حكايه زهرة 🌺

24

بعد مرور خمس ايام كان ياسين قد عاد الي عمله وكان يحاول جاهدا ان ينظم وقته بين الشركه وبين زوجته التي كلما مر عليها يوم في حملها تزداد حالتها توتر واكتئاب فكر كثيرا ان يسافر معها من اجل تغير المكان وتهيئتها النفسية ولكنه لم بستطع بسبب شركته والزفاف ففكر ان يدعو الدكتور وزوجته لحضور العرس ودعا محمد وزوجته لحضور زفاف ملك ومروان وبالفعل استضافهم ياسين في فيلته
كان ياسين دائما يبحث عن راحتها ويفكر بها دائما
اما مروان فكان يركز جيدا بعمله حتي لا يقصر بحق الشركه ومع ذلك كان يهاتف معشوقته بكل وقت حتي لا يشعرها بالاهمال كان يذهب الي عمله ثم يذهب اليها ويجهز ترتيبات الزفاف ويذهب الي الفيلا ويشرف ع التصميمات ثم يري والده ويهتم بعلاجه
كم هو حنون، اما حازم فكان يقضي لحظاته المميزه برويه محبوبته
قبل الزفاف بيوم كان البنات في فيلا ملك يرقصون ويتغنون جاء لها هاتف من مروان امسكت زهرة الهاتف منها وتحدثت هي
* نعم يامارون عايز ايه
_ زوزو انتي قلبي هاتي مراتي اقولها حاجه
*لا يلا هش من هنا بقي
_ ياجزمه والله اخت جزمه اوووى
اغلقت معه زهره وجلست بتعب ع الكرسي بجانبها وهي تقول
* يالهوى هولد منكم هديتو حيلي منكم لله
اما ملك فكانت تضحك عليها وهي تقول
_ والله قمر وانتي زى الكورة الكفر كده
* ليكي يوووووم وهنشوف هقعد اضحك عليكي انا والبت مريم 9شهور يا عيله فافي
_ انا فافي! اهو انتي ياجزمه
وضحكو جميعهم واكملو رقصهم
اما عند فيلا مروان كان يجلس هو واصدقائه تحدث انس
_ ياابني في حد يتجوز وهو عاقل كده اسمع مني هتندم صح يا ياسين
* اه وهرمونات متلغبطه ومره تعيط ومره تضحك ووجع قلب
تحدث مروان
_برضو هتجوز
ضحك ياسين وهو يقول
*بنهزر معاك..انا الدقيقه ف حضن زهرة وانا جاي تعبان ومخنوق بشوفها برتاح برجع الاقي مراتي مستنياني واحكيلها اللي مضايقني بالدنيا وما فيها

تحدث انس
_ رغم ان مريم شعنونه اوى وبتتعصب بسرعه بس وجودها احلي حاجه بحياتي
ضحك حازم ومروان وهو يقول
_ عودة مهند الجزء الثاني ههههههههه
كان محمد يستمع اليهم بحب وهو يبتسم
* احلي حاجه انكم مرتبطين ببعض دايما
_ مانت بقيت واحد ممنا يامحمد انا ومروان وحازم وانت الرابع بتعنا
وضحكو جميعاً وشغل حازم مهرجان ورقصو عليه
وانتهي اليوم سريعا مابين الضحك والرقص ع الجانبين وقررت ملك ان البنات يظلون معها اليوم فلم يعترض الشباب ع ذلك
في صباح اليوم التالي قامت زهرة وايقظت باقي
البنات وهي تمرح
_ بت ياملك مروان بره
هبت واقفه بسرعه وهي تقول
* بجد فين
ضحكت زهرة وسما كثيرا وافاقت نور ع ضحكاتهم
اما زهرة فأختبئت خلف مريم ووقفت ملك تحاول ان تمسك زهرة ومريم بالوسط
_ لا انا ف التامن استني بدل اما اولد منكم قبل الفرح هههههههه
وبعدها احضرو لهم الفطور والشاي ثم قالت مريم
* طب تمام ملك ونور يروحو البيوتي سنتر دلوقتي واحنا نجهز الاوضه بتاعت ملك ف الفيلا عند مروان ونروحلهم تمام كده
_ تمام
ونزلو جميعا
في فيلا مروان فتح والده الباب لهم فقالت زهرة بخجل
* صباح الخير عمو معلش ممكن تصحيلي ياسين وانس
_ صباحك جميل شبهك يابنتي اول مرة اشوفك بس عرفتك من وصف مروان يازهرة