يدين الاتصال بس اني ودموعي سويه
ياربي شسوي حطيت راسي على المخده بس النوم راح من عيني ولا نمت للفجر سمعت يأذن كمت فرشت سجادتي وكعدت اصلي
وكعدت بس دموعي تجري اني واصلي
كمت ادعي اني واصلي
رفعت أيدي وادعي
(اللهم اني اعوذ بك من الهم والحزن والعجز والكسل يارب اللهم اتوسل اليك بكل اسم هو لك ان تقضي لي الحاجه وان تذهب عني الهم والغم والحزن وان تهدني راحه البال وتكشف عني الكرباء انك على كل شي قدير اللهم امين )
كملت صلاتي ورجعت لفراشي بس هم منمت العالم يجون ب٩لصبح شلون يربي طلعت من غرفتي رحت حضنت امي اني وياهه نبجي وابويه اول مره اشوفه يبجي بهستريه وعلى حالنه
صارت الساعه ب٩لصبح ندكت لباب نقبض كلبي
اجو العالم كالو يله نريد البت
اني رحت جبت جنطتي ودعت امي وابويه بس وأريد اصير كبال العالم قويه
صعدت بسياره واني دموعي موكفت ابويه وصاهم عليه
ابو جبل :خويه لتوصي حريص هيه مثل ابنيتي
ابو ميسلي :هذا من طيب كلبك رحم والديك
يله مع السلامه
الله وياكم
مشت السياره واني عيني على أهلي باوعت لكيت يسار واكف ومصدوم من الي شافه
كبل راح لاهلي
يسار:عمي شصاير
ابو ميسلي :والله ابن اخويه ضارب ابن العالم وهذوله جايين يأخذون فصليه و١٠٠مليون
يسار :اني صافن على ابو ميسلي ومصدوم كبل تعصبت وكمت أصيح وتهسترت رجعت للبيت كسرت كل غراضي
حبيبتي ميسلي راحت ليش يروحي رحتي وعفتيني كالتلي راح انقل هلمود متجرح كلبي 😭💔ليش يحبيبت كلبي محبيت غيرج
نرجع لميسلي اني ماعرف وين حروح كله الرجال الكاعد بلصدر شكد ونوصل للبصره
بليل كلش خالي
عرفت انو احنه رايحين من بغداد للبصره أوف يمه وين حيودوني
من كثر مبجيت غفيت وصلنه للبصره ودخلنه بفروع
وصلنه لبيت دبل فاليوم جبير حيل نزلو واني نزلت بس خايفه
دخلت للبيت تلكتني مره وجهه منور ولابسه شيله بيضه وجهه يشع نور
اجت عليه تعالي ييمه حبيبتي حليوه فدوه
ليش تبجين يمه عيونج الحلوه راح تروح
لتخافين يمه اني بحمايتي
