شرسه ولكن !

تنبيه

بكتب فيها عشان خاطركووو بكرا ان شاء الله حلقه واحده بس هااا واحده
**************
مر شهرين بالتمام بعد معرفة كل ابطالنا انهم فى انتظار فرد جديد فى العيله شعور واحساس مختلف لكل بطله لكل ام ممكن يدخل عليها حفيد فى يوم من الايام ويقول لها يا تيتا شويه لخبطه ممزوجه بالفرحه على جنان هرمونى رهيب من البنات تغيرات بقى نعمل ليهم ايه .. الله يكون فى عون الشباب يا اخونا 😂😂
*********
نور نايمه على السرير وحطا ايديها على بطنها الا كبرت شويه صغنتتين اد كدهووون وسرحت بخيالها ورجعت لورا فى بداية حملها
*****
فلااااش باك
*****
نور قاعده فى الشقه زهقانه جدا جدا ونجيه رافضه تماما تيجى تقعد معاها ومازن خلاص متمسك بنوجا وبرضو رافض يقعد معاها وحازم طول الوقت برا من ساعه ما خلصووو الكوبرى وسلموه على خير وفتح مكتب هندسى هو ومحى وهو طول الوقت مشغول .. راحت على التلفزيون ومسكت الريموووت شغلته قلبت بزهق وقفلته وهى بتنفخ دخلت المطبخ بتعمل أكل .. فتحت التلاجه وجابت كيس لحمه من الفريز وماسكه الكيس بطراطيف صوابعها  وشفايفها مقلوبه بقرف قربت بمناخيرها وبتشم اللحمه
نور : إعى .. ايه دا اللحمه ضربت والا ايه دخلت الكيس تانى وجابت كيس فراخ قربت بحذر من الكيس واول ما شمت ريحته  أووع  يالهوى اسود الاكل ضرب .. حطته وجابت اكتر حاجه بتحبها الجمبرى وقبل ما تقربه من مناخيرها جريت قعدت ترجع غسلت وشها ولونه احمر وعيونها بتطق شرار رجعت المطبخ وهى حاطه اشرب صغنتت على مناخيرها ورجعت كل حاجه مكانها ورجت الصاله  اترمت على الكنبه بتقل رهيب فى جسمها واول ما حازم اتصل بيها ردت بعصبيه
نور : انت فين سعتك
حازم : ها اكون فين يعنى يا نور فى المكتب
نور : انت بتقولى يا نور يعنى قصدك ايه
حازم بيدعك فى راسه : هو بقى عيب اقولك يا نور وبيهزر حموئه يمشى معاكى
نور : انا حموئه يا حازم بتلقح عليا بالكلام
ياله بقى تفاعل كبير ونجوم كتير قوووى يا فوووونز يا فانوايز يا قمراتى وعسالاتى خمسه اموووه