بسم الله الرحمن الرحيم
السلام عليكم
اليوم راح أبلش بـ سلسله جديده و هيه قصص قصيره من الواقع يعني أخذتهه صاحب/ه القصه شخصيآ و بدون أي تلاعب بالأحداث و نفس ما شفتو أسم الكتاب بلا عنوان لأن الصراحه ما لكيت أسم مناسب أذا عندكم عنوان حلو أكتبو بالتعليقات
اليوم القصه تحجي عن الخيانه و من أقرب الناس .....
على لسان صاحبة القصه ويه تغيير الأسماء
،،،،،،،،،،
أسمي ندى من بغداد عمري 21سنه
قصتي بلشت من جنت صغيره ويه أبن خالي
الي جان كل ما يجي للبيت لازم نتعارك أني ويا لأن دائمآ يزعجني لو يضربني بـ خفة أيده عود لأني طفله و هيج المهم ضل دائمآ يجي علينه لأن هو صديق أخويه كلش و يضلون سوا
مرت طفولتي ويا و هو جان حيل قريب عليه رغم عركاتنا الما تخلص بس بنفس الوقت يخاف عليه و ما يخلي أحد يضوجني صار عمري 14سنه
جنا نضل نسولف بس كلام بحدود يعني رغم الكل ما مقتنع بعلاقتنه على أنه علاقه أخويه أو صداقه تعرفون عاداتنا و تقاليدنا الي هيه ممنوع صداقة الولد ويه البنيه اله اذا جان أكو شي بيناتهم بعدين حسيت نظرته تغيرت أتجاهي و دائمآ يحجي كلام ما أفهمه بس أغلس و بنات خالتي يكولن هو مبين يحبج و من هالكلام و أني جنت أرفض هالكلام خاصة هو يحب بنيه من أقاربنا و عنده علاقه وياهه أستمرينا هيج لحد ما بيوم من الأيام ترك حبيبته لـ أسباب لحد الأن ما أعرفهه أني و صار قريب مني أكثر و بـ سنه 2018 أعترف بحبه ألي
و طبعآ ماكو بنيه ما تفرح بـ هذا الشي و هو صديقي و أعرفه أني هم بلشت أميل اله و هو يهتم بيه حيل بحيث بكل وقت يسأل أكلتي،نمتي، روحي نامي، أقري و من هالكلام...
صرنا واحد يحب الثاني بيوم من الأيام أجت ماما كالتلي خالتج تريدج لـ أبنهه و هو يدرس بغير دوله أني گبل رفضت و طلعت حجج على أساس أني بعدني صغيره و أريد أكمل دراستي و اني ما أكدر أتحمل الغربه و أكون بعيده عنكم
سكتت ماما و رجعت خالتي و حاولت تقنعني و كالعاده رفضت بس همه كلش ضغطو عليه أخر شي أتصلت على أبن خالي و كلتله هيج و هيج السالفه و أني بعد ما أتحمل و اهلي راح يشكون بيه
كال لتخافين اليوم أجيب أهلي و أجي و صدك بنفس اليوم بالليل أجه هو و أمه و أخته و أتقدملي
و قبلت و أهلي كذالك هم قبلو بس خالي كال مو هسه لأن هيه بعدهه صغيره و هو يدرس رغم هو مواليد 1995 بس يدرس معهد
و أستمرت خطوبتنه سنه و 3أشهر بس يمكن جانت أتعس سنه تمر بحياتي جان يغار بشكل فضيع لازم ما أسلم على كرايبي و أي شخص يجي ما اطلع كدامه بالأخير كمت البس عبايه و أطلع أسلم و ممنوع أطلع مره ثانيه
