي تحليل مالت دم گالت ساعة وتطلع النتيجة. ضلينة نفتر بالسيارة  رجعنة للمختبر  گالت مبروك حامل طررت  م̷ن̷ 🌸 الفرح وساهر اكبر  من فرحتي  جان رجعنة للبيت وكلهأ باركتلنه ولتسوين شي اهم شي ترتاحين  الكل يوصي
نساوتي چانت حيل صعبة والطفل نازل اخر شي گالو روحي  يم اهلج ارتاحي احسن
صدگ رحت يم اهلي وطايرين بية ويحتارون شيجيبون  ضليت 3   اشهر  يخابرني ويجيني يومية ويحتار شيجيب ويشوفني مرتاحة يگول ابقي اريدج ترجعين مثل قبل وعمتج تجي وتخابر وعمي وحماتي يخابرون معايفيني جان اجتي جيرانة ام محمد هاي تموت علقال والقلت چان تگول ميردوچ حته ساهر ميريدج يردون يتخلصون منج بأي طريقة وحته الطفل ميردونة  ويكولون مرتاحين من رحتي الهسه امي تخبلت  من سمعت هيج وگالت بنتي ما ارجعهأ  وهاي ام محمد ما عولت  روحي على بيت ساهر وحوري بالكلام تكللهم چنتكم تگول مليت منهم وبعد ما اريدهم ـلاا اريدهم يجون ولا يسئلون تعبت اريد يطلگني اذا هو زلمة  وهناه هم تخبلووو
ضليت شهرين انگطعت اخبارهم   بيوم اشو اتصل جهازي فرحت من شفت ساهر اتصل گبل جاوبته وهناه الصدمة گال الوراق كملتهن ووقعتهن وانتي هم وقعيهن وحته اروح. للسيد يطلگنة والطفل متنازل عنة  روحي عيشي حياتج واني هم اشوف حياتي وسدة ولا نطقت بكلمة
وصارت صدگ وتطلقنة حيل تعبت وتأذيت ما جنت متوقعة الحبيتة هيج يسوي بية وشنو السببب تمنيت لو مصايرة حامل لا رايحة الاهلي بس شگول حسبي الله ونعم الوكيل الي جان السبب بخراب حياتنة
صار علية سبع اشهر قررت اروح اشوف شبية طلعت بنوتة   فرحت بيهأ وجانت امنيتي ابوهأ ويااي
ورء شهرين ولدت اجتني بنية سميتهأ مسرة اهلي طايرين بيهأ تشبة ابوهأ اهلهأ ابد ولا كلفو نفسهم وشافوهأ  ولا حته ابوهأ
بنتي ربيتهأ احسن تربية  ولا نقصت عليهأ شي جانت تسمي ابوي بابا  واني ماما وامي بيبي
گامت تكبر ومعاناتي تكبر وياهأ والناس كلهأ تگل لامي زوجيهأ شنو تكسر  شبابهأ تربي لبنية وتاليتهأ ترجع لابوهأ زوجيهأ ما زوجيهأ أﻧـჂ̤  رافضة شي اسمة زواج جربتة وتأذيت بية وما مستعدة الاي صدمة جديدة هاهية وثاني شي ساهر ماگدر مكانة انطية الغيرة صعب علية الحب الاول والاخير والابدي

.............يتبع 🌹
تعليقك ودعمكم يسعدني
دمتم  بذكر ألله